Limle 18:7 - Dewtere Laamɗo Fulfulde Burkina Faso

⁷ Ammaa Haaruuna, aan e ɓiɓɓe maaɗa tan njeyi gollude gollal almaamaaku to sakkirde e ko woni gaɗa wudere faliinde e nokkuure seniinde ndeen. Ndaranoɗon gollal ngaal. Mi hokkii on almaamaaku, ɗum laatoo gollal mooɗon. Si mo jeyaaka e mooɗon ɓattake ɗum fu, wo bareteeɗo.

Limle 18:7 ပူးပေါင်းရင်းမြစ်များ

Wurtagol 28:1

Ngaɗaa sakiike maaɗa Haaruuna wara wona ɗakkol maaɗa, kam e ɓiɓɓe muuɗum, Nadabu e Abihu e Eliyajar e Itamar. Kamɓe ngoni ɓe cuɓiimi hakkunde lenyol Israa'iila faa ngolla gollal almaamaaku yeeso am.

Wurtagol 29:9

Kaɓɓanaa Haaruuna e ɓiɓɓe muuɗum kaɓɓorɗi ɗiin de kippaa kufuneeje dow ko'e maɓɓe. Noon Haaruuna e ɓiɓɓe muuɗum kalfinirtee almaamaaku. Ɗum laatanoo ɓe kamɓe e ƴuwdi maɓɓe yamiroore faa abada.

Lewinkooɓe 16:2

Joomiraaɗo wi'i Muusaa: — Kaaldaa e sakiike maaɗa Haaruuna mbi'a ɗum taa naata wakkati fuu faa ley Nokkuure Ɓurnde fuu Senaade gaɗa ridoo yeeso keruba'en huuruɓe keesuwal Amaana ngaal. Noon waɗta taa o maaya sabo miɗo ɓanga nder ruulde dow ommboode ndeen.

Lewinkooɓe 7:35

Wo ɗuum woni ko almaamaaku Haaruuna e ɓiɓɓe muuɗum kokki ɗum'en dow sadakaaji gaddanteeɗi Joomiraaɗo gilla nyannde ɓe ngaɗaa almaami'en ndeen.

Limle 1:51

Nde eggoton fuu, wo kamɓe njeyi huuncude hukum oon; wooɗi du ɗo koɗoton fuu, wo kamɓe njeyi darnude ɗum. Mo wanaa jeyaaɗo e maɓɓe de ɓadii ɗoon fuu wo bareteeɗo.

Limle 18:20

Joomiraaɗo wi'i Haaruuna: — A walaa ndongu e leydi maɓɓe wooɗi du a walaa ngeɗu hakkunde maɓɓe. Wo miin woni ngeɗu e ndongu maaɗa hakkunde ɓiɓɓe Israa'iila.

Limle 18:3

Ɓe ngollane wooɗi du ɓe ngaɗa golle jeyɗe golleede ley hukum oon fuu. Ammaa taa ɓe ɓattoo kujje nokkuure seniinde maa sakkirde ndeen sabo nde ɓe ɓattii ɗum fu, aan e maɓɓe fuu on maayan.

Limle 3:10

Ndelle kakkilaa wooɗa, sabo Haaruuna tan e ɓiɓɓe muuɗum kalfinaa gollal almaamaaku ngaal. Si mo wanaa jeyaaɗo e maɓɓe naati ngal fu, wo bareteeɗo.

Limle 3:38

Muusaa e Haaruuna e ɓiɓɓe muuɗum na keeda yeeso hukum oon faro lettugal. Kamɓe kaybanta nokkuure seniinde ndeen e innde Israa'iila fuu. Si mo wanaa almaami ɓattake ɗum fu, wo bareteeɗo.

Matta 10:8

Ndannon nyawɓe, ummintinon maayɓe, ndannon seppinɓe, ndiiwon ginnaaji. On keɓirii moƴƴere nde wo dokkal, kokkitiron nde du wo dokkal.

Yuhanna 3:27

Yaayaa jaabii ɓe, wi'i: — Neɗɗo waawaa heɓude fay huunde si wanaa ko Laamɗo hokki ɗum.

Efeesunkooɓe 3:8

Miin ɓurɗo seniiɓe ɓeen fuu famɗude oon, mi hokkaama moƴƴere faa mi waajoo yimɓe ɓe nganaa Alhuudiyankooɓe barkeeji gonɗi e Almasiihu ɗi ngalaa haddu ɗiin.

Fillitagol 18:2

Ɓe ngalaa ndongu hakkunde sakiraaɓe maɓɓe Israa'iila'en. Joomiraaɗo kam woni ndongu maɓɓe fodde no fodoranii ɓe noon.

Ibraninkooɓe 5:4

Fay gooto waawaa hokkude hoore mum darja laataade Almaami Mawɗo. Sanaa tawa Laamɗo suɓii ɗum hono no suɓorii Haaruuna ni.

Yoosuwa 18:7

Lewinkooɓe kaa keɓataa ndongu nder leydi ndiin hakkunde mooɗon, sabo laataade almaami'en gollanooɓe Joomiraaɗo woni ndongu muɓɓen. Gad e Ruben e feccere lenyol Manasa kaa keɓiino ndongu muɓɓen lettugal Urdun. Wo Muusaa maccuɗo Joomiraaɗo, kam yeɗi ɓe.

1 Piyeer 5:2

Nduron coggal ngal Laamɗo halfini on ngaal. Kaybon ngal. Taa ndurdon ngal tilay, ammaa ndurdon ngal yardaamuye no Laamɗo yiɗiri ni. Taa ndurdon ngal faa keɓon kaalisi tan, ndurdon ngal e semmbe ɓerɗe mon.

1 Piyeer 5:3

Taa ndoolɗee coggal ngal Laamɗo halfini on ngaal, ammaa ngaɗon alhaali lobbo e maggal faa ngal jokka.

1 Samuwiila 2:28

Mi suɓake bammaa hakkunde lenyi Israa'iila fuu faa laatoo almaami am, faa o sakka dow hirsirde, faa o ura ure, o ɓornee saaya almaamaaku yeeso am. Mi hokkii koreeji bammaa du ko Israa'iila'en cakkata e yiite fuu.