Limle 11:12 - Dewtere Laamɗo Fulfulde Burkina Faso

¹² Yalla wo miin reedi de rimi ɓe, faa mbi'aa mi bammba ɓe hono no inniyo bammbirta ɓiyum faa mi yaada e maɓɓe leydi ndi kuniɗaa a hokkan maamiraaɓe maɓɓe ndiin naa?

Limle 11:12 ပူးပေါင်းရင်းမြစ်များ

Fuɗɗoode 13:15

Leydi ndi nji'ataa ndiin fuu, wo aan e ƴuwdi maaɗa kokkammi ndi faa abada.

Fuɗɗoode 24:7

Laamɗo Joomiraaɗo taguɗo kammu oon ƴuwni kam suudu baaba am e leydi ndi ndimaami ndiin. O hunanii kam, o wi'i: «Wo ƴuwdi maa kokkammi leydi ndii.» Wo kanko nelata maleyka makko yeeso maaɗa, faa ɓaŋanaa ɓiyam debbo toon.

Fuɗɗoode 26:3

Keddoɗaa ley leydi ndi ɗo. Mi wondan e maaɗa, mi barkinte. Sabo wo aan e ƴuwdi maa kokkammi leydi ndii fuu. Mi hiɓɓinan hunayeere nde kunaniimi bammaa Ibrahiima ndeen.

Fuɗɗoode 50:24

Yuusufi wi'i sakiraaɓe muuɗum: — Mi ɓadake maayde. Ammaa Laamɗo wallan on. O wurtinan on e leydi ndi, o yaaran on ley leydi ndi o huninoo o hokkan Ibrahiima e Isiyaaka e Yaakuuba ndiin.

2 Kaanankooɓe 10:1

Ahabi na woodunoo ɓiɓɓe worɓe 70 ley Samariya. Yehu winndi ɓataakiiji de neldi mawɓe e reenooɓe sukaaɓe Ahabi e ardiiɓe Yesre'el jooɗiiɓe ley Samariya. Ley ɓataakiiji ɗiin na winndaa: —

2 Kaanankooɓe 10:5

Saabe ɗuum de doomoowo laamordu e mawɗo galluure ndeen e mawɓe hokkaaɓe ɓataakiiji e reenooɓe sukaaɓe Ahabi ɓeen fuu kawriti neli Yehu wi'ee: — Minen wo min maccuɓe maaɗa. Min ngaɗan ko njamirɗaa fuu. Min ngaɗataa fay gooto kaananke. Ngaɗaa ko kaajaɗaa fuu.

Wurtagol 13:11

Muusaa ɓeydi wi'i: — Si Joomiraaɗo nannii on ley leydi Kanaaninkooɓe de hokki on ndi hono no hunoraninoo on, onon e maamiraaɓe mooɗon noon fu,

Wurtagol 13:5

Joomiraaɗo hunanakeno maamiraaɓe mooɗon hokkan on leydi Kanaaninkooɓe e Hittiyankooɓe e Amorinkooɓe e Hewinkooɓe e Yebusinkooɓe, leydi ndi kosam e njuumndi ilata e muuɗum. Nde Joomiraaɗo nanni on toon fu, ngaɗon iidi oon ley lewru nduun.

Wurtagol 33:1

Joomiraaɗo haaldi e Muusaa wi'i: — Dillu ɗo, aan e yimɓe ɓe mburtinoyɗaa leydi Misira ɓeen. Njahon leydi ndi kunaniimi maamiraaɓe mooɗon Ibrahiima e Isiyaaka e Yaakuuba, mbiimi: «Mi hokkan ƴuwdi mooɗon leydi ndiin.»

Wurtagol 6:8

Mi nannan on leydi ndi kunaniimi Ibrahiima e Isiyaaka e Yaakuuba mi hokkan ɗum'en ndiin. Mi hokkan on ndi, ndi laatoo ndongu mooɗon. Wo miin Joomiraaɗo wi'i on ɗum!

Yuhanna 10:11

Miin woni duroowo lobbo. Duroowo lobbo woni kokkoowo yonki muuɗum saabe baali muuɗum.

1 Korintunkooɓe 4:15

Fay si taweede e ley kawtal mon e Almasiihu oɗon njogii ɗowooɓe ujunaaje sappo, on keewaa baabiraaɓe kaa. Sabo ley kawtal Iisaa Almasiihu, miin laatii baaba mooɗon nde mbaajinoomi on Kabaaru Lobbo oon ndeen.

Galaatiyankooɓe 4:19

Sukaaɓe am, miɗo naawee sanne katin saabe mooɗon hono no ŋatawere ni, faa tagaadi Almasiihu tawee e mooɗon.

Fillitagol 1:31

Ley ladde yoornde on nji'i no Joomiraaɗo wuundorii on hono no neɗɗo wuundortoo ɓiyum dow laawol ngol tokkuɗon faa kewtuɗon nokkuure ndee.

1 Tesaloniyankooɓe 2:7

Si goonga, miɗen mbaawnoo hollude on manngu amin saabe wo min nulaaɓe Almasiihu, ammaa min ngaɗaay noon. Min ngaɗii heese hakkunde mooɗon. Min kinnorake on hono no inna hinnortoo ɓiɓɓe muuɗum ni.