Limle 19:13 - Dewtere Laamɗo Fulfulde Burkina Faso

¹³ Meemuɗo maayɗo de laaɓinaay hoore muuɗum fu, tuuninan hukum Joomiraaɗo. Sey joomum wurtinee suudu Israa'iila. Saabe wiccaaka ndiyam ceninoojam ɗaam, heddoto wo tuunɗo.

Limle 19:13 ပူးပေါင်းရင်းမြစ်များ

Wurtagol 30:33

Neɗɗo fuu gaɗuɗo iri majjam naa du jooranɗo ɗam goɗɗo mo wanaa almaami fuu ittete e lenyol.

Banndi 14:32

Bonɗo saaman saabe bonde mum, ponnditiiɗo kaa heɓan suuɗorde, fay si maayi.

Lewinkooɓe 15:31

Ngaɗon Israa'iila'en wonduɓe e tuundi fuu keeda sera taa maaya saabe tuundi muɓɓen ndiin. Taa ɓe tuunina nokkuure nde njooɗiimi hakkunde maɓɓe ndeen.

Lewinkooɓe 20:3

Miin e hoore am du mi ummanto joomum de mi itta ɗum e lenyol muuɗum saabe hooƴii ɓiyum sakkanii tooru Molek faa tuuninii nokkuure am seniinde, wooɗi du huyfinii innde am seniinde ndeen.

Lewinkooɓe 22:3

Mbi'aa ɓe: E ley jamaanuuji garooji fuu, si gorko jeyaaɗo e almaami'en ɓattake sadakaaji ceniiɗi ɗi Israa'iila'en ngaddanta kam de tawi na wondi e tuundi fu, ittete yeeso am. Miin woni Joomiraaɗo.

Lewinkooɓe 22:4

Ƴuwɗo e Haaruuna nyawruɗo nguru maa mo kente muuɗum ciiwoto fuu jeyaa nyaamude sadakaaji ceniiɗi ɗiin faa nde laaɓowi. Noon du, worri no meemuɗo ko meemi maayɗo e koyɗitiiɗo fuu njeyraa nyaamude ɗi.

Lewinkooɓe 5:17

Si neɗɗo luttii wootere e jamirooje Joomiraaɗo de waɗi ko haɗaa tawi hensaaki fu, hakke oon saaman dow hoore muuɗum.

Lewinkooɓe 5:3

Katin, si neɗɗo meemii tuundi goɗɗo, mbaawndi tuuninde ɗum; ko ndi laatii fuu, fay si hensaaki, nde warowi faami fu, waɗii junuuba.

Lewinkooɓe 5:6

Na tilsi joomum wadda sadaka mbeewa ndewa maa mbaalu ndewu yeeso Joomiraaɗo saabe njoɓdi hakke mo waɗi oon. Almaami waɗana joomum sadaka yaafeede de hakke muuɗum mooytee.

Lewinkooɓe 7:20

Ammaa si mo laaɓaa nyaami teewu sadaka dewral cakkanaaɗo Joomiraaɗo fu, sey ittee e suudu bammum.

Lewinkooɓe 7:21

Hono noon du, meemuɗo tuundi, ko ndi laatii fuu, nde wo tuundi tagaaɗo maa ndaaba nga laaɓaa maa goɗɗum feere tuunɗum nyiddiniiɗum de nyaami teewu kirsamaari dewral cakkanaandi Joomiraaɗo, ittirtee e suudu bammum.

Limle 15:30

Ammaa kensiiɗo waɗi hakke, Israa'iilanke dimo e janano fu, joomum bonkake Joomiraaɗo. Saabe ɗuum sey wurtinee suudu baaba.

Limle 19:14

Inan ko yamiraa si goɗɗo maayi ley hukum: tawaaɗo ley hukum oon e naatuɗo toon fu wo tuunɓe faa waɗa balɗe jeɗɗi.

