Lewinkooɓe 1:3 - Dewtere Laamɗo Fulfulde Burkina Faso

³ Si kirsamaari ndiin wo nagge fu, tawee wo ngaari ndi walaa malal. Ndi waddee dammbugal hukum Ceniiɗo faa ndi laatoo sadaka belɗo Joomiraaɗo.

Lewinkooɓe 1:3 ပူးပေါင်းရင်းမြစ်များ

Fuɗɗoode 22:13

Ibrahiima ɓanti gite muuɗum de yi'i njawdiri, luwe muuɗum na ngadii e wuumoore. O yehi o nanngowi ndi, o waɗani Joomiraaɗo sadaka buleteeɗo, lunnde ɓiyiiko oon.

Fuɗɗoode 22:2

Joomiraaɗo wi'i o: — Adu Isiyaaka, ɓiya korsuɗo mo njiɗɗaa sanne oon, njahaa leydi Moriya, ngaɗaa mo sadaka buleteeɗo dow waamnde mawnde nde kollanmaami ndeen.

Fuɗɗoode 22:8

Ibrahiima jaabii, wi'i: — Suka am, Laamɗo hokkan jawgel duppeteengel ngeel. Ɓe njokki laawol maɓɓe iɓe njaha.

Fuɗɗoode 8:20

Nuuhu mahani Joomiraaɗo sakkirde. O itti ley daabaaji dagiiɗi e pooli dagiiɗi ɗiin fuu, o hirsi, o waɗi sadaka buleteeɗo dow sakkirde ndeen.

Wurtagol 12:5

Sanaa tawee jawgel ngeel maa damngel ngeel walaa malal, tawee du ngel waɗii hitaande. Itton dammuccere ndeen hakkunde ɓiɓɓe baali maa be'i.

Wurtagol 24:5

Ndeen o waɗi jokolɓe nanngi kalahali, kirsi. Goɗɗi majji laatii sadakaaji bulanteeɗi Joomiraaɗo, goɗɗi du sadakaaji dewral.

Wurtagol 29:18

Mbulaa ɗum fuu dow sakkirde ndeen. Wo ɗum sadaka buleteeɗo, dokkal ngal uurngol muuɗum weli Joomiraaɗo.

Wurtagol 29:4

Ɓattinaa Haaruuna e ɓiɓɓe muuɗum dammbugal Hukum Ceniiɗo toon de lootiraa ɗum'en e ndiyam.

Wurtagol 29:42

Sadaka buleteeɗo oon, on keddoto e waɗude ɗum dammbugal Hukum Ceniiɗo yeeso Joomiraaɗo ley jamaanuuji fuu faa abada. Wo ɗoon kawrammi e mooɗon, wooɗi du wo ɗoon kaaldammi e mooɗon.

Wurtagol 32:6

Jaangoore majjum ɓe ummii gilla subaka, ɓe cakki sadakaaji buleteeɗi, ɓe ngaddi sadakaaji dewral. Ɓe njooɗi ɓe nyaami, ɓe njari de ɓe ummii ɓe ngaɗi fijo.

Wurtagol 35:21

Moƴƴuɓe e yardiiɓe hokkude fuu ngaddi dokke muɓɓen ɗe ittani Joomiraaɗo saabe gollal Hukum Ceniiɗo e kujje gollitirɗe muuɗum fuu e kolte ceniiɗe.

Wurtagol 35:29

Worɓe e rewɓe fuu njardii waddude dokke ɗeen saabe gollal ngal Joomiraaɗo yamiri ngaal. Nii Israa'iila'en fuu ngaddiri dokke muɓɓen yardaamuye saabe gollal Joomiraaɗo to Muusaa.

Wurtagol 35:5

Ittanon Joomiraaɗo dokke ley ko ngooduɗon. Moƴƴuɗo ɓernde kaajaaɗo waɗande Joomiraaɗo dokkal fuu, wadda kaŋŋe e cardi e njamndi mboɗeeri e

Wurtagol 36:3

Ɓe njaɓi to Muusaa dokke ɗe Israa'iila'en ngaddi saabe nyiɓugol nokkuure seniinde ndeen fuu. Yimɓe ɓeen na keddinoo na ngadda dokke yardamuye ɗeen weeti fuu.

