Lewinkooɓe 5:7 - Dewtere Laamɗo Fulfulde Burkina Faso

⁷ Si tawii joomum walaa baawɗe waddude sadaka ndaaba pamara yeeso Joomiraaɗo faa hakke muuɗum oon mooytee fu, sey wadda nyaabe ɗiɗi maa buugaali ɗiɗi. Gootel waɗee sadaka yaafeede, keddiingel du, sadaka buleteeɗo.

Lewinkooɓe 5:7 ပူးပေါင်းရင်းမြစ်များ

Lewinkooɓe 12:6

Si balɗe laaɓineede makko ɗeen paltake, nde wo ɓiɗɗo gorko maa debbo o rimi fu, sey o wadda jawgel ngel ndunngu ngootu gaɗeteengel sadaka buleteeɗo naarude hukum Ceniiɗo. O wadda du nyaabal maa wuugaandu waɗeteendu sadaka laaɓinoowo. O hokka ɗi almaami.

Lewinkooɓe 12:8

Si tawii o walaa baawɗe waddude jawgel ngeel fu, sey o wadda nyaabe ɗiɗi maa buugaali ɗiɗi. Wooturu waɗee sadaka buleteeɗo, heddiindu du, sadaka yaafeede. Noon almaami waɗiranta o faa o laaɓa e ƴiiƴam ɓeyngu makko ɗaam.

Lewinkooɓe 14:30

Ndeen o waɗa buugaali ɗiɗi ɗiin maa nyaabe ɗiɗi ɗeen sadaka, fodde ko o heɓi waddude.

Lewinkooɓe 14:31

Wooturu waɗee sadaka yaafeede, heddiindu nduun du waɗee sadaka buleteeɗo yaada e sadaka conndi. Noon Almaami waɗiranta o faa o laatoo laaɓuɗo yeeso Joomiraaɗo.

Lewinkooɓe 15:30

Almaami waɗa wooturu sadaka yaafeede, heddiindu nduun du sadaka buleteeɗo. Noon o waɗiranta debbo oon faa laaɓa e tuundi muuɗum ndiin.

Lewinkooɓe 16:5

Israa'iila'en kokka o damɗi ɗiɗi gaɗeteeɗi sadaka yaafeede, tawta njawdiri sadaka buleteeɗo.

Lewinkooɓe 27:8

Si tawii anniyiiɗo hokkude ɓii-Aadama oon wo talka, waawaa waddude njoɓdi ndiin fu, sey wadda neɗɗo oon yeeso almaami. Almaami taƴa coggu makko fodde baawɗe podiiɗo hokkude o oon.

Lewinkooɓe 5:11

Si tawii joomum walaa baawɗe waddude buugaali ɗiɗi ɗiin maa nyaabe ɗiɗi ɗeen du, wadda conndi ɗaatundi kilooji tati saabe sadaka yaafeede. Taa o watta ndi nebbam maa ure sabo wo ndi conndi sadaka yaafeede.

Lewinkooɓe 7:1

Inan yamiroore dow sadaka njoɓdi hakke. Wo ɗum huunde seniinde sanne.

Lewinkooɓe 9:3

Caggal ɗuum mbi'aa Israa'iila'en ngadda ndamndi sadaka yaafeede tawta ga'el ndunnguwel e jawgel ndunnguwel tawa koy ngalaa malal de ngaɗon koy sadaka buleteeɗo.

Limle 5:6

Kaaldaa e Israa'iila'en, mbi'aa ɗum'en: Si gorko maa debbo waɗii hakke mo ɓiɓɓe-Aadama mboowi waɗude fu, joomum heɓii junuuba yeeso Joomiraaɗo. Na tilsi jukkee.

Limle 6:10

Nyalaande jeetataɓerde ndeen, o waddana almaami buugaali maa nyaabe ɗiɗi naarude hukum Ceniiɗo.

Limle 6:11

Almaami waɗa wuugaandu wooturu sadaka yaafeede, wooturu du, sadaka buleteeɗo. O waɗana joomum sadaka mooytoowo hakke kewtuɗo ɗum oon. Nyannde majjum pay o laaɓina hoore makko kesum.

Matta 10:16

— Kettindee! Miɗo nula on hono wo on baali hakkunde pobbi ni. Ndelle, ƴoƴiron hono bolle, wooɗi newroɗon hono buugaali du.

Matta 21:12

Iisaa naati taliyaare suudu dewal mawndu nduun. Ɗoon o riiwi soodooɓe e soottooɓe wonɓe ley toon fuu. O liɓi taabaaje weccooɓe ceede e jooɗorɗe soottooɓe buugaali.

Matta 3:16

Nde Iisaa lootanoo, ina wurtoo ndiyam ɗaam fu, wakkati oon pay kammu omtii. O yi'i Ruuhu Laamɗo ina jippoo hono wuugaandu, ina wara dow makko.

Luuka 2:24

Ɓe ngaɗi du sadaka kirsamaari hono no Joomiraaɗo yamiri ni: ɓiɓɓe buugaali ɗiɗi naa nyaabe ɗiɗi.

2 Korintunkooɓe 8:12

Sabo si neɗɗo anniyake waɗude moƴƴere fu, dokkal ngaal ina weli Laamɗo fodde baawɗe kokkoowo oon. Laamɗo ƴamataa neɗɗo ko walaa.