Limle 13:29 - Dewtere Laamɗo Fulfulde Burkina Faso

²⁹ Amalekinkooɓe na njooɗii horɗoore, Hittiyankooɓe e Yebusinkooɓe e Amorinkooɓe na njooɗii faro baamle. Kanaaninkooɓe du na njooɗii daande maayo Manngo e daande gooruwol Urdun.

Limle 13:29 ပူးပေါင်းရင်းမြစ်များ

Fuɗɗoode 14:7

Ndeen ɓe ngarti, ɓe oorani En-Mispat, ɗum woni Kaades. Ɓe njaalii leydi Amalekinkooɓe fuu, tawti Amorinkooɓe jooɗinooɓe Hasason-Tamar.

Nehemiya 9:8

Tawuɗaa imo hoolii ma, de ngaɗanɗaa mo amaana, a hokkan mo, kanko e ɓiɓɓe makko, leydi Kanaaninkooɓe e Hittiyankooɓe e Amorinkooɓe e Perisinkooɓe e Yebusinkooɓe e Girgasinkooɓe faa ndi laatoo dongu maɓɓe. Saabe aan, a dartiiɗo, a hiɓɓinii amaana maaɗa oon.

Wurtagol 3:17

Ɗum saabii mbi'umi mi wurtinan on e mettorgal mooɗon ley leydi Misira, mi yaara on leydi Kanaaninkooɓe e Hittiyankooɓe e Amorinkooɓe e Perisinkooɓe e Hewinkooɓe e Yebusinkooɓe. Ndiin woni leydi ndi kosam e njuumndi ilata e muuɗum.

Wurtagol 3:8

Saabe ɗuum de njippiimi faa mi danna yimɓe am e baawɗe Misirankooɓe, mi itta ɓe leydi Misira, mi yaara ɓe leydi lobbiri njaajundi, leydi ndi kosam e njuumndi ilata e muuɗum, nokkuure ɗo Kanaaninkooɓe e Hittiyankooɓe e Amorinkooɓe e Perisinkooɓe e Hewinkooɓe e Yebusinkooɓe njooɗii.

Limle 13:17

Noon Muusaa neliri ɓe, ɓe korowa leydi Kanaana. O wi'i ɓe: — Ƴuuron horɗoore leydi ndiin de ƴeenyon baamle.

Limle 13:30

Wakkati oon Kaalibu darni duko ŋurŋurtanooɓe Muusaa ɓeen de wi'i: — En njaha teetowen leydi ndiin, sikke fuu walaa en njaaltoto ɓe de teeten ndi!

Limle 14:25

Jonle, Amalekinkooɓe e Kanaaninkooɓe na njooɗii ley naɗɗol. Jaango sanaa njeccoɗon ndewon laawol laddewol faro maayo Maaliya.

Limle 14:43

Amalekinkooɓe e Kanaaninkooɓe na ngoni yeeso mooɗon. Ɓe piiran on kaafaaje. Saabe ko mbosiɗon Joomiraaɗo ɗuum, de kam du waldaa e mooɗon katin.

Limle 14:45

Ndeen Amalekinkooɓe e Kanaaninkooɓe njippii baamle, ndiiwi ɓe, puɗɗi na mbara ɓe faa ɓe kewtoy Horma.

Limle 24:20

Balaama yi'i Amalek de waɗi annabaaku, wi'i: Amalek, ngo'aɓirdi e leyɗe, Cakitte maaɗa wo halkere.

Fillitagol 20:17

Kalkon Hittiyankooɓe e Amorinkooɓe e Kanaaninkooɓe e Perisinkooɓe e Hewinkooɓe e Yebusinkooɓe, piɗɗon ɓe fodde no Joomiraaɗo, Laamɗo mooɗon yamiri on noon.

