Koloosiyankooɓe 4:6 - Dewtere Laamɗo Fulfulde Burkina Faso

⁶ Haala mooɗon ina haani laataade haala mbelka ngaɗaaka lamɗam, faa paamon no kaanɗon jaaboraade mono fuu.

Koloosiyankooɓe 4:6 ပူးပေါင်းရင်းမြစ်များ

1 Kabaaruuji Laamiiɓe 16:24

Kaalee haala teddeengal makko hakkunde lenyi fuu, pillanoɗon yimɓe fuu kabaaru maandeeji makko kaayniiɗi,

Banndi 10:21

Haalaaji ponnditiiɗo na nyaamna yimɓe heewɓe, puuyɗo le, rafi hakkillo warata ɗum.

Banndi 15:4

Haala peewka wo lekki nguurndam, ammaa bonka kaa na halka ɓernde.

Banndi 15:7

Hunnduko jom hakkillo na yaltina anndal, de ko puuyɗo kaa, worraa noon.

Tindinoowo 10:12

Haalaaji hakkilante wo moƴƴere, ammaa ɗi puuyɗo ɗiin na kalka ɗum.

Lewinkooɓe 2:13

Sadaka conndi gaddeteeɗo yeeso Joomiraaɗo fuu na tilsi wattee lamɗam sabo lamɗam ɗaam wo maande amaana hakkunde mon e Laamɗo mooɗon. Taa ɗam nyaka watteede e sadakaaji ɗiin fuu. Nde ngaddoton sadaka conndi fuu, ngaddidon e lamɗam.

Matta 5:13

— Onon, wo on lamɗam adunaaru ndu. Ammaa si lamɗam selii lamsude, ɗume lamsinta ɗam katin? Ɗam nafataa fay huunde! Ɗam faɗɗete yaasin, yimɓe njaaɓa ɗam.

Marka 9:50

Lamɗam wo huunde lobbere, de si ɗam selii lamsude, noy lamsinirton ɗam katin? Hakkunde mooɗon laatoɗon hono lamɗam ni, ngondon e jam.

Luuka 4:22

Ɓe fuu iɓe kaala haala makko lobba, katin du haalaaji lobbi jaltuɗi e hunnduko makko ɗiin ina kaaynii ɓe. Iɓe mbi'a: — Wanaa o woni ɓii Yuusufi oon?

Efeesunkooɓe 4:29

Taa konngol bonngol yaltu e kunnduɗe mooɗon. Ko kaanɗon waɗude tan wo haalude haalaaji nafooji baawɗi semmbinde ɓerɗe yimɓe fodde haajuuji, faa ɗi ngaddana hettindantooɓe on ɓeen moƴƴere.

Fillitagol 11:19

Ekintinon ɗe ɓiɓɓe mon, kaalon haala majje nde njooɗiɗon ley galleeji mon, nde njaaton e laawi, nde pukkotoɗon e nde ummotoɗon fuu.

Koloosiyankooɓe 3:16

Accon konngol Almasiihu ngool heewa e mooɗon. Mono e mooɗon fuu janngina banndum, tindinira ɗum e hakkilantaaku. Njimanee Laamɗo e jettooje, njettiree mo Jabuura e manooje, kam e jimi teddinooji Laamɗo.

1 Piyeer 3:15

Teddinee Almasiihu e ɓerɗe mooɗon: wo o ceniiɗo, wo o Joomiraaɗo meeɗen. Wakkati fuu, tawa oɗon cegilanii jaabaade neɗɗo fuu ƴamuɗo on sabaabu jikke mo ngonɗon e muuɗum oon.