Limle 18:11 - Dewtere Laamɗo Fulfulde Burkina Faso

¹¹ Wooɗi ko ittetee ley dokke ɗe Israa'iila'en ngaddata e ko ɓantetee yeeso Joomiraaɗo, ɗuum du fuu wo aan jeyi. Mi hokkii ma ɗum, aan e ɓiɓɓe maaɗa fodde yamiroore nde ɗowtantoɗon ley jamaanuuji fuu. Laaɓuɗo tawaaɗo ley suudu maaɗa fuu na waawi nyaamude ɗum.

Limle 18:11 ပူးပေါင်းရင်းမြစ်များ

Lewinkooɓe 10:14

Nyaamon du, doomre ɓanteteende yeeso Joomiraaɗo e busal cakketeengaal ley nokkuure laaɓunde aan e ɓiɓɓe maaɗa worɓe e rewɓe. Wo ɗuum woni ngeɗu mooɗon ley sadakaaji dewral ɗi Israa'iila'en ngaɗata.

Lewinkooɓe 7:14

Ley sii sadakaaji gaddaaɗi ɗiin fuu o ittana Joomiraaɗo buuruure wootere. Wo ɗuum woni ngeɗu almaami biccuɗo ƴiiƴam kirsamaari dewral oon.

Limle 18:1

Joomiraaɗo wi'i Haaruuna: — Wo aan e ɓiɓɓe ma e sakiraaɓe maaɗa lenyol Lewi ndondotoo feloore si woodii ko oonyi ley nokkuure seniinde maa si on luttii e ley gollal mooɗon almaamaaku.

Limle 18:10

Nyaamon ɗe ley Nokkuure Ɓurnde fuu Senaade. Worɓe tan njeyi nyaamude ɗum sabo wo ɗum nyaamdu seniindu. Ndaardaa ɗe wo ɗe ceniiɗe.

Limle 18:19

Mi hokkii on du, ko senii ko Israa'iila'en ittanta kam fuu aan e ɓiɓɓe maaɗa worɓe e rewɓe, fodde yamiroore nde ɗowtantoɗon ley jamaanuuji fuu. Ɗum woni amaana mo kaɓɓidimmi e maaɗa aan e taaniraaɓe maaɗa, amaana tabitoowo yeeso am faa abada.

Limle 18:8

Joomiraaɗo wi'i Haaruuna: — Mi halfinte dokke ɗe kokketeemi, ko Israa'iila'en ngaddata yeeso am fuu. Mi hokkii ma ɗum aan e ɓiɓɓe maaɗa. Mi hokkirii ma ɗum yamiroore nde ɗowtantoɗon ley jamaanuuji fuu.

Fillitagol 18:3

Inan ko almaami'en njeyi ley ko yimɓe cakkanta Joomiraaɗo: Si wo nagge naa mbaalu naa mbeewa fuu, almaami jey walaawo e gole e kujje reedu fuu.