Lewinkooɓe 9:3 - Dewtere Laamɗo Fulfulde Burkina Faso

³ Caggal ɗuum mbi'aa Israa'iila'en ngadda ndamndi sadaka yaafeede tawta ga'el ndunnguwel e jawgel ndunnguwel tawa koy ngalaa malal de ngaɗon koy sadaka buleteeɗo.

Lewinkooɓe 9:3 ပူးပေါင်းရင်းမြစ်များ

Fuɗɗoode 37:31

Ɓe kooƴi saayo Yuusufi, ɓe kirsi ndamndi, ɓe cuuwi ngo e ƴiiƴam ɗaam.

Isira 10:19

Ɓe ngaɗi amaana seedude e deekiraaɓe maɓɓe. Ɓe njaɓi, ɓe ngaɗii ko wooɗaa, de ɓe itti njawdiri ley baali maɓɓe, ɓe ngaɗi sadaka yaafeede mo ɓe ngaɗi oon.

Isira 6:17

Nyannde iidi oon, ɓe cakki nga'i kalahali 100 e jawɗi baali 200 e ɓiɓɓe baali 400. Katin e damɗi be'i 12 saabe suddugol hakkeeji cuuɗi Israa'iilankooɓe 12 ɗiin.

Wurtagol 12:5

Sanaa tawee jawgel ngeel maa damngel ngeel walaa malal, tawee du ngel waɗii hitaande. Itton dammuccere ndeen hakkunde ɓiɓɓe baali maa be'i.

Lewinkooɓe 10:16

Muusaa filii faamande ndamndi sadaka yaafeede ndiin. O tawi ndi wulaama. Ndeen o ɓernani Eliyajar e Itamar ɓiɓɓe Haaruuna heddiiɓe ɓeen de o ƴami ɗum'en o wi'i: —

Lewinkooɓe 12:6

Si balɗe laaɓineede makko ɗeen paltake, nde wo ɓiɗɗo gorko maa debbo o rimi fu, sey o wadda jawgel ngel ndunngu ngootu gaɗeteengel sadaka buleteeɗo naarude hukum Ceniiɗo. O wadda du nyaabal maa wuugaandu waɗeteendu sadaka laaɓinoowo. O hokka ɗi almaami.

Lewinkooɓe 14:10

Nyalaande jeetataɓerde ndeen, o wadda jawɗi ɗiɗi e mbortu ngu ndunngu ngootu tawa ɗi fuu ɗi ngalaa malal. Tawta sadaka kilooji jeenay conndi ɓoosidaandi e nebbam tawti nebbam feccere liitere.

Lewinkooɓe 16:15

O hirsa ndamndi sadaka yaafeede yimɓe Israa'iila ndiin de o yaara ƴiiƴam mayri gaɗa ridoo toon. O waɗa ƴiiƴam mayri hono no o waɗirnoo ɗam ngaari ndiin noon. O misa ɗam dow ommboode keesuwal ngaal e yeeso muuɗum fuu.

Lewinkooɓe 16:5

Israa'iila'en kokka o damɗi ɗiɗi gaɗeteeɗi sadaka yaafeede, tawta njawdiri sadaka buleteeɗo.

Lewinkooɓe 23:12

Wo nyannde ndeen, ngaddanton Joomiraaɗo jawgel ngel ndunngu ngootu ngel walaa malal gaɗeteengel sadaka buleteeɗo.

Lewinkooɓe 4:23

Wakkati o faaminowa o luttii fu, sey o wadda sadaka ndamndi ndi walaa malal.

Lewinkooɓe 4:3

Si wo Almaami mawɗo, ceniraaɗo nebbam oon lutti de ronndi yimɓe fuu hakke fu, sey waɗa sadaka ngaari ndi walaa malal yeeso Joomiraaɗo saabe yaafeede hakke muuɗum oon.

Lewinkooɓe 9:2

O wi'i Haaruuna: — Kooƴaa ga'el gaɗeteengel sadaka yaafeede e njawdiri ngaɗeteendi sadaka buleteeɗo tawa ɗi ɗiɗi fuu ɗi ngalaa malal de ngaddaa ɗi yeeso Joomiraaɗo.

Lewinkooɓe 9:4

Ɓe ngadda ngaari e njawdiri sadaka dewral faa kirsee yeeso Joomiraaɗo. Ɓe ɓeyda sadaka conndi ɓoosidaandi e nebbam sabo wo hannden Joomiraaɗo ɓanganta on.

Romankooɓe 8:3

Ko Tawreeta Muusaa waawaayno waɗude saabe lokkaaku ɓalli men, wo ɗuum Laamɗo waɗi. O nuli Ɓiyiiko e ley tagaadi nanndundi e ɓiɓɓe-Aadama jom'en hakkeeji ɓeen faa itta hakke. E ley tagaadi ndiin o jukkii hakke golloowo e ley ɓalli men.

2 Korintunkooɓe 5:21

Almasiihu waɗaay hakke abada. Ammaa Laamɗo yowi hakkeeji meeɗen fuu dow makko, faa kawtal meeɗen e Almasiihu waɗa en fonnditiiɓe yeeso Laamɗo.

Titus 2:14

Kam hokkitiri yonki muuɗum saabe meeɗen, faa rimɗina en e ko boni fuu, laamna en, laatoɗen lenyol muuɗum, tinniingol e gollude golleeji lobbi.

1 Piyeer 2:24

Almasiihu e hoore muuɗum ronndorake hakkeeji meeɗen e ɓanndu muuɗum dow leggal palaangal, faa maayanen hakkeeji, mbuuranen fonnditaare. On ndannaama saabe barme makko.

1 Piyeer 3:18

Sabo Iisaa Almasiihu e hoore muuɗum maayii saabe hakkeeji yimɓe jamaanuuji fuu nde wootere faa abada. Ponnditiiɗo oon maayanii ɓe ponnditaaki ɓeen, faa o yaara en to Laamɗo. Fodde ɓanndu, wo o baraaɗo, de o ummitiiɗo e Ruuhu.

Holleede 5:9

Heddii iɓe njima jimol kesol, iɓe mbi'a: «Aɗa foti e jaɓude dewtere ndeen de takkitaa takkanɗe uddiraaɗe nde, sabo a hirsanooma. E ƴiiƴam maa coottirɗaa ƴuuruɓe e lenyi fuu e ɗemle fuu e siyiiji yimɓe fuu e laamorɗe fuu faa ɓe njeydaa e Laamɗo.