Limle 19:18

Neɗɗo laaɓuɗo hooƴa loosol hisopi suuwa ley ndiyam ɗaam de wicca dow hukum oon e kujje gonɗe ley muuɗum e yimɓe tawaaɓe toon fuu. O wicca dow gorko meemunooɗo baraaɗo maa maayɗo maa ƴi'e tagaaɗo maa saabeere oon du.

Limle 19:19

Neɗɗo laaɓuɗo oon wicca mo laaɓaa oon nyalaande tataɓerde e jeɗɗaɓerde. Nyalaande jeɗɗaɓerde ndeen tawa joomum laaɓinaama de kam du lonna kaddule muuɗum, wooɗi lootowo de futuro majjum laatoo laaɓuɗo.

Limle 19:20

Ammaa si mo goɗɗum tuunini oon salake laaɓinde hoore muuɗum fu, sey wurtinee suudu Israa'iila sabo tuuninan nokkuure Joomiraaɗo seniinde. Si o wiccaaka ndiyam ceninoojam ɗaam fu, wo o tuunɗo.

Limle 19:9

Goɗɗo laaɓuɗo ɓoɓta ndoondi magge de resa ndi ley nokkuure seniinde yaasin hoɗorde ndeen. Israa'iila'en ndesa ndoondi ndiin faa gollitoree ndiyam ceninoojam. Wo ɗum sadaka yaafeede.

Limle 8:7

Inan no ceninirtaa ɓe: mbiccaa ɓe ndiyam ceninoojam de ɓe pemmba ɓalli maɓɓe fuu, wooɗi du, ɓe lonna kaddule maɓɓe. Ndeen ɓe laatoo seniiɓe.

Limle 9:13

Ammaa si tawii joomum na laaɓani waɗude iidi oon wooɗi du yahaay jahaangal boɗɗungal de waɗaay ɗum nyannde ɗum jeyi waɗeede fu, ittee e suudu bammum de hakke muuɗum dekoo dow hoorem.

Yuhanna 8:24

Ɗum waɗi de mbiimi on: on maaydan e hakkeeji mon. Sabo si on ngoonɗinaay miin woni mo ngonumi oon, on maaydan e hakkeeji mon.

Ibraninkooɓe 10:29

Ndelle miilee, sabo ina haani neɗɗo jukkee jukkungo ɓurngo noon manngu si yaaɓirii Ɓii Laamɗo yawaara, huyfinii ƴiiƴam amaana cenuɗam ɗum ɗaam, mbonkake Ruuhu gaddoowo moƴƴere oon.

Ibraninkooɓe 9:10

Dewal ngaal ina haɓɓaa e jamirooje haala nyaamdu e njaram e lootaade lootaali feere feere. Jamirooje ɗeen fuu na kaɓɓaa e ɓanndu tan wanaa e ɓernde, iɗe njokkee faa nyannde Laamɗo tabintini huunde heyre.

Holleede 21:8

Ammaa waatuɓe ɓerɗe e ɓe ngalaa goonɗinal e gollooɓe ko nyiddini e warooɓe yimɓe e fijooɓe e dabarankooɓe e rewooɓe tooruuji e fenooɓe ɓeen fuu, weendu yiite e sitti huɓɓooru nduun woni ngeɗu muɓɓen. Ɗum woni maayde ɗiɗaɓerde ndeen.

Holleede 22:11

Gaɗoowo ko boni heddoo e bonanda muuɗum, tuunɗo golle heddoo e golleeji muuɗum tuunɗi ɗiin, moƴƴo heddoo e moƴƴuki muuɗum, ceniiɗo heddoo e senaare muuɗum!

Holleede 22:15

Ammaa wonɓe caggal mayre ɓeen wo dawaaɗi e dabarankooɓe e fijooɓe e warooɓe yimɓe e rewooɓe tooruuji e yiɗuɓe fewre e waɗooɓe hiila.