Lewinkooɓe 17:4 - Dewtere Laamɗo Fulfulde Burkina Faso

⁴ de yaaraay ndaaba ngaan Hukum Ceniiɗo faa sakkana Joomiraaɗo dammbugal hukum muuɗum oon fu, joomum yoɓiran ƴiiƴam muuɗum ƴiiƴam ɗam rufi ɗaam. Sey gorko oon ittee e suudu bammum.

Lewinkooɓe 17:4 ပူးပေါင်းရင်းမြစ်များ

Fuɗɗoode 17:14

Gorko mo taadaaka fu ittete e yimɓe muuɗum, sabo joomum bonnii amaana am oon.

Wurtagol 12:15

Balɗe jeɗɗi nyaamirton buuru mo jillaaka rabilla. Nyannde arandeere ndeen, itton rabilla tawaaɗo ley cuuɗi mon fuu. Sabo neɗɗo nyaamuɗo buuru gattaaɗo rabilla hakkunde nyalaande go'aɓerde e nyalaande jeɗɗaɓerde ndeen fu, ittete hakkunde lenyol Israa'iila.

Wurtagol 12:19

Ley balɗe jeɗɗi ɗeen taa rabilla tawee ley cuuɗi mooɗon fey, sabo neɗɗo fuu nyaamuɗo buuru jillaaɗo rabilla, si joomum wo janano naa Israa'iilanke dimo fuu, ittete ley kawrital suudu Israa'iila.

Wurtagol 30:33

Neɗɗo fuu gaɗuɗo iri majjam naa du jooranɗo ɗam goɗɗo mo wanaa almaami fuu ittete e lenyol.

Wurtagol 30:38

Neɗɗo gaɗuɗo iri mayri faa nana uurngol mayri fuu, ittete e lenyol.

Lewinkooɓe 1:3

Si kirsamaari ndiin wo nagge fu, tawee wo ngaari ndi walaa malal. Ndi waddee dammbugal hukum Ceniiɗo faa ndi laatoo sadaka belɗo Joomiraaɗo.

Lewinkooɓe 17:10

Si Israa'iilanke maa janano gonduɗo e muɓɓen nyaamii ƴiiƴam ko ɗam laatii fu, mi ummanto joomum de mi itta ɗum e suudu bammum.

Lewinkooɓe 17:14

Sabo wo ƴiiƴam woni yonki ko woodi teewu fuu. Ndelle ɗuum saabii de mbiimi Israa'iila'en: On njeyaa nyaamude ƴiiƴam fay ngootam sabo ƴiiƴam woni yonki ko wuuri fuu. Nyaamuɗo ɗam fuu, ittetee e suudu bammum.

Lewinkooɓe 17:3

Si gorko jeyaaɗo e suudu Israa'iila hirsii nagge maa mbaalu maa mbeewa ley hoɗorde maa yaasin muuɗum,

Lewinkooɓe 17:5

Ndelle na tilsi Israa'iila'en ngaddana Joomiraaɗo kirsamaaji ɗi cakkata fuu naarude Hukum Ceniiɗo yeeso almaami. Ɓe ngaɗana ɗi Joomiraaɗo sadaka dewral.

Lewinkooɓe 17:9

de yaaraay ndaaba ngaan naarude Hukum Ceniiɗo faa sakkana Joomiraaɗo fu, ittetee e suudu bammum.

Lewinkooɓe 18:29

Gaɗuɗo gootel e golleeji nyiddiniiɗi ɗiin ko ɗi laatii fuu, ittetee e suudu bammum.

Lewinkooɓe 20:16

Si debbo ɓadake ndaaba faa fukkodoo e muuɗum fu, sey kam e ndaaba ngaan fuu mbaree. Ƴiiƴam hakke oon saama dow maɓɓe.

Lewinkooɓe 20:18

Si gorko fukkodake e debbo gonduɗo e tuundi muuɗum, si o yi'i tuundi ndiin fu, sey ɓe ɗiɗo fuu ɓe ittee e suudu baaba sabo ɓe ngaɗii ko semtinii ko ɓe cudditi tuundi ndiin ɗuum.

Lewinkooɓe 20:3

Miin e hoore am du mi ummanto joomum de mi itta ɗum e lenyol muuɗum saabe hooƴii ɓiyum sakkanii tooru Molek faa tuuninii nokkuure am seniinde, wooɗi du huyfinii innde am seniinde ndeen.

Lewinkooɓe 3:2

O yowa junngo makko dow hoore magge de o hirsa nge dammbugal hukum Ceniiɗo. Ɓiɓɓe Haaruuna, almaami'en mbicca ƴiiƴam magge piilol sakkirde ndeen.

Lewinkooɓe 7:18

Si teewu nguun nyaamaama nyalaande tataɓerde ndeen fu, gadduɗo sadaka oon jaabantaake sabo sadaka oon laatake ko laaɓaa. Nyaamuɗo o fu, saaminii hakke dow hoorem.

Yuhanna 10:7

Iisaa wi'i ɓe katin: — Goonga kaalanammi on, miin woni dammbugal hoggo baali.

Yuhanna 10:9

Miin woni dammbugal. Neɗɗo fuu naatirɗo kam, hisan, naatan, yaltan, heɓan durdude.

Yuhanna 14:6

Iisaa jaabii mo: — Miin woni laawol, miin woni goonga, miin woni nguurndam. Fay gooto waawaa yahude to Baabiiwo si rewaay to am.

Romankooɓe 4:6

Noon Daawda du haaliri dow barke neɗɗo mo Laamɗo hiisorii ponnditiiɗo baka golleeji ngalaa. O wi'ii:

Romankooɓe 5:13

Si goonga, gilla Tawreeta Muusaa oon jippinaaka, hakkeeji ina ngoodi e adunaaru ndu. De si jamirooje Tawreeta ngalaa, hakkeeji kiisataake.

Romankooɓe 5:20

Tawreeta naatii faa lutti ɓeyda annditeede. Ammaa fay ko lutti keewi ɗuum fu, hinney Laamɗo ɓuri heewude.

Fillitagol 21:8

Yaa Joomiraaɗo, mooytu hakke yimɓe maaɗa, Israa'iila'en ɓe ndimɗinɗaa ɓeen. Taa ƴiiƴam laaɓuɗo baraaɗo ɗaam saama dow Israa'iila'en. Ndeen ɓe mooytante hakke ƴiiƴam ɗaam.