Fillitagol 7:1

Joomiraaɗo, Laamɗo mooɗon nannan on leydi ndi kuccuɗon faa laatoo ndongu mooɗon ndiin. Nde ɓattowiɗon ndi fu, o riiwan lenyi keewɗi yeeso mooɗon, ɗum woni Hittiyankooɓe e Girgasinkooɓe e Amorinkooɓe e Kanaaninkooɓe e Perisinkooɓe e Hewinkooɓe e Yebusinkooɓe, lenyi jeɗɗi ɓurɗi on ɗuuɗude e semmbe ɗiin.

Yoosuwa 10:5

Laamiiɓe Amorinkooɓe njoyo ɓeen ngoni kaananke Urusaliima e mo Heberon e mo Yarmut e mo Lakis e mo Egilon. Ɓe kawrini jamaa konunkooɓe maɓɓe fuu, ɓe piilii huɓeere Gibiyon, ɓe kaɓi e mayre.

Yoosuwa 10:6

Yimɓe Gibiyon nelani Yoosuwa to hoɗorde muɓɓen ley Gilgal, mbi'i ɗum: — Taa yoppu maccuɓe maaɗa! Waru law, mballaa min, kisinaa min! Sabo laamiiɓe Amorinkooɓe jooɗiiɓe ley baamle fuu kawrii faa kona min.

Yoosuwa 3:10

Inan no paamirton Laamɗo Buurɗo oon ina wondi e mooɗon. Kanko e hoore makko riiwata Kanaaninkooɓe e Hittiyankooɓe e Hiwinkooɓe e Perisinkooɓe e Girgasinkooɓe e Amorinkooɓe e Yebusinkooɓe yeeso mooɗon.

Yoosuwa 5:1

Laamiiɓe Amorinkooɓe wonɓe gorgal gooruwol Urdun, e laamiiɓe Kanaaninkooɓe wonɓe ɗakkol maayo Manngo ɓeen fuu nani no Joomiraaɗo yoorniri ndiyam Urdun yeeso Israa'iila'en faa ɓe peƴƴita. Ndeen kulol manngol nanngi ɓe faa ɓe mbemmbaa.

Yoosuwa 9:1

Kabaaru jaalagol Israa'iila'en yottii laamiiɓe wonɓe gorgal Urdun fuu, to leyɗe gonɗe dow baamle, e ley baamle e leyɗe ɗakkiiɗe maayo Manngo faa yottii Liban. Ɓeen ngoni laamiiɓe Hittiyankooɓe e Amorinkooɓe e Kanaaninkooɓe e Perisinkooɓe e Hiwinkooɓe e Yebusinkooɓe fuu. Nde ɓe nannoo kabaaru majjum ndeen,

Ardiiɓe 3:5

Ndeen Israa'iilankooɓe njooɗii hakkunde Kanaaninkooɓe e Hittiyankooɓe e Amorinkooɓe e Perisiyankooɓe e Hiwiyankooɓe e Yebusiyankooɓe.

Ardiiɓe 6:3

Nde Israa'iilankooɓe aawi fu, Madiyankooɓe e Amelek'en e lenyi gonɗi lettugal ngaran kona ɗum'en.

1 Samuwiila 14:48

O ɓeydii baawɗe makko de o fiyi yimɓe Amalek. Nii o danniri Israa'iila e juuɗe honooɓe ɗum.

1 Samuwiila 27:8

Daawda ummodii e worɓe mum faa konowa Gesuri'en e Girs'en e Amalek'en, sabo illa jamaanuuji ɓeen ngonnoo jooɗiiɓe ley leydi ndiin faa yaha leydi Sur e leydi Misira fuu.

1 Samuwiila 30:1

Daawda e worɓe mum kewti wuro Sikilak nyannde tataɓerde. Tawi Amalek'en koniino leydi Negef e wuro Sikilak. Ɓe torri Sikilak, ɓe mbuli ngo,

1 Samuwiila 7:14

Israa'iila'en njaɓitii gure ɗe Filistiyankooɓe teetunoo ɗum'en hakkunde Ekoron e Gaat. Katin du, ɓe kewti genɗe gure ɗeen fuu e juuɗe Filistiyankooɓe. Ndeen jam naati hakkunde Israa'iila e Amorinkooɓe.