Limle 15:15 - Dewtere Laamɗo Fulfulde Burkina Faso

¹⁵ Yamiroore ndeen na woodani kawrital Israa'iila'en e jananɓe wonɓe hakkunde muɓɓen fuu. Ɗowtanoɗon nde ley jamaanuuji fuu.

Limle 15:15 ပူးပေါင်းရင်းမြစ်များ

Limle 15:29

Yamiroore ndeen na woodani Israa'iilanke dimo e janano gonduɗo e mooɗon, gaɗuɗo hakke de hensaaki fuu.

Limle 9:14

Si janano tawaaɗo hakkunde mooɗon muuyii waɗude iidi oon saabe teddinde kam fu, na tilsi joomum waɗira ɗum fodde jamirooje ɗee. No ngaɗirton iidi oon fuu noon janano oon du jeyi waɗirde ɗum.

Wurtagol 12:49

Yamiroore wootere ndeen na woodani ɓii wuro e janano gonɗo hakkunde mooɗon fuu.

Galaatiyankooɓe 3:28

Ndelle, walaa katin ko senndata Alhuudiyanke e mo wanaa Alhuudiyanke, naa dimo e diimaajo, naa gorko e debbo, sabo on fuu wo on gootum e ley kawtal mooɗon e Iisaa Almasiihu.

1 Samuwiila 30:25

Illa nyannde ndeen Daawda waɗi ɗum yamiroore. Ɗum laatake al'aada ley Israa'iila, na heddii faa hannden.

Limle 10:8

Ɓiɓɓe Haaruuna, almaami'en ɓeen tan njeyi fuufude ɗe. Ngollitiron ɗe ley jamaanuuji fuu.

Lewinkooɓe 24:22

Ndelle sariya gooto oon woodani Israa'iilanke dimo e janano fuu dow majjum. Miin woni Joomiraaɗo, Laamɗo mooɗon.

Wurtagol 12:43

Joomiraaɗo wi'i Muusaa e Haaruuna: — Inan yamiroore dow iidi faltagol: Janano fay gooto waawaa nyaamude nyaamdu majjum.

Wurtagol 12:24

Ɗum laatanto on yamiroore onon e ƴuwdi mooɗon faa abada.

Wurtagol 12:14

Nyalaande ndeen laatanto on nyalaande miccintinoore faa ngaɗanon kam miin Joomiraaɗo iidi mawɗo. Nde laatanoo on yamiroore heddotoonde ley jamaanuuji garooji fuu faa abada.

Koloosiyankooɓe 3:11

Ndelle joonin, walaa ko senndi hakkunde Alhuudiyanke e mo wanaa, naa hakkunde taadiiɗo e mo taadaaki, naa mo janngaay, naa baanyaaru, naa diimaajo, naa dimo. Sabo Almasiihu woni fuu, kam woni e maɓɓe ɓe fuu.

Limle 18:8

Joomiraaɗo wi'i Haaruuna: — Mi halfinte dokke ɗe kokketeemi, ko Israa'iila'en ngaddata yeeso am fuu. Mi hokkii ma ɗum aan e ɓiɓɓe maaɗa. Mi hokkirii ma ɗum yamiroore nde ɗowtantoɗon ley jamaanuuji fuu.

Limle 15:14

Si janano ɓooydi e mooɗon de na haaja waɗude sadaka mo uurngol mum weli Joomiraaɗo fu, joomum waɗira no ngaɗirton noon.

Wurtagol 28:43

Wakkati Haaruuna e ɓiɓɓe muuɗum naatata ley Hukum Ceniiɗo naa du nde ɓe ngarata sakkirde faa ɓe ngaɗa gollal maɓɓe ley nokkuure seniinde fuu, ɓe ɓornoo ɗi. Si ɓe ɓornaaki ɗi fu, hakke majjum na waawi saabanaade ɓe maayde. Ɗuum laatanoo Haaruuna e ƴuwdi muuɗum yamiroore faa abada.

Yoosuwa 8:33

Wakkati majjum yimɓe Israa'iila fuu, mawɓe e ardiiɓe e sarotooɓe, e weerɓe wonɓe hakkunde muɓɓen fuu keddii ina ndarii seraaji keesuwal Joomiraaɗo ngaal. Ɓe ndarii yeeso almaami'en, Lewinkooɓe wakkiiɓe keesuwal Amaana Joomiraaɗo ɓeen. Woɓɓe maɓɓe ina ndarii yeeso waamnde Garijim, woɓɓe maɓɓe du ina ndarii yeeso waamnde Ebal. Noon Muusaa maccuɗo Joomiraaɗo yamirnoo ɓe ngaɗira faa ɓe mbarkinee.

Ester 9:27

Ɓe kunii tabintinde waɗugol weltaare ndeen e ko ɗowtata nde fuu finaatawaa maɓɓe, kamɓe e ɓiɓɓe maɓɓe, e taaniraaɓe maɓɓe e tokkuɓe diina Yahuudiyankooɓe fuu. Ley hitaande fuu balɗe ɗiɗi ɗeen cuɓaa faa hiirooji ɗiin ngaɗee fodde no Mordakay yamiri.