Isira 9:6 - Dewtere Laamɗo Fulfulde Burkina Faso

⁶ mbi'umi: Yaa Laamɗo am, semteende nanngii kam faa mi waawaa ƴeptude gite am, mi ndaara faro maaɗa; ngam hakkeeji amin keewii faa ndiwtii ko'e amin; pelooje amin ɗuuɗi yeeso maaɗa.

Isira 9:6 ပူးပေါင်းရင်းမြစ်များ

Fuɗɗoode 13:13

Ammaa yimɓe Sodoma wo bonɓe, waɗooɓe hakkeeji bonɗi yeeso Joomiraaɗo.

1 Kaanankooɓe 8:47

si ɓe tuubowii to ɓe njaaraa toon, ɓe ŋaarake njurmoɗaa ɓe ley leydi ndi ɓe njaaraa ndiin, ɓe mbi'ii: «Min ngaɗii hakke, min mbosake laawol, min ngaɗii ko boni»,

Isira 9:13

Fay ko ɗum fuu ɗum hewtii min saabe golle amin bonɗe, e feloore mawnde wonde dow amin, miɗen anndi aan Laamɗo amin, a yurmake min, a torraay min fodde no hakkeeji amin keewiri. A heddanii min ƴuwdi seeɗa.

Isira 9:15

Yaa Joomiraaɗo, Laamɗo Israa'iila, aan, wo a dartiiɗo sabo a heddanii min ƴuwdi seeɗa. Inan miɗen ndarodii e pelooje amin yeeso maaɗa, fay ko tawaa saabe majje gooto amin fu haanaa daraade yeeso maaɗa.

Nehemiya 1:6

Miɗo ŋaare kettindanoɗaa kam, ndaara kam, njaaboɗaa du'aare nde miin, maccuɗo maaɗa, ngaɗammi jemma e nyalooma saabe Israa'iilankooɓe maccuɓe maaɗa. Miɗo ŋaare njaafoɗaa hakkeeji amin, minen Israa'iilankooɓe. Miin e suudu baaba am, min kuyfini innde maaɗa.

Ayuuba 40:4

— Kay! Miin wo mi ɗume? Ɗume mbi'ammaami? Mi ommbiran hunnduko am e junngo am.

Ayuuba 42:6

Saabe majjum mi mimsitii, mi tuubii, wo mi jooɗiiɗo dow sollaare e ndoondi.

Wurtagol 32:31

Muusaa soƴƴii to Joomiraaɗo, wi'i ɗum: — Kaari! Yimɓe ɓe ngaɗii hakke mawɗo. Ɓe ngaɗiranii ko'e maɓɓe alla e kaŋŋe.

Lewinkooɓe 26:40

Ndeen ɓe kaaltan hakkeeji maɓɓe e ɗi maamiraaɓe maɓɓe e jambaaji ɗi ɓe ngaɗi yeeso am e no ɓe lunndorii kam.

Luuka 15:21

Ɓiɗɗo oon wi'i mo: «Baaba, mi toonyake jom kammuuli, mi toonyake ma, mi haandaa e fay wi'eede ɓiya katin!»

Luuka 18:13

Nanngoowo lampo oon darii to toowti, suusaay fay tiggitaade kammu, ina guɓɓoo ɓerndem, na wi'a: «Laamɗo yurmam, mi jom hakke.»

Romankooɓe 6:21

Nafaa oye keɓuɗon e majjum wakkati oon? Fay huunde, si wanaa ko cemtirton hannden ɗuum, sabo cakitte majjum wo maayde.

Holleede 18:5

Sabo hakkeeji mayre ɗuuɗi, ɗi njowundurii faa ɗi njottake kammu, Laamɗo du yeggitaay golleeji mayre bonɗi ɗiin.