Koloosiyankooɓe 4:1 - Dewtere Laamɗo Fulfulde Burkina Faso

¹ Joomiraaɓe, njogoree maccuɓe mooɗon ɓeen jogaaɗe lobbe e dow fonnditaare, anndon onon du oɗon njogii joomiiwo dow kammu.

Koloosiyankooɓe 4:1 ပူးပေါင်းရင်းမြစ်များ

Tindinoowo 5:8

Nafaa leydi na woodani yimɓe fuu. Fay kaananke wo e ndemri wuuri.

Lewinkooɓe 19:13

Taa torron banndiraaɓe mooɗon faa keɓiron ɗum'en nafaa, wooɗi du, taa mbujjon. Taa njoɓdi golloowo mooɗon waala e juuɗe mon.

Matta 20:4

O wi'i ɓe: «Njehee onon du ngollowon to ngesa am cabiije toon. Mi yoɓan on ko haani yoɓeede.»

Luuka 19:15

Nde o hokkanoo laamu, o warti ndeen, o yamiri o noddanee maccuɓe ɓe o halfini jawdi ɓeen. Imo yiɗi faamude ko mono e maɓɓe fuu heɓi e ko golliri ɗuum.

Yaakuuba 2:13

Sabo si goonga, nde Laamɗo sarotoo fu, yurmataako neɗɗo mo hollaay woɓɓe yurmeende. De jom yurmeende kaa, walaa fuu ko huldata sariya.

Yaakuuba 5:4

On calake yoɓude gollooɓe gese mooɗon njobdi muɓɓen. Inan, kettindee bullaali maɓɓe! Joomiraaɗo jom baawɗe fuu oon nanii bullaali taƴooɓe gese mon ɓeen.

Holleede 17:14

Ɓe kaɓan e Jawgel ngeel, ammaa Jawgel ngeel jaaloto ɓe sabo kangel woni Joomiraaɗo joomiraaɓe e Kaananke kaanankooɓe. Wonduɓe e maggel ɓeen wo noddaaɓe, suɓaaɓe, hoolniiɓe.

Holleede 19:16

Inan innde winndaande e saaya makko e busal makko: «Kaananke kaanankooɓe e Joomiraaɗo joomiraaɓe».