Limle 13:20 - Dewtere Laamɗo Fulfulde Burkina Faso

²⁰ Ndaaron no leydi gese maɓɓe wa'i, yalla wo mbuurndi naa wo mbaatundi. Ndaaron yalla indi woodi leɗɗe naa ndi walaa. Taa kulon, ngartidon e ɓiɓɓe leɗɗe mayri. Tawi wakkati oon inabooje puɗɗata ɓenndude.

Limle 13:20 ပူးပေါင်းရင်းမြစ်များ

1 Kabaaruuji Laamiiɓe 22:11

Ndelle joonin kaa, suka am, miɗo ŋaaroo Joomiraaɗo wonda e maaɗa faa keɓaa daliili, wooɗi du nyiɓanaa Joomiraaɗo, Laamɗo maaɗa suudu fodde no wi'iri dow maaɗa noon.

Nehemiya 9:25

Ɓe teeti kuɓeeje cemmbinɗiniraaɗe kokuuji e leydi lobbiri e gure keewɗe ɗe kujje lobbe e gayɗe ndiyam e gese cabiije e jaytun e leɗɗe feere feere dimooje ɓiɓɓe ɗuuɗɗe. Ɓe nyaami, ɓe kaari, ɓe payi, ɓe ceyorii ko kokkuɗaa ɓe.

Nehemiya 9:35

Fay ko ɓe ceyorii barkeeji ɗuuɗɗi ɗi kokkuɗaa ɓe, e leydi njaajundi lobbiri ndi ngattuɗaa ɓe ley muuɗum ndiin, ɓe mbanyi jokkude ma, ɓe njoppaay laawol bonde maɓɓe.

Limle 13:19

Ndaaron yalla ndi lobbiri naa ndi bondi, ndaaron du yalla kuɓeeje maɓɓe na ngoodi kokuuji cemmbiɗinɗi naa ngalaa.

Fillitagol 1:24

Ɓe ndilli, ɓe ƴeenyowi baamle faa ɓe njottii naɗɗol Eskol, ɓe kori nokkuuje ɗeen.

Fillitagol 1:25

Ɓe itti ɓiɓɓe leɗɗe leydi ndiin ɓe ngaddani en. Ɓe kolli en kabaaru mayri ɓe mbi'i: — Leydi ndi Joomiraaɗo, Laamɗo meeɗen hokkata en ndiin wo lobbiri.

Fillitagol 31:23

Ndeen Joomiraaɗo hokki Yoosuwa ɓii Nuun jamirooje ɗee, wi'i ɗum: — Semmbinɗin ɓernde maaɗa, laatoɗaa cuusuɗo sabo wo aan nannata Israa'iila'en leydi ndi kuniimi mi hokkan ɗum'en ndiin. Miin e hoore am mi wondan e maaɗa.

Ibraninkooɓe 13:6

Saabe majjum, eɗen mbaawi haalude ɗum ɗo dow hoolaare: «Joomiraaɗo woni balloowo kam, mi hulataa. Ɗume neɗɗo waawata waɗude kam?»

Yoosuwa 1:6

Semmbin hoore maa, cemmbinɗinaa ɓernde maa du, sabo e ardagol maaɗa yimɓe ɓeen ndonirta leydi ndi kunaniniimi maamiraaɓe muɓɓen mi hokkan ɗum'en ndiin.

Yoosuwa 1:9

Wanaa miin yamiri ma cemmbinɗinaa hoore maa, cemmbinɗinaa ɓernde maa du naa? Taa accu kulol nannge, sabo miin Joomiraaɗo, Laamɗo maaɗa miɗo wondi e maaɗa nokku fuu to njahataa.

Yoosuwa 2:1

Nde yimɓe Israa'iila ngonnoo Sittim ndeen, Yoosuwa ɓii Nuun neli horooɓe ɗiɗo, wi'i ɗum'en: — Njehee, ndaarowee leydi ndiin e ngalluure Yeriko ndeen. Ɓe njehi. Nde ɓe njottinoo ngalluure Yeriko fu, ɓe njehi, ɓe naati ley suudu debbo woykuruujo, bi'eteeɗo Rahabu. Ɓe mbaali ɗoon.

Yoosuwa 2:3

Ndelle kaananke oon neli yimɓe to Rahabu, njaha mbi'a ɗum: — Wurtin worɓe warɓe, naatuɓe suudu maa ɓeen, sabo ɓe ngarii faa ɓe kora leydi ndi fuu.