Isira 7:28 - Dewtere Laamɗo Fulfulde Burkina Faso

²⁸ Kanko waɗi keɓumi hinney to kaananke, e to tindinooɓe muuɗum, e to ardiiɓe konunkooɓe muuɗum. Miin e hoore am, mi heɓii semmbinɗineede, juuɗe Joomiraaɗo na ngoni dow am saabe ɗum de keɓumi ardiiɓe cuuɗi Israa'iilankooɓe njaadumi.

Isira 7:28 ပူးပေါင်းရင်းမြစ်များ

Fuɗɗoode 32:28

Gorko oon wi'i mo: — Noy mbi'eteɗaa? O jaabii, o wi'i: — Miɗo wi'ee Yaakuuba.

Fuɗɗoode 43:14

Laamɗo Jom Baawɗe hokku on hinney yeeso makko, o hokkita on sakiike mon e Benjamin fuu. Miin du si mi waasan ɓiɓɓe am ɓeen kaa, mi waasa ɗum'en.

Isira 5:5

Ammaa baawɗe Laamɗo ina ngondi e hooreeɓe Yahuudiyankooɓe. Saabe ɗuum ɓe kaɗaay ɗum'en gollude gollal nyiɓitagol ngaal faa ɓataaki dow majjum yotti to kaananke Daariyus, faa kam on du, jaabori ɓe ɓataaki.

Isira 7:14

Miin e tinndinooɓe am njeɗɗo, min nelii ma njahaa ndaarowa no yimɓe leydi Yahuuda e huɓeere Urusaliima njogorii jamirooje Tawreeta Laamɗo maaɗa, ɗe kalfinaɗaa ɗeen.

Isira 7:6

Isira oon ƴuuri leydi Baabiila wari, wo o jannguɗo gooduɗo andal manngal dow Tawreeta mo Joomiraaɗo, Laamɗo Israa'iila hokkunoo annabi Muusaa. Laamiiɗo hokki Isira ko ŋaarii fuu. Hinney Laamɗo Joomiraaɗo na wondi e makko.

Isira 7:9

Go'o lewru go'aɓurdu o fuɗɗi segilaade wurtaade leydi Baabiila. O yottii huɓeere Urusaliima go'o lewru joyaɓurdu, imo watti e hakkillo makko janngugol jamirooje Joomiraaɗo e ɗowtanaade ɗe, faa o ekintina ɗe lenyol Israa'iila. Hinney Laamɗo na wondi e makko.

Isira 8:1

Inan inɗe ardiiɓe cuuɗi Israa'iilankooɓe ɓe ƴuuridimmi maccungaaku leydi Baabiila, ley jamaanu Artajerjes kaananke Persi.

Isira 8:15

Ndeen kawrondirmi yimɓe ɓeen fuu daande gooruwol iloowol yaade huɓeere Ahawa. Min koɗiri toon balɗe tati. Ndaarumi ley yimɓe ɓeen e ley almaami'en, de mi yi'aay Lewinkooɓe hakkunde maɓɓe.

Isira 8:18

Saabe hinney Laamɗo amin na wondi e amin, ɓe neldi min Seraabiya baawɗo gollal ƴuuruɗo e suudu Mahili ɓii Lewi, taan Yaakuuba. O wardi e ɓiɓɓe makko e sakiraaɓe makko. Ɓe fuu wo ɓe 18.

Isira 9:9

Fay ko min laatii maccuɓe ɗum fu, Laamɗo amin, a seedaay e amin. A waɗii du kaananke Persi waɗanii min ko wooɗi. A semmbiɗinii min faa min nyiɓitoo suudu maaɗa seniindu, min moƴƴintina ndu ɗo ndu fusanoo. A hokkii min to min ɗuwoo nder leydi Yahuuda e huɓeere Urusaliima.

Nehemiya 1:11

Yaa Joomiraaɗo! Hettina du'aare maccuɗo maaɗa e du'aawuuji maccuɓe maaɗa seyortooɓe teddinde innde maaɗa. Hokku maccuɗo maaɗa jaalagol hannden, waɗu o heɓa moƴƴere to kaananke o. Tawi ley balɗe ɗeen, miin woni tiigiiɗo yardude cabijam kaananke.

Nehemiya 2:8

Katin ŋaariimi mo, o hokka kam ɓataaki faa mi hokka Asaafu deenoowo leɗɗe kaananke faa o hokka kam leɗɗe ɗe kuurirammi cuuɗi gonɗi dammbuɗe suudu Dewal Joomiraaɗo e gollitirɗe kokuwol piiliingol huɓeere ɗeen, e ɗe ngaɗirammi suudu ɗo ngonammi. Kaananke hokki kam ko ŋaariimi ɗuum fuu, saabe hinney Laamɗo ina wondi e am.

Yuunusa 3:7

O waɗi yimɓe ngooyna nder ngalluure ndeen, mbi'a: — Inan ko kaananke e howruuɓe muuɗum njamiri: «Taa fay gooto nyaama goɗɗum. Taa daaba fay ngoota hokkee ko nyaama, illa daabaaji mawɗi faa pamari. Katin du, taa tagaaɗo fuu naa daaba njara ndiyam.