Isira 7:9 - Dewtere Laamɗo Fulfulde Burkina Faso

^9-10 Go'o lewru go'aɓurdu o fuɗɗi segilaade wurtaade leydi Baabiila. O yottii huɓeere Urusaliima go'o lewru joyaɓurdu, imo watti e hakkillo makko janngugol jamirooje Joomiraaɗo e ɗowtanaade ɗe, faa o ekintina ɗe lenyol Israa'iila. Hinney Laamɗo na wondi e makko.

Isira 7:9 ပူးပေါင်းရင်းမြစ်များ

Isira 7:28

Kanko waɗi keɓumi hinney to kaananke, e to tindinooɓe muuɗum, e to ardiiɓe konunkooɓe muuɗum. Miin e hoore am, mi heɓii semmbinɗineede, juuɗe Joomiraaɗo na ngoni dow am saabe ɗum de keɓumi ardiiɓe cuuɗi Israa'iilankooɓe njaadumi.

Isira 7:6

Isira oon ƴuuri leydi Baabiila wari, wo o jannguɗo gooduɗo andal manngal dow Tawreeta mo Joomiraaɗo, Laamɗo Israa'iila hokkunoo annabi Muusaa. Laamiiɗo hokki Isira ko ŋaarii fuu. Hinney Laamɗo Joomiraaɗo na wondi e makko.

Isira 7:8

Ɓe njottii Urusaliima hitaande jeɗɗaɓerde laamu Artajerjes ley lewru joyaɓurdu.

Isira 8:18

Saabe hinney Laamɗo amin na wondi e amin, ɓe neldi min Seraabiya baawɗo gollal ƴuuruɗo e suudu Mahili ɓii Lewi, taan Yaakuuba. O wardi e ɓiɓɓe makko e sakiraaɓe makko. Ɓe fuu wo ɓe 18.

Isira 8:22

Mi yamiri ɗum sabo miɗo semta ŋaaraade kaananke hokka min sordaasiiɓe yahooɓe e koyɗe e waɗɗiiɓe pucci faa ɗowta min taa wayɓe amin paloo min dow laawol, sabo min mbi'iino mo ko baawɗe Laamɗo amin na ngonndi e kooliiɗo ɗum fu, tikkere muuɗum nyanngunde du, na woni dow saliiɓe jokkude ɗum.

Isira 8:31

Ley 12 lewru go'aɓurdu, min ummii daande gooruwol Ahawa yaade Urusaliima, juuɗe Laamɗo amin ina ndeeni min, o danni min e juuɗe wayɓe amin e taƴotooɓe laabi.

Isira 8:32

Min njottii Urusaliima, min powtiri balɗe tati.

Nehemiya 2:18

Ndeen kaalammi ɓe moƴƴere nde Laamɗo waɗani kam e ko kaananke wi'i kam fu. Wakkati oon pay ɓe mbi'i kam: — En ummoo puɗɗen gollal nyiɓitaade kokuwol ngool. Ndeen ɓe ummii, ɓe cegilanii fuɗɗude ngal.

Nehemiya 2:8

Katin ŋaariimi mo, o hokka kam ɓataaki faa mi hokka Asaafu deenoowo leɗɗe kaananke faa o hokka kam leɗɗe ɗe kuurirammi cuuɗi gonɗi dammbuɗe suudu Dewal Joomiraaɗo e gollitirɗe kokuwol piiliingol huɓeere ɗeen, e ɗe ngaɗirammi suudu ɗo ngonammi. Kaananke hokki kam ko ŋaariimi ɗuum fuu, saabe hinney Laamɗo ina wondi e am.