Limle 20:16 - Dewtere Laamɗo Fulfulde Burkina Faso

¹⁶ Ndeen min mbullitii Joomiraaɗo de nani bojji amin. O neli maleyka wurtini min leydi Misira. Inan miɗen ngoni Kaades, galluure wonnde keerol leydi maaɗa.

Limle 20:16 ပူးပေါင်းရင်းမြစ်များ

Wurtagol 14:10

Nde Fira'awna ɓadinoo fu, Israa'iila'en ɓanti gite muɓɓen, nji'i Misirankooɓe ina ndewti ɗum'en. Ɓe kuli sanne, ɓe mbullitii Joomiraaɗo.

Wurtagol 14:19

Ndeen maleyka Laamɗo gonnooɗo yeeso Israa'iila'en oon, soƴƴii hetti gaɗa maɓɓe. Noon du, ruulde nanndunde e bimmbeere ndeen ƴuwiri yeeso maɓɓe, yehi wonowi caggal maɓɓe.

Wurtagol 23:20

Mi nelan maleyka yeeso mooɗon deenoowo on dow laawol faa yaara on nokkuure nde moƴƴinanmi on ndeen.

Wurtagol 33:2

Mi nelan maleyka ardoo on de mi riiwa Kanaaninkooɓe e Amorinkooɓe e Hittiyankooɓe e Perisinkooɓe e Hewinkooɓe e Yebusinkooɓe.

Wurtagol 6:5

Joonin, mi nanii uumaali yimɓe Israa'iila ley maccungaaku ngu Misirankooɓe ngatti ɓe nguun. Mi siwtorii du amaana am oon.

Limle 20:15

Maamiraaɓe amin njehiinoo leydi Misira ko ɓooyi. Min mbuuri toon duuɓi keewɗi ammaa Misirankooɓe torrii min sanne, minen e maamiraaɓe amin fuu.

Limle 21:22

Accaa min peccita leydi maaɗa min paltoo. Min ndewataa ley gese demeteeɗe e gese cabiije fuu, fay ndiyam ɓulli mooɗon min njarataa. Laawol manngol tan min ndewata min paltoo.

Limle 33:37

Ɓe eggi Kaades, ɓe koɗowi waamnde Hor keerol leydi Edom.

Fillitagol 4:34

Yalla woodii alla ennduɗo warude hooƴira lenyol hakkunde lenyol gonungol ley torraaji e maandeeji e kaayeefiiji e konu e semmbe mawɗo e kujje mawɗe kulɓiniiɗe, hono no Joomiraaɗo, Laamɗo mooɗon waɗiri ley leydi Misira e gite mooɗon noon naa?

Fillitagol 4:37

O yiɗii maamiraaɓe mooɗon de o suɓii ƴuwdi muɓɓen. Wo kanko e hoore makko wurtiniri on leydi Misira e semmbe mawɗo.

Yoosuwa 15:1

Inan ndongu lenyol Yahuuda fodde e cuuɗi muuɗum. Ɓe keɓi leydi gilla ɗakkol Edom faa to toowtii e ladde Sin faro horɗoore.