Koloosiyankooɓe 2:16 - Dewtere Laamɗo Fulfulde Burkina Faso

¹⁶ Ndelle, taa fay gooto felda on dow ko nyaamoton e ko njaroton naa saabe teddingol nyalaaɗe goɗɗe e darɗe lewru e nyalaaɗe powteteeɗe.

Koloosiyankooɓe 2:16 ပူးပေါင်းရင်းမြစ်များ

Romankooɓe 14:10

Aan, ko waɗi de aɗa fela sakiike maa goonɗinɗo oon? Naa aan, ko waɗi de aɗa yawa sakiike maa goonɗinɗo oon? En fuu, en ndaroyto yeeso sarorde Laamɗo.

Galaatiyankooɓe 4:10

Oɗon teddini balɗe goɗɗe e lebbi goɗɗi e wakkatiiji goɗɗi e kitaale goɗɗe.

Ibraninkooɓe 13:9

Taa njaɓee waajuuji feere ɗi on mboowaa nanude mbosina hakkillooji mon. Ko ɓuri woodde, semmbe ɓerɗe mon ƴuura e moƴƴere Laamɗo, wanaa e jamirooje dow nyaamdu. Jamirooje ɗeen nafaay jokkuɓe ɗum'en.

Nehemiya 10:33

Min anniyake ley hitaande fuu, neɗɗo amin fuu waddan buuɗi cardi seeɗa saabe gollal seniindu.

1 Kabaaruuji Laamiiɓe 23:31

Ɓe ngaɗana Joomiraaɗo sadakaaji buleteeɗi nyannde fowteteende e darorɗe lebbi e kawrite iidiiji fodde limoore majji hono no ɓe njamiraa ɓe keddoroo yeeso Joomiraaɗo faa abada noon.

Matta 15:11

wanaa ko naatata e hunnduko neɗɗo ɗuum tuuninta ɗum. Wo ko wurtotoo e hunnduko ɗuum tuuninta ɗum.

Ibraninkooɓe 9:10

Dewal ngaal ina haɓɓaa e jamirooje haala nyaamdu e njaram e lootaade lootaali feere feere. Jamirooje ɗeen fuu na kaɓɓaa e ɓanndu tan wanaa e ɓernde, iɗe njokkee faa nyannde Laamɗo tabintini huunde heyre.

Yaakuuba 4:11

Sakiraaɓe, taa fay gooto mooɗon mbuyka banndum. Neɗɗo fuu mbuykuɗo banndum naa sarii ɗum, mbuykii jamirooje Laamɗo ɗeen, sarake jamirooje ɗeen. Si a sarake jamirooje du, a ɗowtantaako ɗe, a waɗii hoore maa carotooɗo.

Marka 7:19

Sabo ɗum naataay e ɓernde joomum. Wo reedu mum tan ɗum naati, wooɗi du ɗum yaltan. E haalaaji ɗiin Iisaa holliri nyaamdu fuu na laaɓi.

Golle Nelaaɓe 15:20

Ammaa mbinndanen ɓe ɓe ndeentoo e ko tooruuji tuunini e jeenu e nyaamude ko saaɗi e nyaamude ƴiiƴam.

Nehemiya 10:31

Min anniyake sukaaɓe amin rewɓe ndewlataake lenyi janani jooɗiiɗi ley leydi ndi, wooɗi min ndewlantaa sukaaɓe amin worɓe surbaaɓe lenyi ɗiin.

Nehemiya 8:9

Nehemiya goforneer e almaami Isira, jannginoowo Tawreeta e Lewinkooɓe piirtani yimɓe ɓeen maanaa jamirooje ɗeen. Nde ɓe paamitinoo ɗum fuu ɓe puɗɗii woyude. Ndeen Nehemiya wi'i ɓe: — Hannden wo nyalaande Joomiraaɗo, Laamɗo meeɗen seniinde. Taa ɓerɗe mooɗon metta, taa mboye.

2 Kaanankooɓe 4:23

Goriiko oon ƴami mo wi'i: — Ɗume ngaɗoytaa to makko hannden de wanaa iidi darorɗe lewru wooɗi du, wanaa nyannde fowteteende? Debbo oon jaabii mo wi'i: — Baasi fuu walaa.

1 Samuwiila 20:18

Ndeen Yonatan wi'i mo: — Jaango wo juulɗe daragol lewru. Aan, a ƴamante sabo jooɗorgal maa nokku nyaamdu wo ɓolal.

1 Samuwiila 20:5

Daawda wi'i mo: — Hettinda, jaango woni juulɗe daragol lewru, miɗo haani nyaamdude e kaananke. Ammaa accaa mi yoofee, mi suuɗowoo ley ngesa faa kiiral naange faɓɓi-jaango.

Lewinkooɓe 16:31

Nyalaande ndeen laatanoo on nyannde fowteteende seniinde sanne. Cuumoɗon, taa ngollon faa'e. Wo ɗum yamiroore nde ɗowtantoɗon faa abada.

Amos 8:5

Oɗon mbi'a: Faa ndeye iidi darorɗe lewru oon faltotoo, faa keɓen connen alkama meeɗen! Faa ndeye nyalaande fowteteende ndeen faltotoo, faa keɓen omten beembe meeɗen! En ɓuytan taasaaje meeɗen ponndirɗe, en ɓeydan cogguuji sonnoore meeɗen, en oonyan ponndirɗe faa njamboɗen.

Limle 10:10

Nde ngaɗoton iidiiji hitaande, maa darorɗe lewru maa iidiiji goɗɗi fu, puufon luwe ɗeen wakkati ngaɗoton sadaka buleteeɗo e sadaka dewral. Ɗi miccintinan on Laamɗo mooɗon. Miin woni Joomiraaɗo, Laamɗo mooɗon.

Koloosiyankooɓe 2:20

On maaydii e Almasiihu, on mburtinaama e tindinooje adunaaru ndu ɗeen. Ndelle, ɗume waɗi de oɗon mbuurda no jeyaaɓe e adunaaru ndu ni? Ɗume waɗi de oɗon njaɓa tindineede: