Lewinkooɓe 7:12 - Dewtere Laamɗo Fulfulde Burkina Faso

¹² Si neɗɗo na haajaa waɗude sadaka oon saabe yettoore Joomiraaɗo fu, sey waddida ɗum e buuruuje gaɗiraaɗe conndi ɓoosidaandi e nebbam ɗe njillaaka rabilla e maasaaje jooraaɗe nebbam ɗe njillaaka rabilla e buuruuje gaɗiraaɗe conndi ɗaatundi ɓoosidaandi e nebbam.

Lewinkooɓe 7:12 ပူးပေါင်းရင်းမြစ်များ

Nehemiya 12:43

Nyannde ndeen yimɓe fuu ngaɗiri sadakaaji keewɗi e seyo, sabo Laamɗo hokki ɓe seyo manngo. Rewɓe e sukaaɓe du ceyii. Seyo Urusaliima ngoon nanaama faa to woɗɗi.

Lewinkooɓe 2:4

Si tawii wo sadaka conndi banngal ko duppetee fu, ɗum laatoo conndi ɗaatundi e buuruuje e maasaaje jooraaɗe nebbam ɗe njillaaka rabilla.

Lewinkooɓe 2:5

Si tawii wo ɗum sadaka ko sa'ira ca'irgal du, ɗum laatoo conndi ɗaatundi ɓoosidaandi e nebbam ndi jillaaka rabilla.

Lewinkooɓe 22:29

Nde ngaɗoton kirsamaari sadaka yettoore Joomiraaɗo fu, ngaɗiron no haaniri faa njaabaneɗon.

Lewinkooɓe 6:16

Ko almaami sakkata bangal conndi fuu wo wulete. Ɗum nyaamataake.

Lewinkooɓe 7:15

Teewu sadaka dewral nguun woni kirsamaari saabe yettoore Joomiraaɗo ndiin fuu nyaamee nyannde sakkaa ndeen. Taa faa'e waalta.

Amos 4:5

Mbulon sadaka mooɗon jettooje mo ngaɗirton e buuru jillaaɗo rabilla oon! Ngooynon dokke ɗe kokkirton yardamuye, ngaɗon ɗe anndee! Sabo wo ɗuum njiɗɗon, onon Israa'iila'en. Noon Laamɗo Joomiraaɗo wi'i.

Limle 6:15

Wooɗi du, joomum wadda hanndeere buuruuje ɗe ngaɗtaaka rabilla e maasa gaɗiraaɗo nebbam mo jillaaka rabilla, e sadaka conndi e sadaka njaram.

Luuka 17:16

O sujidi e leydi ɗakkol koyɗe Iisaa, imo yetta ɗum. Oon wo Samariyanke.

Luuka 17:18

Ndelle walaa fuu jecciiɗo faa teddina Laamɗo si wanaa janano o naa?

Romankooɓe 1:21

Fay si taweede iɓe anndi Laamɗo, ɓe teddiniraay ɗum no foti teddinireede noon, ɓe njettaay mo du. Miilooji maɓɓe ɗiin laatake ɓoli, ɓerɗe maɓɓe puuyɗe ɗeen du niɓɓii.

Efeesunkooɓe 5:20

Njetton Laamɗo Baaba meeɗen wakkati fuu dow huunde fuu e ley innde Joomiraaɗo men Iisaa Almasiihu.

Ibraninkooɓe 13:15

Ndelle, ko Iisaa rewrintini en e Laamɗo ɗuum, manen Laamɗo wakkati fuu. Manoore ndeen wo sadaka jettooje, wo toni ɗi cemtirtaa inndude innde muuɗum.

1 Piyeer 2:5

Onon du oɗon nga'i hono no kaaƴe buurɗe nyiɓirteeɗe suudu seniindu ni. Wo on almaami'en seniiɓe, waddanooɓe Laamɗo sadakaaji teddinooji ɗum. Laamɗo na jaɓira ɗi saabe Iisaa Almasiihu.