Limle 13:27 - Dewtere Laamɗo Fulfulde Burkina Faso

²⁷ Ɓe mbi'i: — Min njehii leydi ndi nelɗon min korowa ndiin. Si goonga leydi ndiin wo leydi ndi kosam e njuumndi ilata e muuɗum. Inan du ɓiɓɓe leɗɗe mayri.

Limle 13:27 ပူးပေါင်းရင်းမြစ်များ

Nehemiya 9:25

Ɓe teeti kuɓeeje cemmbinɗiniraaɗe kokuuji e leydi lobbiri e gure keewɗe ɗe kujje lobbe e gayɗe ndiyam e gese cabiije e jaytun e leɗɗe feere feere dimooje ɓiɓɓe ɗuuɗɗe. Ɓe nyaami, ɓe kaari, ɓe payi, ɓe ceyorii ko kokkuɗaa ɓe.

Wurtagol 13:5

Joomiraaɗo hunanakeno maamiraaɓe mooɗon hokkan on leydi Kanaaninkooɓe e Hittiyankooɓe e Amorinkooɓe e Hewinkooɓe e Yebusinkooɓe, leydi ndi kosam e njuumndi ilata e muuɗum. Nde Joomiraaɗo nanni on toon fu, ngaɗon iidi oon ley lewru nduun.

Wurtagol 3:17

Ɗum saabii mbi'umi mi wurtinan on e mettorgal mooɗon ley leydi Misira, mi yaara on leydi Kanaaninkooɓe e Hittiyankooɓe e Amorinkooɓe e Perisinkooɓe e Hewinkooɓe e Yebusinkooɓe. Ndiin woni leydi ndi kosam e njuumndi ilata e muuɗum.

Wurtagol 3:8

Saabe ɗuum de njippiimi faa mi danna yimɓe am e baawɗe Misirankooɓe, mi itta ɓe leydi Misira, mi yaara ɓe leydi lobbiri njaajundi, leydi ndi kosam e njuumndi ilata e muuɗum, nokkuure ɗo Kanaaninkooɓe e Hittiyankooɓe e Amorinkooɓe e Perisinkooɓe e Hewinkooɓe e Yebusinkooɓe njooɗii.

Wurtagol 33:3

Njahon leydi ndi kosam e njuumndi ilata e muuɗum ndiin. Ammaa miin mi yaadataa e mooɗon, sabo wo on lenyol cattungol joorngol hoore.

Lewinkooɓe 20:24

Saabe ɗuum de mbiimi on: — Wo onon njeytata leydi maɓɓe ndiin. Miin e hoore am hokkata on ndi. Wo ndi leydi ndi kosam e njuumndi ilata e muuɗum. Miin woni Joomiraaɗo, Laamɗo mooɗon. Wo miin senndi on e lenyi keddiiɗi fuu.

Limle 14:7

Ɓe mbi'i jamaare ndeen: — Leydi ndi min korowi ndiin wo mbooɗundi, ndi lobbiri sanne!

Limle 14:8

Si hinney Joomiraaɗo na wondi e meeɗen fu, ardoto en de hokka en ndi, kayri ndi kosam e njuumndi ilata e muuɗum ndiin.

Limle 16:13

Yalla ko ndillinɗaa min leydi lobbiri ndi kosam e njuumndi ilata e muuɗum de ngadduɗaa min faa min maaya ley ladde yoornde ɗum fuu heƴaay ma naa? Sey ndawranaa min du katin?

Limle 16:14

A nannaay min leydi ndi kosam e njuumndi ilata e muuɗum, a hokkaay min gese e leɗɗe dimooje faa laatoo ndonngu amin. Ndelle a ndaardataanaa yimɓe ɓee fuu hono wumɓe naa? Min ngarataa!

Fillitagol 11:9

Noon waɗata de balɗe mon njuuta ley leydi ndi Joomiraaɗo hunanii maamiraaɓe mon hokkan ɗum'en kam'en e taaniraaɓe muɓɓen, ndi kosam e njuumndi ilata e muuɗum ndiin.

Fillitagol 26:9

O waddi min nokkuure ndee, o hokki min leydi ndi kosam e njuumndi ilata e muuɗum.

Fillitagol 27:3

Mbinndon jamirooje ɗeen fuu dow kaaƴe ɗeen. Ngaɗon noon wakkati naatoyɗon leydi ndi Joomiraaɗo, Laamɗo maamiraaɓe mooɗon hokkata on, ndi kosam e njuumndi ilata e muuɗum ndiin, fodde no wiirunoo noon.

Fillitagol 31:20

Sabo mi nannan lenyol ngool leydi ndi kunaninoomi maamiraaɓe maɓɓe mi hokkan ɗum'en ndiin. Ɗum woni leydi ndi kosam e njuumndi ilata e muuɗum ndiin. Toon, ɓe nyaamoyta faa ɓe kaara, ɓe paya de ɓe tottitoo kam ɓe ndewa allaaji goɗɗi. Ɓe ɗowtanoo ɗum'en, ɓe kuyfina kam de ɓe mbonna amaana am oon.

Fillitagol 6:3

Ndelle onon Israa'iila'en, kettindoɗon faa wooɗa de tinnoɗon ngaɗon ko yamiraa faa keɓon jam, ɓeydoɗon keewon fodde no Joomiraaɗo, Laamɗo maamiraaɓe mooɗon wi'iri on laatoyto ley leydi ndi kosam e njuumndi ilata e muuɗum ndiin.

Yoosuwa 5:6

Wooɗi yimɓe Israa'iila ngaɗiino duuɓi 40 ina njaha ley ladde. Wakkati majjum ɓe keɓaay taadude ɓiɓɓe maɓɓe worɓe. Waawɓe konu wurtiiɓe Misira ɓeen du fuu maayii nder ladde saabe ko ɓe ɗowtanaaki Joomiraaɗo ɗuum. Joomiraaɗo hunii, wi'i ɓe nji'ataa leydi ndi o hunaninoo maamiraaɓe maɓɓe o hokkan en, enen taaniraaɓe maɓɓe, ndi kosam e njuumndi heewi e muuɗum ndiin.