Limle 10:9 - Dewtere Laamɗo Fulfulde Burkina Faso

⁹ Nde njooɗoyiɗon ley leydi mooɗon de oɗon njaha konu faa kabdon e wayɓe mooɗon torrooɓe on fu, puufon luwe ɗeen puufaali konu. Noon miccintinirton Joomiraaɗo, Laamɗo mooɗon de ndeenoɗon e juuɗe wayɓe on.

Limle 10:9 ပူးပေါင်းရင်းမြစ်များ

Fuɗɗoode 8:1

Laamɗo miccitii Nuuhu e kulle ladde e daabaaji wuro gonduɗi e muuɗum ley laana ɗiin fuu. O waɗi henndu wifi dow leydi de diyeele ɗeen puɗɗi ɓuytaade.

Lewinkooɓe 23:24

Kaaldaa e Israa'iila'en mbi'aa ɗum'en: Nyannde go'o lewru jeɗɗaɓurdu fuu wo Nyalaande fowteteende. Nde laatoo nyannde miccitagol e puufaali luwe ley kawrital ceniingal.

Amos 3:6

Si luwal konu fuufaama ley galluure yalla na woodi mo diwnataa naa? Masiiba le, na hewtoo galluure tawa wanaa Joomiraaɗo neldi ɗum?

Limle 31:6

Muusaa yaari ɓe fuu konu oon. Lenyol fuu sordaasiiɓe ujune (1.000). Almaami Pinehas ɓii Eliyajar kam ɗowtiri ɓe. Pinehas oon kam tiigii kujje gonɗe ley nokkuure seniinde e luwe puufanteeɗe segilanaade konu ɗeen fuu.

1 Korintunkooɓe 14:8

Naa si puufoowo luwal wolde fuufaay faa laaɓi, moy segilantoo wolde ndeen?

Fillitagol 20:1

Nde njahoyɗon faa kaɓdon e wayɓe mon de njiiɗon pucci ɗuuɗɗi e torkooji ɗuuɗɗi e ori sordaasiiɓe ɓurɓe on fu, taa kulon sabo Joomiraaɗo, Laamɗo mooɗon burtinɗo on leydi Misira oon na wondi e mooɗon.

Yoosuwa 6:5

Si ɓe puufii luwe maɓɓe, ɓe ngaɗii olko faa ɓooyti fu, yimɓe fuu ƴeewnoo daaɗe muɓɓen e semmbe. Ndeen kokuwol huɓeere ndeen saaman. Mono fuu naatira yeeso muuɗum, hippoo nde.

Ardiiɓe 10:12

Katin du, nde Sidoninkooɓe e Amalekinkooɓe e Ma'oninkooɓe ɓillunoo on, on mboyani kam, de kisinmi on e juuɗe maɓɓe.

Ardiiɓe 10:8

Ley hitaande ndeen, ɓeen torri Israa'iilankooɓe, tampini ɗum'en sanne. Duuɓi 18 ɓe ɓilliri Israa'iilankooɓe wonɓe lettugal gooruwol Urdun, ley Galaad, leydi Amorinkooɓe ndiin.

Ardiiɓe 2:18

Nde Joomiraaɗo nani uumaali maɓɓe ley torraaji yimɓe ɓillooɓe ɓe fu, yurmoto ɓe. Ndeen o hokka ɓe ardiiɗo, o wonndu e makko du. Joomiraaɗo ina danna ɓe e juuɗe wayɓe maɓɓe haddi balɗe ardiiɗo oon fuu.

Ardiiɓe 3:27

Nde o yottinoo ɗoon fu, o fuufi luwal konu dow baamle leydi Efrayimankooɓe. Wakkati oon Israa'iilankooɓe mburtii njippodii e makko dow baamle ɗeen, imo ardii ɓe.

Ardiiɓe 6:34

Ndeen Ruuhu Joomiraaɗo jippii dow Gedeyon. O fuufi luwal, o noddi yimɓe Abiijer ngara njaada e makko.

Ardiiɓe 6:9

Wo miin hisini on e juuɗe Misirankooɓe e juuɗe torrooɓe on fuu. Miin riiwi ɓe yeeso mooɗon, miin du hokki on leydi maɓɓe.

1 Samuwiila 10:18

O wi'i ɓe: — Inan ko Joomiraaɗo, Laamɗo Israa'iila wi'i: «Mi wurtinii Israa'iila'en e leydi Misira, mi hisinii on e juuɗe Misirankooɓe e laamuuji torruɗi on fuu.»