Limle 12:2 - Dewtere Laamɗo Fulfulde Burkina Faso

² Ɓe mbi'i: — Yalla Muusaa tan Joomiraaɗo haaldi naa? Ndelle, o haaldaay e meeɗen enen kaa naa? Joomiraaɗo nani ko ɓe mbi'i ɗuum.

Limle 12:2 ပူးပေါင်းရင်းမြစ်များ

Fuɗɗoode 29:33

O reedi katin, o rimi ɓiɗɗo gorko. O wi'i: — Joomiraaɗo nanii mi jeebaaɗo, saabe majjum o hokki kam o du. O inndiri oon Simeyon.

2 Samuwiila 11:27

Caggal o sudditake ndeen, Daawda nuli o waddee to suudu muuɗum de o laatii deekum, o rimani ɗum suka gorko. Ammaa huunde nde Daawda waɗi ndeen welaay Joomiraaɗo.

2 Kaanankooɓe 19:4

Na hasii Joomiraaɗo, Laamɗo maaɗa nanan haalaaji ɗi dawranoowo laamordu Asuura nelaa faa yenna Laamɗo Buurɗo ɗiin fuu. Na hasii Joomiraaɗo hiitoto mo dow haalaaji ɗiin. Saabe majjum, miɗo ŋaare ngaɗanaa yimɓe lenyol meeɗen heddiiɓe du'aare.

Wurtagol 4:14

Ndeen Joomiraaɗo ɓernani Muusaa, wi'i: — Wanaa sakiike maa Haaruuna Lewinke oon na ɗoon naa? Miɗo anndi imo waawi haala. Inani imo wara faa o hawra e maaɗa. Nde o yi'i ma fu, ɓernde makko seyoto.

Wurtagol 4:30

Haaruuna haalani ɓe haalaaji ɗi Joomiraaɗo wi'i Muusaa fuu. Muusaa du waɗi maandeeji kaayniiɗi ɗiin yeeso yimɓe ɓeen.

Wurtagol 5:1

Caggal ɗuum Muusaa e Haaruuna njehi to Fira'awna, mbi'i ɗum: — Inan ko Joomiraaɗo, Laamɗo Israa'iila wi'i: «Yoppu yimɓe am njaha ngaɗanowa kam iidi ley ladde yoornde.»

Wurtagol 7:10

Muusaa e Haaruuna ngari yeeso Fira'awna. Ɓe ngaɗi hono no Joomiraaɗo yamiri ɓe noon. Haaruuna faɗɗi sawru muuɗum yeeso Fira'awna e yeeso gollooɓe muuɗum, ndu laatii mboddi.

Banndi 13:10

Mawnitaare walaa ko waddata sanaa rafi potal, wo jaɓooɓe tindinoore kam'en ngoodi hakkillo.

Limle 11:1

Nyannde gomma yimɓe ummii na ŋurŋurtana Joomiraaɗo. Nde Joomiraaɗo nannoo ɗum fu, tikki sanne de sankiti yiite hakkunde maɓɓe, nge nyaami senngo hoɗorde ndeen.

Limle 11:29

Muusaa wi'i mo: — Yoosuwa, ndelle a hiranan kam naa? Miin kaa, si na waawi laataade fu, miɗo yiɗi Joomiraaɗo watta Ruuhu muuɗum e yimɓe fuu de waɗa ɓe ɓe fuu annabaaɓe.

Limle 12:3

Tawi, Muusaa wo neɗɗo leeƴinkiniiɗo sanne mo hono muuɗum e leeƴinkinaare walaa ley duuniyaaru.

Romankooɓe 12:10

Njiɗunduree njinngu sakiraagu, mono fuu teddina banndum faa ɓurna ɗum hoore muuɗum.

Romankooɓe 12:3

Saabe moƴƴere nde Laamɗo hokki kam ndeen, miɗo wi'a mono e mooɗon fuu: taa njaaree ko'e mooɗon to on njottaaki, ammaa ndaardon ko'e mon e miilooji hakkilantaaku, kawrooji e goonɗinal ngal Laamɗo etani on ngaal.

Filipiyankooɓe 2:14

Ko ngolloton fuu, taa ŋurŋurton, taa ndukidon,

Filipiyankooɓe 2:3

Taa ngolliree huunde fuu saabe yidde hoorem naa saabe mawnitaare ɓolde. Ngolliree leeƴinkinaare, faa mono fuu ndaarda hoore muuɗum banndum ina ɓuri ɗum.

1 Piyeer 5:5

Hono noon onon jokolɓe, njaɓee yamiroore mawɓe. On fuu, ngondon e leeƴinkinaare hakkunde mooɗon, sabo Binndi ɗiin mbi'ii: «Laamɗo na salanoo mawninkiniiɓe, de na hokka leeƴinkiniiɓe moƴƴere.»