Limle 14:3 - Dewtere Laamɗo Fulfulde Burkina Faso

³ Ko saabii de Joomiraaɗo waddi en ley leydi ndi faa mbardeɗen kaafaaje de rewɓe men e ɓiɓɓe meeɗen nanngee? Si en njeccake leydi Misira ɓuranaa en nii naa?

Limle 14:3 ပူးပေါင်းရင်းမြစ်များ

Nehemiya 9:17

Ɓe ɗowtanaaki ma, ɓe njeggiti maandeeji kaayniiɗi ɗi ngaɗanɗaa ɓe, ɓe cattini ɓerɗe maɓɓe. Ley muurtere maɓɓe, ɓe cuɓanii ko'e maɓɓe ardotooɗo ɓe, faa ɓe yecco ley maccungaaku nder leydi Misira. Ammaa aan, wo a Laamɗo jaafotooɗo, a jom yidde e yurmeende e munyal e moƴƴere. Fay nde ɓe ngaɗannoo ko'e maɓɓe ngaari kaŋŋe de ɓe mbi'i kayri woni alla maɓɓe burtinɗo ɓe leydi Misira, maa du, nde ɓe ngaɗunoo golle bonɗe, a yoppaay ɓe kamɓe tan.

Wurtagol 16:3

Ɓe mbi'i ɗum'en: — Kay, ko ɓurannoo min fu, tawee Joomiraaɗo wariino min ley leydi Misira! Toon min njooɗinoo ɗakkol payanɗe amin teewu, miɗen nyaama faa miɗen kaara. Yalla wo warude min kaajaɗon de ngadduɗon min ley ladde yoornde ndee faa mbardon kawrital ngaal fuu rafo naa?

Wurtagol 5:21

Ɓe mbi'i ɗum'en: — Joomiraaɗo taykoo ko ngaɗuɗon min ɗuum de hiitoo on. On ngaɗii min min nyiddiniiɓe yeeso Fira'awna e yimɓe muuɗum. On ngattii e juuɗe maɓɓe kaafaahi faa ɓe mbara min.

Limle 11:20

Ɓe nyaaman ngu faa waɗa lewru, faa ɓe cawta ngu, ngu wurtoroo kine maɓɓe de ɓe tuuta. Ayyo, noon ɗum laatorto saabe ɓe tottitake Joomiraaɗo gonɗo hakkunde maɓɓe oon de iɓe mboya, iɓe mbi'a ko saabii de ɓe ndilli leydi Misira.

Limle 16:13

Yalla ko ndillinɗaa min leydi lobbiri ndi kosam e njuumndi ilata e muuɗum de ngadduɗaa min faa min maaya ley ladde yoornde ɗum fuu heƴaay ma naa? Sey ndawranaa min du katin?

Limle 20:3

Ndeen ɓe pilii haɓdude e Muusaa iɓe mbi'aa: — Woowoy! Tawee min maayduno e sakiraaɓe amin yeeso Joomiraaɗo!

Limle 21:5

Ndeen ɓe muurtani Laamɗo e Muusaa katin, iɓe mbi'a: — Ɗume saabii de mburtinɗon min leydi Misira? Wo faa min maaya ley ladde yoornde nde naa? Buuru walaa! Ndiyam walaa! Wooɗi min kutake nyaamduwa ngaa! (Ɗum woni manna).

Golle Nelaaɓe 7:39

Ammaa maamiraaɓe meeɗen njaɓaay ɗowtanaade mo. Ɓe calanii mo, hakkillooji maɓɓe pornyii Misira.

Fillitagol 1:39

Ɓiɓɓe mooɗon ɓe mbiiɗon nanngete, sukaaɓe ɓe kewtaay senndude ko boni e ko wooɗi ɓeen, kam'en naatata ndi. Wo ɓeen kokkumi leydi ndiin, kamɓe njeytata ndi.