Limle 10:29 - Dewtere Laamɗo Fulfulde Burkina Faso

²⁹ Muusaa wi'i Hobab ɓii Rewel Madiyanke esum gorko: — Inan miɗen njaha leydi ndi Joomiraaɗo wi'i hokkan min ndiin. Ngara njahaden, min ngaɗante moƴƴere ngam Joomiraaɗo wi'i waɗanan Israa'iila'en ko wooɗi.

Limle 10:29 ပူးပေါင်းရင်းမြစ်များ

Fuɗɗoode 12:7

Joomiraaɗo ɓangi e Abram, wi'i ɗum: — Wo ƴuwdi maa kokkammi leydi ndii. Abram mahani Joomiraaɗo sakkirde to ɓangani ɗum toon.

Fuɗɗoode 13:15

Leydi ndi nji'ataa ndiin fuu, wo aan e ƴuwdi maaɗa kokkammi ndi faa abada.

Fuɗɗoode 15:18

Nyannde ndeen, Joomiraaɗo waddi amaana e Abram, wi'i ɗum: — Wo ƴuwdi maaɗa kokkammi leydi ndii, gilla maayo Misira faa yottoo Efrat, maayo manngo ngoon.

Fuɗɗoode 17:8

Mi hokkete aan e ƴuwdi maaɗa ngaroori caggal maa, leydi ndi laatinoɗaa beero ley muuɗum ndiin ɗum woni leydi Kanaana. Leydi ndiin fuu laatoto jeyal maaɗa faa abada. Wooɗi miin du, mi laatoto Laamɗo ƴuwdi maaɗa.

Fuɗɗoode 32:12

Miɗo ŋaare reenam e junngo mawnam Isuwa, sabo miɗo hula taa o wara, o fiya kam, miin e ɓiɓɓe am e inniraaɓe muɓɓen, o wara min.

Wurtagol 18:1

Yetiro almaami Madiyan esoo Muusaa nani ko Laamɗo waɗani Muusaa e Israa'iila'en, yimɓe muuɗum. O nani no Joomiraaɗo wurtiniri ɓe leydi Misira.

Wurtagol 18:12

Yetiro esoo Muusaa oon waddani Laamɗo sadaka buleteeɗo e dokke. Ndeen Haaruuna e mawɓe Israa'iila fuu ngari nyaamdi e esoo Muusaa yeeso Laamɗo.

Wurtagol 18:27

Caggal ɗuum, Muusaa waynii esum, de oon soƴƴii leydi muuɗum.

Wurtagol 2:18

Nde ɓe njeccinoo to Rewel baabiiɓe fu, ƴami ɓe wi'i: — Noy waɗi de ngartuɗon law hannden?

Wurtagol 2:21

Muusaa jaɓi jooɗaade ley ɓaade gorko oon. Oon hokki mo ɓiyum debbo inndirteeɗo Sifoora o ɓaŋi.

Wurtagol 3:1

Muusaa na durannoo dammuuli esum Yetiro almaami Madiyan (noddirteeɗo Rewel oon). Nyannde gomma o yaari dammuuli ɗiin faa yeeso ladde yoornde faro gorgal. O yottii waamnde Sinayi inndirteende waamnde Laamɗo ndeen.

Wurtagol 3:8

Saabe ɗuum de njippiimi faa mi danna yimɓe am e baawɗe Misirankooɓe, mi itta ɓe leydi Misira, mi yaara ɓe leydi lobbiri njaajundi, leydi ndi kosam e njuumndi ilata e muuɗum, nokkuure ɗo Kanaaninkooɓe e Hittiyankooɓe e Amorinkooɓe e Perisinkooɓe e Hewinkooɓe e Yebusinkooɓe njooɗii.

Wurtagol 6:4

Mi waɗdii amaana am e maɓɓe mi hokkan ɓe leydi Kanaana, leydi ndi ɓe koɗunoo e muuɗum ndiin.

Limle 10:28

Nii woni no Israa'iila'en eggiri, ɓe dilliri fedde fedde.

Limle 23:19

Laamɗo wanaa tagaaɗo sakko fena, wanaa ɓii-Aadama sakko mimsita. Yalla o waɗataa ko o wi'i naa? Yalla o tabintintaa ko o haali naa?

Golle Nelaaɓe 7:5

Laamɗo hokkaay mo e leydi ndi tafon, fay taaɓannde. Ammaa aadake hokkude mo ndi, ndi laatoo halal makko, kanko e ƴuwdi makko, fay si taweede o walaa ɓiɗɗo tafon.

Fillitagol 30:5

O wartiran on ley leydi ndi o hokkunoo maamiraaɓe mon laatoo jeyal muɓɓen de njeyton ndi. O barkinan on de o ɓurna on maamiraaɓe mon ɗuuɗude.

Fillitagol 4:40

Njogitoɗon sariyaaji makko e jamirooje makko fodde no ekitinirmi on hannden noon faa keɓon jam onon e ɓiɓɓe mooɗon de balɗe mon njuuta ley leydi ndi Joomiraaɗo, Laamɗo mooɗon hokkata on ndiin faa abada.

Titus 1:2

Goonɗinal e anndal ngaal na njowii dow jikke meeɗen heɓude nguurndam nduumiiɗam. Laamɗo, mo fenataa, mo bonnataa amaana oon, aadinoo hokkude nguurndam ɗaam gilla jamaanuuji puɗɗaay.

Ibraninkooɓe 6:18

Kulle ɗiɗi ɗe, ɗum woni hunayeere ndeen e amaana oon, mbaylitataako abada, sabo Laamɗo fenataa. Ndelle, ɗum fuu na semmbinɗina ɓerɗe meeɗen, enen doggirɓe to Laamɗo faa njogoɗen jikke mo kokkaɗen oon.

Holleede 22:17

Ruuhu e ɓaŋeteeɗo oon ina mbi'a: — War! Neɗɗo fuu nanɗo ɗum wi'a: «War!» Neɗɗo fuu ɗomɗuɗo wara, jiɗuɗo yarude ndiyam kokkoojam nguurndam fuu jaɓa yara ɗam ɓolum tawa yoɓaay faa'e.

Ardiiɓe 1:16

Lenyol Keniyankooɓe esiraaɓe Muusaa du mburtodii e Yahuudiyankooɓe gilla ngalluure wi'eteende ngalluure Gelleeje faa yaade njaayri Yahuuda, horɗoore ngalluure Arat. Ɓe ngaɗi toon joonnde maɓɓe hakkunde Amelek'en.

Ardiiɓe 4:11

Ley balɗe ɗeen ina woodi Keniyankeejo gomma jooɗiiɗo ɗoon, bi'eteeɗo Heber. O seedi e Keniyankooɓe heddiiɓe, kam'en ngoni ɓiɓɓe Hobab esoo Muusaa. O yehi, o tonti hukum makko ɗakkol lekki mawki to Sa'ananim, ɗakkol Kedes.

1 Samuwiila 15:6

Ndeen o wi'i yimɓe Keniyankooɓe jooɗiiɓe ɗoon: — Ndillee, mboɗɗee leydi Amalek taa mi halkida on e maɓɓe. Sabo onon kaa, on kollii yimɓe Israa'iila fuu hinney nde ɓe mburtinoo Misira ndeen. Ndelle Keni'en ndilli leydi Amalek.