Isira 9:3 - Dewtere Laamɗo Fulfulde Burkina Faso

³ Nde nannoomi ɗum fu, ceekumi saayo am e forgo am, ɗoofumi ngaasa hoore am, ɓorumi leeɓi waare am, njooɗodiimi e mettorgal ɓernde.

Isira 9:3 ပူးပေါင်းရင်းမြစ်များ

2 Samuwiila 1:11

Ndeen Daawda nanngi kaddule muuɗum seeki ɗe. Worɓe wonduɓe e muuɗum du fuu ceeki kaddule muɓɓen.

2 Kaanankooɓe 18:37

Caggal ɗuum Eliyakim ɓii Hilkiya mawɗo laamordu e Sebna binndanoowo laamiiɗo e Yoha ɓii Asaf kokkoowo kabaaruuji njeccii to Hesekiya na ceeki kaddule muɓɓen. Ɓe kumpiti mo ko dawranoowo laamordu Asuura oon wi'i ɗuum.

Nehemiya 1:4

Nde nannoomi ɗum fu, njooɗiimi miɗo woya, ngaɗumi balɗe keewɗe ley mettorgal ɓernde, miɗo suumii, miɗo waɗa du'aare yeeso Laamɗo Toowɗo.

Nehemiya 13:25

Ndeen pelumi ɓe, kuɗumi ɓe, piimi woɓɓe maɓɓe, ɗoofumi ngaasa muɓɓen, ngaɗumi ɓe kunii e innde Laamɗo, ɓe kokkataa ɓiɓɓe maɓɓe rewɓe, ndewlee lenyi janani, wooɗi ɓe ndewlantaa ɓiɓɓe maɓɓe worɓe du surbaaɓe ley lenyi janani katin. Kamɓe e ko'e maɓɓe du, ɓe ndewlataa lenyi ɗiin.

Ayuuba 1:20

Caggal Ayuuba nanii ɗum fu, ummii seeki kaddule muuɗum, femmbi hoore muuɗum, de hippii e leydi,

Lewinkooɓe 21:5

Taa almaami'en pemmba piilna ko'e muɓɓen maa bahe muɓɓen, wooɗi du, taa pesa ɓalli muɓɓen.

Yoosuwa 7:6

Yoosuwa e mawɓe Israa'iila ceeki kaddule muɓɓen, kippi geese muɓɓen yeeso keesuwal Joomiraaɗo, faa kiiral naange. Ɓe paɗɗi sollaare dow ko'e maɓɓe saabe mettorgal.