Limle 16:14 - Dewtere Laamɗo Fulfulde Burkina Faso

¹⁴ A nannaay min leydi ndi kosam e njuumndi ilata e muuɗum, a hokkaay min gese e leɗɗe dimooje faa laatoo ndonngu amin. Ndelle a ndaardataanaa yimɓe ɓee fuu hono wumɓe naa? Min ngarataa!

Limle 16:14 ပူးပေါင်းရင်းမြစ်များ

Wurtagol 22:5

Si goɗɗo waɗii ngulu ley ladde de yiite ngeen nanngii gi'e faa yottii gese, nyaamii kaɓɓe gawri, naa gawri ndi tappaaka, naa ngesa ngaan fuu, tilay joomum yoɓa.

Wurtagol 23:10

Ndemaa ngesa maaɗa haddi duuɓi jeegom.

Wurtagol 23:11

Ammaa ndunngu njeɗɗaɓu nguun kaa, a jeyaa remude nga. Accanaa nga talkaaɓe ley lenyol maaɗa. Ko heddii du, daabaaji ladde nyaama. Noon ngaɗirtaa ngesa maaɗa inabooje e nga jaytun fuu.

Wurtagol 3:17

Ɗum saabii mbi'umi mi wurtinan on e mettorgal mooɗon ley leydi Misira, mi yaara on leydi Kanaaninkooɓe e Hittiyankooɓe e Amorinkooɓe e Perisinkooɓe e Hewinkooɓe e Yebusinkooɓe. Ndiin woni leydi ndi kosam e njuumndi ilata e muuɗum.

Wurtagol 3:8

Saabe ɗuum de njippiimi faa mi danna yimɓe am e baawɗe Misirankooɓe, mi itta ɓe leydi Misira, mi yaara ɓe leydi lobbiri njaajundi, leydi ndi kosam e njuumndi ilata e muuɗum, nokkuure ɗo Kanaaninkooɓe e Hittiyankooɓe e Amorinkooɓe e Perisinkooɓe e Hewinkooɓe e Yebusinkooɓe njooɗii.

Lewinkooɓe 20:24

Saabe ɗuum de mbiimi on: — Wo onon njeytata leydi maɓɓe ndiin. Miin e hoore am hokkata on ndi. Wo ndi leydi ndi kosam e njuumndi ilata e muuɗum. Miin woni Joomiraaɗo, Laamɗo mooɗon. Wo miin senndi on e lenyi keddiiɗi fuu.

Limle 13:27

Ɓe mbi'i: — Min njehii leydi ndi nelɗon min korowa ndiin. Si goonga leydi ndiin wo leydi ndi kosam e njuumndi ilata e muuɗum. Inan du ɓiɓɓe leɗɗe mayri.

Limle 14:8

Si hinney Joomiraaɗo na wondi e meeɗen fu, ardoto en de hokka en ndi, kayri ndi kosam e njuumndi ilata e muuɗum ndiin.

Limle 20:5

Ko saabii de ndillinɗon min Misira, ngadduɗon min nokkuure bonnde ndee? Ndee wanaa nokkuure jaɓoore aaweede gawri maa ƴibbe maa cabiije maa rummaneeje, nde walaa fay ndiyam ko yaree.

Ardiiɓe 16:21

Wakkati oon Filistiyankooɓe nanngi mo, itti gite makko, njaari mo ley ngalluure Gaaja. Ɓe njaari mo toon ley suudu kasu, ɓe kaɓɓiri mo callali njamndi mboɗeeri. Nder kasu toon, ɓe ngaɗi mo niisoowo alkamaari.

1 Samuwiila 11:2

Ammaa Nahas Amoniijo oon wi'i ɓe: — Inan no ngadirammi amaana: neɗɗo mooɗon fuu, mi ittan yitere mum gere nyaamo faa mi semtina yimɓe Israa'iila fuu.