Lewinkooɓe 16:2 - Dewtere Laamɗo Fulfulde Burkina Faso

² Joomiraaɗo wi'i Muusaa: — Kaaldaa e sakiike maaɗa Haaruuna mbi'a ɗum taa naata wakkati fuu faa ley Nokkuure Ɓurnde fuu Senaade gaɗa ridoo yeeso keruba'en huuruɓe keesuwal Amaana ngaal. Noon waɗta taa o maaya sabo miɗo ɓanga nder ruulde dow ommboode ndeen.

Lewinkooɓe 16:2 ပူးပေါင်းရင်းမြစ်များ

Wurtagol 30:10

Ley hitaande fuu, Haaruuna waɗa Iidi Mooytugol Hakkeeji nde wootere dow luwe sakkirde ndeen. O hooƴa ƴiiƴam sadaka oon o mooyta dow luwe sakkirde ndeen. Wo ɗum ƴiiƴam mooytoojam hakke. Noon ɗum waɗirtee ley jamaanuuji fuu. Sakkirde ndeen laatoo ɓurnde senaade yeeso Joomiraaɗo.

Ibraninkooɓe 9:25

Almaami Mawɗo na naata hitaande faa hitaande e ley nokkuure ɓurnde fuu senaade ndeen, na yaada e ƴiiƴam daaba. Ammaa Almasiihu naatiraay hono noon faa o ittana hoore makko sadaka kile keewɗe.

Matta 27:51

Wakkati oon, lefol paliingol ley suudu dewal mawndu ngool seekii gilla dow faa ley, laatii taƴe ɗiɗi. Leydi dimmbii, kaaƴe ceekii.

1 Kaanankooɓe 8:6

Almaami'en njaari keesuwal Amaana Joomiraaɗo ngaal nokku muuɗum nder suudu Seniindu toon de njoƴƴini ngal ley Nokkuure Ɓurnde fuu Senaade ndeen, ley bippeele keruba'en ɓeen.

Ibraninkooɓe 9:3

Yeesooru nduun woni caggal lefol paliingol ngool. Innde mayru wo nokkuure ɓurnde fuu senaade.

Limle 17:10

Mboɗɗee ɓe sabo mi halkan ɓe fuu ley maƴƴaango yitere. Muusaa e Haaruuna kippii e leydi.

Limle 4:19

Ndelle inan no ngaɗanton ɓe faa ɓe kisa maayde si ɓe ɓattowake kujje ceniiɗe ɗeen: Aan Haaruuna e ɓiɓɓe maaɗa kollon ɓe mono fuu ko jeyi gollude maa ko jeyi ronndaade.

Lewinkooɓe 23:27

Nyannde sappo lewru jeɗɗaɓurdu nduun laatoo Nyalaande mooytugol hakkeeji. Ngaɗon kawrital ceniingal, wooɗi du, cuumoɗon. Ngaɗanon Joomiraaɗo sadaka.

Lewinkooɓe 16:13

O wula ure ɗeen yeeso Joomiraaɗo faa cuurki majje sudda ommboode keesuwal Amaana ngaal. Noon waɗata taa o maaya.

Lewinkooɓe 8:35

Keddoɗon naarude hukum Ceniiɗo ɗoon balɗe jeɗɗi, jemma e nyalooma, ɗowtanoɗon jamirooje makko faa keɓon mbaawon gollande o tawee ɗum warataa on. Wo ɗuum njamiraami mi waɗa.

Ibraninkooɓe 6:19

Jikke oon wo tonteere sellunde hoolniinde, tiigiinde yonkiiji meeɗen. Imo ɗowa en faa paltoɗen lefol paliingol e nokku ɓurɗo fuu senaade to dow kammu toon.

Ibraninkooɓe 9:5

To dow keesuwal toon na woodi nate maleyka'en ɗiɗo wi'eteeɓe keruba'en, wo ɓe maande teddeengal Laamɗo. Bippeele maɓɓe ina kuuri nokku ɗo ƴiiƴam ɗaam rufetee faa hakkeeji njaafee ɗoon. Ammaa en mbaawaa sifaade kulle ɗeen faa laaɓa e wakkati o.

Holleede 15:8

Suudu nduun heewi cuurki saabe annoora Laamɗo e baawɗe muuɗum. Fay gooto waawaa naatude ley mayru, si wanaa nde masiibaaji jeɗɗi ɗi maleyka'en njeɗɗo ngaddi ɗiin timmi.

Limle 4:5

Wakkati eggol fuu, Haaruuna e ɓiɓɓe muuɗum kuunca wudere senndoore nokkuure seniinde de cuddira nde keesuwal Amaana.

1 Kaanankooɓe 6:16

Suudu caggalaaru nduun o waɗi Nokkuure Ɓurnde Fuu Senaade. Njuuteefi mayru wo piyanɗe 20. O waɗi maadiiji nokkuure ndeen fuu uddira leɗɗe seddere.

Lewinkooɓe 16:34

Ndee woni yamiroore nde ɗowtantoɗon faa abada faa hakkeeji yimɓe Israa'iila fuu mooytee nde wootere ley hitaande fuu. Ko Joomiraaɗo yamirnoo Muusaa ɗuum fuu waɗaa.

Limle 18:7

Ammaa Haaruuna, aan e ɓiɓɓe maaɗa tan njeyi gollude gollal almaamaaku to sakkirde e ko woni gaɗa wudere faliinde e nokkuure seniinde ndeen. Ndaranoɗon gollal ngaal. Mi hokkii on almaamaaku, ɗum laatoo gollal mooɗon. Si mo jeyaaka e mooɗon ɓattake ɗum fu, wo bareteeɗo.