Isira 7:16 - Dewtere Laamɗo Fulfulde Burkina Faso

¹⁶ Katin adaa kaŋŋe e cardi e ko keɓuɗaa ley leydi Baabiila fuu, e dokkal ngal Israa'iilankooɓe e almaami'en muɓɓen ngaɗiri yardaamuye saabe suudu Dewal Laamɗo muɓɓen seniindu wondu Urusaliima ɗuun.

Isira 7:16 ပူးပေါင်းရင်းမြစ်များ

1 Kabaaruuji Laamiiɓe 29:17

Laamɗo am, miɗo anndi aɗa hiinya miilooji ɓernde ɓii-Aadama fuu. Aɗa yiɗi dartaare. Mi hokkii ma dokke yardamuye ɗee fuu e ɓernde laaɓunde. Ɓernde am na seyii sanne ko yimɓe maaɗa wonɓe ɗo joonin ɓee fuu kokkata dokke muɓɓen yardamuye ɗuum.

1 Kabaaruuji Laamiiɓe 29:6

Ndeen ardiiɓe cuuɗi e mawɓe lenyi Israa'iila e ardiiɓe sordaasiiɓe ujunere e ɓe hemre e ardiiɓe gollanooɓe kaananke fuu mbi'i na njardii wallirde jawdi muɓɓen.

1 Kabaaruuji Laamiiɓe 29:9

Yimɓe fuu ceyii saabe dokke yardamuye ɗe kokki ɗeen sabo ɓe kokkirii ɗe e ɓerɗe maɓɓe fuu saabe Joomiraaɗo. Kaananke Daawda du, seyii sanne.

Isira 1:4

Katin, hakkunde yimɓe makko heddiiɓe na mbuuri ɓeen, wonduɓe e muɓɓen mballira ɗum'en kaŋŋe e cardi e kujje feere feere e daabaaji e dokke yardaamuye saabe suudu Dewal Laamɗo ley Urusaliima nduun.

Isira 1:6

Wondiiɓe maɓɓe kokki ɓe kujje gaɗiraaɗe kaŋŋe e cardi e kujje feere feere e daabaaji e dokke yardaamuye keewɗe korsuɗe.

2 Korintunkooɓe 8:12

Sabo si neɗɗo anniyake waɗude moƴƴere fu, dokkal ngaal ina weli Laamɗo fodde baawɗe kokkoowo oon. Laamɗo ƴamataa neɗɗo ko walaa.

2 Korintunkooɓe 9:7

Mono fuu hokka ko anniyii e ɓernde muuɗum, tawa wanaa e mettorgal, wanaa e doole. Sabo Laamɗo ina yiɗi kokkiroowo seyo.