Limle 18:13 - Dewtere Laamɗo Fulfulde Burkina Faso

¹³ Ko arti ɓenndude e gese maɓɓe e kujje feere feere ɗe leydi maɓɓe rimata ko ɓe ngaddanta Joomiraaɗo fuu wo aan jeyi. Laaɓuɗo tawaaɗo ley suudu maaɗa fuu na waawi nyaamude ɗum.

Limle 18:13 ပူးပေါင်းရင်းမြစ်များ

2 Kaanankooɓe 4:42

Gorko gomma ƴuuri galluure Ba'al-Salisa, waddani Nelaaɗo Laamɗo oon buuru gaɗiraaɗo sa'iiri artundi ɓenndude ley ngesa muuɗum, e gawri keyri ley bootooru. Elisey wi'i golloowo muuɗum: — Peccaa ɗum kokkaa yimɓe ɓee nyaama.

Wurtagol 22:29

Noon ngaɗirton e na'i mooɗon e baali mooɗon du. Caggal rimeede majji, balɗe jeɗɗi ɗi ngaddata e inniraaɓe majji, de nyalaande jeetataɓerde ndeen, kokkon kam ɗi.

Wurtagol 23:19

Ngaddaa ley suudu Joomiraaɗo, Laamɗo maaɗa ko ɓuri wooɗude ley ko artii ɓenndude e ngesa maaɗa. Taa njongaa teewu ɓinngel mbeewa nder kosam inna muuɗum.

Wurtagol 34:26

Ngaddaa ko ɓuri wooɗude ley ko artii ɓenndude e ngesa maaɗa ley suudu Joomiraaɗo, Laamɗo maaɗa. Taa njongaa teewu ɓinngel mbeewa nder kosam inna muuɗum.

Lewinkooɓe 22:7

Nde naange saami fu, o laaɓii. Caggal ɗuum imo waawi nyaamude sadakaaji ceniiɗi ɗiin. Wo nyaamdu makko.

Lewinkooɓe 23:17

To tawaɗon fuu, ngaddon sadaka ko artii ɓenndude, ɓanteteeɗo yeeso Joomiraaɗo oon. Ɗum woni buuruuje ɗiɗi jillaaɗe rabilla tawa wootere fuu kilooji tati conndi ɗaatundi waɗiraa.

Fillitagol 18:4

Kokkon ɓe ko artii ɓenndude ley gese mon fuu, ɗum woni alkama e inaboojam e nebbam tawti leeɓi baali artiiɗi heseede,

Fillitagol 26:2

itton ko artii ɓenndude ley barke gese mon, ngatton ley kanndeeje de njaaron nokkuure nde Joomiraaɗo suɓoytoo faa tabintina innde muuɗum ndeen.