Limle 14:24 - Dewtere Laamɗo Fulfulde Burkina Faso

²⁴ Ammaa Kaalibu maccuɗo am na seedi e maɓɓe, imo jokkorii kam yardamuye. Saabe ɗuum, mi yaaran mo kanko e ƴuwdi makko leydi ndi o horowi ndiin, ndi laatoo ndongu maɓɓe.

Limle 14:24 ပူးပေါင်းရင်းမြစ်များ

1 Kabaaruuji Laamiiɓe 29:18

Joomiraaɗo, Laamɗo maamiraaɓe amin Ibrahiima e Isiyaaka e Israa'iila, waɗu miilooji lobbi ɗiin keddoo ley ɓerɗe yimɓe maaɗa de kuccintinaa hakkillooji maɓɓe to maaɗa.

1 Kabaaruuji Laamiiɓe 29:9

Yimɓe fuu ceyii saabe dokke yardamuye ɗe kokki ɗeen sabo ɓe kokkirii ɗe e ɓerɗe maɓɓe fuu saabe Joomiraaɗo. Kaananke Daawda du, seyii sanne.

Banndi 23:26

Ɓiyam, hokkam ɓernde maa, laabi am mbela gite maa.

Limle 13:30

Wakkati oon Kaalibu darni duko ŋurŋurtanooɓe Muusaa ɓeen de wi'i: — En njaha teetowen leydi ndiin, sikke fuu walaa en njaaltoto ɓe de teeten ndi!

Limle 14:30

miɗo hunoo fay gooto mooɗon naatataa leydi ndi muɓɓitimmi hunnduko am kuniimi laatoto leydi mooɗon ndiin, si wanaa Kaalibu ɓii Yefunne e Yoosuwa ɓii Nuun. Kam'en tan naatata ndi.

Limle 26:65

Sabo Joomiraaɗo wi'iino ɓe maayan ley ladde ndeen, wooɗi du, wo noon ɗum laatorii: Kaalibu ɓii Yefunne e Yoosuwa ɓii Nuun tan keddii.

Golle Nelaaɓe 11:23

Nde oon yottinoo de yi'i e maɓɓe moƴƴere Laamɗo fu, seyii, tindini ɓe fuu ɓe tinnoo, ɓe tabita e Joomiraaɗo e ɓerɗe laaɓuɗe.

Efeesunkooɓe 6:6

Ɗowtanee ɓe tawee wanaa yeeso maɓɓe tan, hono no filotooɓe welude ɓiɓɓe-Aadama. Ko haani dey, ɗowtanee ɓe no maccuɓe Almasiihu ngaɗirta muuyɗe Laamɗo e ɓerɗe laaɓuɗe ni.

Fillitagol 1:36

si wanaa Kaalibu ɓii Yefune. Kam kaa, yi'an ndi wooɗi du, mi hokkan ɗum leydi ndiin, kam e ɓiɓɓe muuɗum. Mi hokkan o leydi ndi koyɗe makko njaaɓi ndiin saabe o njokkii Joomiraaɗo e ɓernde makko fuu.

Fillitagol 6:5

Njiɗiraa Joomiraaɗo, Laamɗo maaɗa e ɓernde maa fuu e yonki maa fuu e semmbe maa fuu.

Koloosiyankooɓe 3:23

Huunde fuu ko ngolloton, ngolliron ɗum ɓerɗe laaɓuɗe, sabo wo Joomiraaɗo ngollanton, wanaa yimɓe.