Wurtagol 38:1

Besalel oon waɗi sakkirde sadakaaji buleteeɗi. O waɗiri nde e leɗɗe ngawdi. Njuuteefi mayre e njaajeefi mayre fuu wo piyanɗe joy joy. Tooweefi mayre wo piyanɗe tati.

Lewinkooɓe 1:10

Si sadaka buleteeɗo oon wo ndaaba pamara hono mbaalu maa mbeewa fu, joomum itta ndamndi maa njawdiri ndi walaa malal.

Lewinkooɓe 14:10

Nyalaande jeetataɓerde ndeen, o wadda jawɗi ɗiɗi e mbortu ngu ndunngu ngootu tawa ɗi fuu ɗi ngalaa malal. Tawta sadaka kilooji jeenay conndi ɓoosidaandi e nebbam tawti nebbam feccere liitere.

Lewinkooɓe 16:7

Ndeen o wadda damɗi ɗiɗi ɗiin yeeso Joomiraaɗo dammbugal Hukum Ceniiɗo.

Lewinkooɓe 17:4

de yaaraay ndaaba ngaan Hukum Ceniiɗo faa sakkana Joomiraaɗo dammbugal hukum muuɗum oon fu, joomum yoɓiran ƴiiƴam muuɗum ƴiiƴam ɗam rufi ɗaam. Sey gorko oon ittee e suudu bammum.

Lewinkooɓe 17:8

Ndelle mbi'aa ɓe: Si Israa'iilanke maa janano gonduɗo e muɓɓen sakkii kirsamaari mbuleteendi maa waɗii sadaka feere

Lewinkooɓe 17:9

de yaaraay ndaaba ngaan naarude Hukum Ceniiɗo faa sakkana Joomiraaɗo fu, ittetee e suudu bammum.

Lewinkooɓe 23:12

Wo nyannde ndeen, ngaddanton Joomiraaɗo jawgel ngel ndunngu ngootu ngel walaa malal gaɗeteengel sadaka buleteeɗo.

Lewinkooɓe 23:18

Buuruuje ɗeen, ɓeydee sadakaaji buleteeɗi, ɗum woni njawkoy njeɗɗoy koy ndunngu ngootu e ngaari e jawɗi ɗiɗi tawa ɗi fuu ɗi ngalaa malal, tawta sadaka conndi e njaram ko ɗi cakkidetee. Ɗum laatoo sadaka mo uurngol muuɗum weli Joomiraaɗo.

Lewinkooɓe 3:1

Si neɗɗo na haajaa waɗude ndaaba mannga sadaka dewral fu, sey wadda ngaari maa nagge rewe yeeso Joomiraaɗo, tawa walaa malal.

Lewinkooɓe 4:15

Mawɓe Israa'iila njowa juuɗe muɓɓen dow hoore mayri de gooto muɓɓen hirsa ndi yeeso Joomiraaɗo.

Lewinkooɓe 4:23

Wakkati o faaminowa o luttii fu, sey o wadda sadaka ndamndi ndi walaa malal.

Lewinkooɓe 4:3

Si wo Almaami mawɗo, ceniraaɗo nebbam oon lutti de ronndi yimɓe fuu hakke fu, sey waɗa sadaka ngaari ndi walaa malal yeeso Joomiraaɗo saabe yaafeede hakke muuɗum oon.

Lewinkooɓe 4:32

Si tawii gaɗuɗo hakke oon wo mbaalu muuyi waddude du, wadda mbaalu ndewu ngu walaa malal.

Lewinkooɓe 5:15

— Si neɗɗo bonnirii amaana Joomiraaɗo e jogitaade ko haanuno hokkeede Joomiraaɗo de tawi hensaaki fu, sey wadda sadaka njawdiri ndi walaa malal. Coggu mayri hiisoree buuɗi cardi nokkuure seniinde. Ndi laatoo sadaka njoɓdi hakke makko oon.

Lewinkooɓe 5:18

Ndelle sey joomum wadda njawdiri ndi walaa malal to almaami saabe njoɓdi hakke oon. Coggu mayri hiisoree buuɗi cardi nokkuure seniinde. Almaami waɗirana o njawdiri ndiin sadaka faa hakke mo o waɗi de o hensaaki oon mooytee.

