Isira 6:22 - Dewtere Laamɗo Fulfulde Burkina Faso

²² Katin du, ɓe ngaɗi Iidi Buuru mo Jillaaka Rabilla faa hewti balɗe jeɗɗi ley seyo, sabo Joomiraaɗo hokkii ɓe seyo nde meemunoo ɓernde Koores kaananke Asuura de walli ɓe dow nyiɓitaade suudu Dewal Laamɗo Israa'iila.

Isira 6:22 ပူးပေါင်းရင်းမြစ်များ

2 Kaanankooɓe 23:29

Ley nguurndam makko Fira'awna Neko, kaananke Misira, na wallannoo kaananke Asuura e konu ɗakkol Maayo Efrat. Kaananke Yosiya yehi faa haɓda e Neko wuro Megiddo. Wakkati ɓe kawrunoo pay, Neko wari mo.

Isira 1:1

Ley hitaande go'aɓerde laamu Koores kaananke Persi, Joomiraaɗo meemi ɓernde makko. Joomiraaɗo waɗii ɗum faa konngol muuɗum ƴuurungol e hunnduko annabi Yeremiya tabita. Ɗum saabi de Koores nelani yimɓe leydi ndi laamii ndiin fuu mbi'ee:

Isira 6:1

Kaananke Daariyus yamiri yimɓe pilii ley suudu reenirdu dewte Baabiila to ɗereeji kabaaru suudu Dewal Mawndu nduun ndesaa.

Isira 7:27

Ndeen Isira yimi, wi'i: Jettooje ngoodani Joomiraaɗo, Laamɗo maamiraaɓe meeɗen, meemuɗo ɓernde kaananke de waɗi o teddini suudu Dewal Joomiraaɗo wonndu Urusaliima.

Nehemiya 13:6

Nde ɗum waɗanno ndeen, miin Nehemiya mi tawaakanoo ley huɓeere Urusaliima, sabo ley hitaande capanɗe tati e ɗiɗaɓerde laamu Artajerjes kaananke Baabiila, mi yeccakeno to kaananke toon. Caggal ɗuum ŋaariimi kaananke acca mi hoota Urusaliima.

Banndi 16:7

Nde nguurndam neɗɗo welii Joomiraaɗo fu, wattan potal hakkunde joomum e wayɓe mum.

Banndi 21:1

Ɓernde kaananke wo hono gooruwol e junngo Joomiraaɗo. Imo ɗowira nde no o yiɗiri.

Matta 26:17

Nyalaande go'aɓerde Iidi Buuru mo Jillaaka Rabilla, taalibaaɓe ɓeen ngari, ƴami Iisaa, mbi'i ɗum: — Toy njiɗɗaa min cegilanowe hiraande iidi Faltagol ndeen?

Yuhanna 19:11

Iisaa jaabii mo, wi'i: — Si wanaa Laamɗo hokki ma baawɗe, a waawanaa kam fay huunde. Ɗuum waɗi de gattuɗo kam e junngo maaɗa oon ina ɓuri maa hakkeeji.