Limle 18:20 - Dewtere Laamɗo Fulfulde Burkina Faso

²⁰ Joomiraaɗo wi'i Haaruuna: — A walaa ndongu e leydi maɓɓe wooɗi du a walaa ngeɗu hakkunde maɓɓe. Wo miin woni ngeɗu e ndongu maaɗa hakkunde ɓiɓɓe Israa'iila.

Limle 18:20 ပူးပေါင်းရင်းမြစ်များ

Fuɗɗoode 15:1

Caggal ɗuum, konngol Joomiraaɗo wari e Abram, wi'i: — Taa hulu Abram! Miin woni wawaade maaɗa, mbarjaari maa mawnan sanne.

Limle 18:7

Ammaa Haaruuna, aan e ɓiɓɓe maaɗa tan njeyi gollude gollal almaamaaku to sakkirde e ko woni gaɗa wudere faliinde e nokkuure seniinde ndeen. Ndaranoɗon gollal ngaal. Mi hokkii on almaamaaku, ɗum laatoo gollal mooɗon. Si mo jeyaaka e mooɗon ɓattake ɗum fu, wo bareteeɗo.

Limle 26:62

Lewinkooɓe worɓe limaaɓe gilla mo lewru wooturu fuu wo yimɓe ujunaaje noogay e tato (23.000). Ɓe limidaakano e Israa'iila'en sabo ɓe kawtaay e muɓɓen ndonngu.

Fillitagol 10:9

Wo saabe ɗuum de Lewinkooɓe ngalaa ndongu hakkunde sakiraaɓe muɓɓen Israa'iila'en. Wo Joomiraaɗo kam e hoorem woni ndongu maɓɓe fodde no wiirunoo o noon.

Fillitagol 12:12

Ceyoɗon yeeso Joomiraaɗo, Laamɗo mooɗon, onon e ɓiɓɓe mon rewɓe e worɓe, e maccuɓe mon e horɓe mon e Lewinkooɓe tawaaɓe ley galluuje mon, sabo Lewinkooɓe ngalaa ngeɗu hakkunde mooɗon.

Fillitagol 14:27

Taa njeeboɗon Lewinkooɓe tawaaɓe ley galluuje mooɗon sabo ɓe ngalaa ndongu hakkunde mooɗon.

Fillitagol 14:29

Ndeen Lewinkooɓe ɓe ngalaa ndongu hakkunde mooɗon ɓeen e jananɓe e atiime'en e rewɓe ɓe goriraaɓe muɓɓen maayi jooɗiiɓe ley galluuje ɗeen ngaran nyaama faa kaara de Joomiraaɗo, Laamɗo mooɗon barkina golleeji mooɗon fuu.

Yoosuwa 13:14

Wooɗi lenyol Lewi woni lenyol ngol Muusaa hokkaayno ndongu nder leydi ndiin. Sabo Joomiraaɗo wi'iino Lewinkooɓe ɓeen keɓan ndongu muɓɓen e dammucce bulanteeɗe Joomiraaɗo, Laamɗo Israa'iila. Kanjum laatotoo ndongu maɓɓe.

Yoosuwa 13:33

Ammaa Muusaa hokkaay yimɓe lenyol Lewi kaa ndongu nder leydi ndiin. Joomiraaɗo, Laamɗo Israa'iila laatii ndongu maɓɓe hono no yamirnoo.

Yoosuwa 14:3

Tawi Muusaa artiino hokkii lenyi ɗiɗi e feccere lenyol wootere keddiingol ngool ndongu muɓɓen nder leydi ngonndi caggal Urdun toon.

Yoosuwa 18:7

Lewinkooɓe kaa keɓataa ndongu nder leydi ndiin hakkunde mooɗon, sabo laataade almaami'en gollanooɓe Joomiraaɗo woni ndongu muɓɓen. Gad e Ruben e feccere lenyol Manasa kaa keɓiino ndongu muɓɓen lettugal Urdun. Wo Muusaa maccuɗo Joomiraaɗo, kam yeɗi ɓe.

Holleede 21:3

Nanumi daande toownde ƴuurunde to jooɗorgal laamu toon, ina wi'a: — Inan, joonnde Laamɗo na woni hakkunde yimɓe: o jooɗoto hakkunde maɓɓe, ɓe laatoo lenyol makko. Laamɗo e hoore muuɗum wondan e maɓɓe, laatoo Laamɗo maɓɓe.