Lewinkooɓe 6:2

Njamiraa Haaruuna e ɓiɓɓe muuɗum mbi'a ɗum'en: Inan yamiroore dow sadaka buleteeɗo: Sadaka buleteeɗo oon heddoo dow yiite sakkirde ndeen ley jemma oon fuu faa weeta. Yiite ngeen heddoo na huɓɓa.

Lewinkooɓe 6:8

Almaami itta conndi ɓoosidaandi e nebbam ndiin tambannde junngo tawta ure gaddidaaɗe e sadaka ɗeen fuu de wula ɗum dow sakkirde ndeen. Wo ɗum maande sadaka mo uurngol muuɗum weli Joomiraaɗo.

Lewinkooɓe 7:16

Si tawii wo sadaka saabe aadi maa yardamuye fu, teewu muuɗum nyaamee nyannde sakkaa ndeen. Si heddake du, na waawi nyaameede jaangoore muuɗum.

Lewinkooɓe 8:18

O ɓattini njawdiri sadaka buleteeɗo de Haaruuna e ɓiɓɓe muuɗum njowi juuɗe muɓɓen dow hoore mayri.

Lewinkooɓe 8:21

O lootiri kujje reedu e kolce ɗeen fuu ndiyam de o wuli njawdiri ndiin fuu dow sakkirde ndeen. Ɗum laatii sadaka buleteeɗo mo uurngol muuɗum weli Joomiraaɗo fodde no yamirnoo Muusaa noon.

Lewinkooɓe 9:2

O wi'i Haaruuna: — Kooƴaa ga'el gaɗeteengel sadaka yaafeede e njawdiri ngaɗeteendi sadaka buleteeɗo tawa ɗi ɗiɗi fuu ɗi ngalaa malal de ngaddaa ɗi yeeso Joomiraaɗo.

Limle 15:3

ngaɗanon Joomiraaɗo iri sadakaaji hono sadaka buleteeɗo maa sadaka aadi maa sadaka yardamuye maa sadaka saabe iidiiji mooɗon fuu. Itton kirsamaaji ɗiin ley daabaaji mooɗon pamari maa mawɗi, faa uurngol majji laatoo ko weli Joomiraaɗo.

Limle 15:8

Si neɗɗo na waɗana Joomiraaɗo sadaka ngaari hono sadaka buleteeɗo maa sadaka aadi maa sadakaaji jeɗeteeɗi fu,

Limle 19:2

Inan jamirooje ɗe kokkammi on: Mbi'on Israa'iila'en ngaddana on nagge rewe woɗeewe sellunge nge walaa malal wooɗi du, tawa nge remnaaka abada.

Limle 23:19

Laamɗo wanaa tagaaɗo sakko fena, wanaa ɓii-Aadama sakko mimsita. Yalla o waɗataa ko o wi'i naa? Yalla o tabintintaa ko o haali naa?

Limle 23:27

Balak wi'i Balaama: — Ngaraa faa mi yaare nokkuure wonnde katin, na hasii Laamɗo hokkete laawol kuɗanaa kam ɓe.

Limle 23:3

Balaama wi'i Balak: — Ndaroɗaa ɗakkol kirsamaari maaɗa, mi toowtan seeɗa. Na hasii Joomiraaɗo hawran e am. Konngol ngol o hokki kam fuu wo ngool pay kollanmaami. Ndeen o ƴeenyi tefaare.

Limle 23:30

Balak waɗi ko Balaama wi'i ɗuum. Dow hirsirde fuu, o waɗi ngaari e njawdiri ngootiri sadaka buleteeɗo.

Limle 28:11

Darorɗe lewru fuu, sey ngaddon yeeso Joomiraaɗo sadakaaji buleteeɗi ɗum woni ga'i ɗiɗi e njawdiri ngootiri e njawkoy njeɗɗoy koy ndunngu ngootu tawa ɗi fuu ɗi ngalaa malal.

Limle 28:19

Ngaddon sadakaaji buleteeɗi yeeso Joomiraaɗo, ɗuum woni ga'i ɗiɗi e njawdiri ngootiri e njawkoy njeɗɗoy koy ndunngu ngootu tawa ɗi fuu ɗi ngalaa malal.

