Limle 18:5 - Dewtere Laamɗo Fulfulde Burkina Faso

⁵ Wo onon kaybanta nokkuure seniinde e sakkirde ndeen fuu. Noon watta de Israa'iila'en kisa jukkungo am naawngo ngoon.

Limle 18:5 ပူးပေါင်းရင်းမြစ်များ

1 Kabaaruuji Laamiiɓe 23:24

Ɓee ngoni ɓiɓɓe Lewi mawɓe ardiiɓe lenyol muɓɓen, limaaɓe gooto gooto fodde cuuɗi muɓɓen. Kamɓe kalfinanoo golle ley suudu Joomiraaɗo gilla mo duuɓi 20 yaade yeeso.

1 Kabaaruuji Laamiiɓe 23:32

Ɓe ngolla ko golletee ley hukum Ceniiɗo oon e nokkuure Seniinde ndeen fuu. Ɓe mballa ɓiɓɓe Haaruuna sakiraaɓe maɓɓe ɓeen bangal ko golletee ley suudu Joomiraaɗo nduun fuu.

1 Kabaaruuji Laamiiɓe 24:5

Ɓe cenndiraa golle ɗeen cumnal sabo ardiiɓe gollal nokkuure seniinde e ardiiɓe golle Laamɗo fuu wo ittaaɓe e ɓiɓɓe Eliyajar e ɓe Itamar.

1 Kabaaruuji Laamiiɓe 9:19

Sallum ɓii Koore, Koore ɓii Ebiyasaf, Ebiyasaf ɓii Koore e sakiraaɓe muuɗum ɓe suudu bammum Koore ɓeen, kam'en ndoomannoo naaruɗe hukum Joomiraaɗo hono no maamiraaɓe muɓɓen noon.

1 Kabaaruuji Laamiiɓe 9:23

Kamɓe e ɓiɓɓe maɓɓe e taaniraaɓe maɓɓe fuu ɓe keddoto dammbuɗe suudu Joomiraaɗo, hukum Ceniiɗo oon faa ɓe ndooma ɗum.

1 Kabaaruuji Laamiiɓe 9:33

Yimooɓe, ardiiɓe cuuɗi Lewinkooɓe, na njooɗinoo ley cuuɗi nder galle suudu Joomiraaɗo nduun. Ɓe ngollataano golle goɗɗe sabo iɓe njimannoo jemma e nyalooma fuu.

Wurtagol 27:21

Haaruuna e ɓiɓɓe muuɗum ngatta ɗi ley Hukum Ceniiɗo, yaasin lefol cuuɗungol keesuwal Amaana ngool. Ɓe njoƴƴinira ɗi no ɗi mbaawiri heddaade iɗi njayna yeeso Joomiraaɗo gilla futuro faa yaade subaka. Yamiroore ndeen na tilsani Israa'iila'en ley jamaanuuji fuu faa abada.

Lewinkooɓe 10:6

Muusaa wi'i Haaruuna e ɓiɓɓe muuɗum Eliyajar e Itamar: — Taa piirton ngaasaaji mooɗon, taa ceekon kaddule mooɗon saabe mettorgal de ɗuum saabanoo on maayde, wooɗi du pooɗanon jamaare ndee fuu tikkere Joomiraaɗo mawnde. Wo sakiraaɓe mooɗon lenyol Israa'iila fuu kawritata mboya ɓe Joomiraaɗo halkiri yiite ɓeen.

Lewinkooɓe 24:3

Haaruuna joƴƴina ɗi yaasin lefol cuuɗoowol keesuwal Amaana ley hukum Ceniiɗo faa ɗi keddoo iɗi njayna yeeso Joomiraaɗo gilla futuro faa yaade subaka. Wo ɗum yamiroore tilsande Israa'iila'en ley jamaanuuji fuu faa abada.

Limle 1:50

Ammaa ɓe kalfinee hukum Keesuwal Amaana to kam e kujje feere feere ceniiɗe fuu ndesaa. Ɓe laatoo rondotooɓe hukum oon e kujje feere feere gonɗe ley muuɗum; ɓe koɗa ɓe piiloo hukum oon de ɓe kaybana ɗum.

Limle 1:53

Lewinkooɓe kaa, koɗa piiloo Hukum oon taa tikkere am mawnde saama dow Israa'iila'en. Ɓe kakkilana hukum oon sanne.

Limle 18:4

Ɓe laatoo wallitooɓe ma, ɓe ndaranoo hukum Ceniiɗo oon, ɓe ngaɗaa huunde fuu ko haani waɗeede ley makko. Taa kawriton e mo jeyaaka e mooɗon.

Limle 4:18

Kakkilon wooɗa taa ƴuwdi Kehat fiɗɗee hakkunde Lewinkooɓe.

Limle 8:19

Wooɗi du, mi hokkii ɓe Haaruuna e ɓiɓɓe muuɗum hakkunde Israa'iila'en faa ngollana ɓe ley hukum oon, ɓeen ngaɗanta ɓe sadaka mooytoowo hakke. Noon laatortoo taa masiiba saama dow Israa'iila'en saabe ɓattaade nokkuure seniinde ndeen.

Limle 8:2

Mbi'aa Haaruuna si na huɓɓa fitillaaji jeɗɗi ɗiin fu, waɗa ɗi njaynina ɗakkol majji.

1 Timote 1:18

Ɓiyam Timote, inan tindinoore nde kalfinammaami, fotunde e haalaaji annabaaku cappiiɗi ma arande ɗiin: tuugoɗaa ɗi faa kaɓaa hono no sordaasi cuusuɗo haɓirta ni.

1 Timote 3:15

Ndeen si mi heɓaay warude law fu, a faaman no kaanɗen worrude e ley suudu Laamɗo, laatiindu kawrital goonɗinɓe Laamɗo Buurɗo. Kawrital ngaal woni bimmbeere tiigiinde goonga, wo ngal joƴƴinirde goonga.

1 Timote 5:21

Miɗo gongine yeeso Laamɗo e yeeso Iisaa Almasiihu e maleyka'en ɓe o suɓii ɓeen, kaybaa jamirooje ɗe, tawee a heedantaa fay gooto, a ɓurdintaa yimɓe.

1 Timote 6:20

Timote, tinnoɗaa e ko kalfinaɗaa ɗuum. Mboɗɗoɗaa haalaaji ɓoli luttuɗi kulol Laamɗo, kam e miilooji bi'eteeɗi wo anndal de nganaa.