Limle 16:13 - Dewtere Laamɗo Fulfulde Burkina Faso

¹³ Yalla ko ndillinɗaa min leydi lobbiri ndi kosam e njuumndi ilata e muuɗum de ngadduɗaa min faa min maaya ley ladde yoornde ɗum fuu heƴaay ma naa? Sey ndawranaa min du katin?

Limle 16:13 ပူးပေါင်းရင်းမြစ်များ

Wurtagol 1:11

Ndeen yimɓe Misira cuɓii hooreeɓe golleeji tiiɗɗi faa ngollina Israa'iila'en golleeji naawɗi. Israa'iila'en ngaɗaa nyiɓani Fira'awna kuɓeeje desirɗe nguurey, ɗeen ngoni Pitom e Ramses.

Wurtagol 1:22

Wooɗi Fira'awna yamiri yimɓe muuɗum fuu, wi'i: — Ɓii Ibraninkeejo gorko dimaaɗo hakkunde mooɗon fu, paɗɗon ɗum ley maayo Nil, ammaa accon cukaloy ndewoy kooy kaa mbuura.

Wurtagol 16:3

Ɓe mbi'i ɗum'en: — Kay, ko ɓurannoo min fu, tawee Joomiraaɗo wariino min ley leydi Misira! Toon min njooɗinoo ɗakkol payanɗe amin teewu, miɗen nyaama faa miɗen kaara. Yalla wo warude min kaajaɗon de ngadduɗon min ley ladde yoornde ndee faa mbardon kawrital ngaal fuu rafo naa?

Wurtagol 17:3

De saabe ɗomka ina jogii ɓe sanne, ɓe puɗɗi iɓe ŋurŋurtana Muusaa, Iɓe mbi'a: — Ko waɗi mburtinɗaa min Misira? Yalla faa minen e ɓiɓɓe amin e kulle amin fuu min maaya ɗomka naa?

Wurtagol 2:14

Oon jaabii o wi'i: — Moy waɗi ma ardiiɗo e carotooɗo min? Yalla wo warude kam hono no mbarduɗaa Misiranke oon noon anniyiɗaa naa? Ndeen Muusaa huli, wi'itii: — Ndelle, goonga kabaaru oon annditaama!

Wurtagol 2:23

Caggal duuɓi keewɗi, kaananke Misira oon maayi. Yimɓe Israa'iila na uuma na mboya ley maccungaaku muɓɓen. Wullitagol maɓɓe saabe maccungaaku ngool njottii faa to Laamɗo.

Limle 11:20

Ɓe nyaaman ngu faa waɗa lewru, faa ɓe cawta ngu, ngu wurtoroo kine maɓɓe de ɓe tuuta. Ayyo, noon ɗum laatorto saabe ɓe tottitake Joomiraaɗo gonɗo hakkunde maɓɓe oon de iɓe mboya, iɓe mbi'a ko saabii de ɓe ndilli leydi Misira.

Limle 11:4

Yimɓe jaayɓe hakkunde maɓɓe cuunaa nyaamduuji feere feere. Ndeen Israa'iila'en puɗɗiti woyude, na mbi'a: — Toy teewu ƴuuranta en?

Limle 11:5

Inan eɗen cuunaa liƴƴi ɗi nyaamannoɗen leydi Misira ɓolum, e konkonburuuji, e dene, e haakorooji kecci, e albacce e lay.

Limle 13:27

Ɓe mbi'i: — Min njehii leydi ndi nelɗon min korowa ndiin. Si goonga leydi ndiin wo leydi ndi kosam e njuumndi ilata e muuɗum. Inan du ɓiɓɓe leɗɗe mayri.

Limle 14:2

Ɓe fuu iɓe ŋurŋurtana Muusaa e Haaruuna, iɓe mbi'a: — Woowoy! Tawe min maayno leydi Misira maa ley ladde ndeen!

Limle 14:3

Ko saabii de Joomiraaɗo waddi en ley leydi ndi faa mbardeɗen kaafaaje de rewɓe men e ɓiɓɓe meeɗen nanngee? Si en njeccake leydi Misira ɓuranaa en nii naa?

Limle 16:12

Muusaa nelani Datan e Abiram ɓiɓɓe Eliyaba mbi'ee ngara to muuɗum de ɓe njaabii mo ɓe mbi'i: — Min ngarataa!

Luuka 19:14

Ammaa yimɓe leydi ndiin njiɗaa mo, ɓe ummini nulaaɓe gaɗa makko, ɓe mbi'i: «Min njiɗaa o laamoo min.»

Golle Nelaaɓe 7:35

Muusaa mo ɓe calanii de ɓe mbi'i: «Moy waɗi ma hooreejo naa carotooɗo?», wo oon Laamɗo nuli. Laamɗo waɗi ɗum hooreejo e kisinoowo, waɗi ɗum e junngo maleyka ɓangannooɗo ɗum e ley wuumoore oon.