Limle 28:31

Ngaɗon ɗum fuu tawta sadaka njaram jaadowo e majjum, e sadaka buleteeɗo gaɗeteeɗo nyannde fuu e sadaka conndi ko yaadata e muuɗum. Taa malal fuu tawee e daabaaji sadaka ɗiin.

Limle 29:13

Nyalaande go'aɓerde: Ngaɗanon Joomiraaɗo sadaka buleteeɗo mo uurngol muuɗum weli ɗum: Ga'i 13 e jawɗi ɗiɗi e njawkoy 14 koy ndunngu ngootu tawa ɗi fuu ɗi ngalaa malal.

Limle 29:2

Ngaɗanon Joomiraaɗo sadaka buleteeɗo mo uurngol belngol ɗum. Ɗum woni ngaari e njawdiri e njawkoy njeɗɗoy koy ndunngu ngootu, tawa ɗi fuu ɗi ngalaa malal.

Luuka 1:35

Maleyka oon jaabii mo, wi'i: — Ruuhu Ceniiɗo jippoto e maaɗa, baawɗe Laamɗo Toowɗo cuddete. Saabe ɗuum, ɓiɗɗo mo ndimataa oon inndirte Ceniiɗo, Ɓii Laamɗo.

Yuhanna 1:36

O yi'i Iisaa ina faltoo, o wi'i: — Inan jawgel Laamɗo!

Yuhanna 10:7

Iisaa wi'i ɓe katin: — Goonga kaalanammi on, miin woni dammbugal hoggo baali.

Yuhanna 10:9

Miin woni dammbugal. Neɗɗo fuu naatirɗo kam, hisan, naatan, yaltan, heɓan durdude.

2 Korintunkooɓe 8:12

Sabo si neɗɗo anniyake waɗude moƴƴere fu, dokkal ngaal ina weli Laamɗo fodde baawɗe kokkoowo oon. Laamɗo ƴamataa neɗɗo ko walaa.

2 Korintunkooɓe 9:7

Mono fuu hokka ko anniyii e ɓernde muuɗum, tawa wanaa e mettorgal, wanaa e doole. Sabo Laamɗo ina yiɗi kokkiroowo seyo.

Efeesunkooɓe 2:18

Saabe ko Almasiihu waɗii ɗuum, en fuu keɓirten laawol yottaade Baabiiwo saabe en kawtii Ruuhu Ceniiɗo gooto.

Efeesunkooɓe 5:27

O waɗi ɗum faa o darna kawrital goonɗinɓe ngaal yeeso makko, ngal yaynira darja, ngal laatoo ceniingal, ngal walaa ko semtinii naa ko tuuni naa nyoofi-nyoofi naa ko boni fuu.

Fillitagol 12:27

Si tawii wo kirsamaaji buleteeɗi fu, cakkon teewu majji e ƴiiƴam majji dow sakkirde Joomiraaɗo, Laamɗo mooɗon. Ƴiiƴam kirsamaaji feere du rufee dow sakkirde ndeen de nyaamon teewu muɓɓen.

Fillitagol 15:21

Si tawii ndaaba ngaan na woodi malal hono mbumnga naa laƴoowa naa malal feere fu, taa cakkanon ɗum Joomiraaɗo, Laamɗo mooɗon.

Fillitagol 17:1

Taa cakkanon Joomiraaɗo, Laamɗo mooɗon nagge naa mbaalu naa mbeewa ngoodunga male feere feere sabo ɗum na laatii ko harmi yeeso muuɗum.

Ibraninkooɓe 7:26

Ndelle, Iisaa woni Almaami Mawɗo mo kaajaɗen: wo o ceniiɗo, o walaa feloore, laru fuu walaa e makko. O senndaama e waɗuɓe hakke. Katin du, o toownaama dow huunde fuu to dow kammu.

Ibraninkooɓe 9:14

Ndelle walaa ko haali haala ƴiiƴam Almasiihu ɗaam! E baawɗe Ruuhu duumiiɗo oon, Almasiihu hokkii hoore muuɗum Laamɗo no kirsamaari ndi walaa laru. Ɗum waɗi de ƴiiƴam makko laaɓinan miilooji ɓerɗe meeɗen e golleeji jaarooji en to maayde, faa ndewen Laamɗo Buurɗo oon.