Isira 6:14 - Dewtere Laamɗo Fulfulde Burkina Faso

¹⁴ Mawɓe Yahuudiyankooɓe njehi yeeso e gollal ngaal. Annabi Agay e annabi Jakariya ɓii Iddo cemmbinɗini ɓe, de kamɓe du ɓe njehi yeeso e gollal ngaal, faa ɓe timmini maadi ndiin hono no Laamɗo Israa'iila wi'iri noon, e fodde ko Koores e Daariyus e Artajerjes laamiiɓe Persi njamiri.

Isira 6:14 ပူးပေါင်းရင်းမြစ်များ

Isira 3:8

Ley ndunngu ɗiɗaɓu caggal ko ɓe ngarti suudu Dewal Laamɗo nder Urusaliima, ɗiɗi lewru, Sorobabel ɓii Seyaltiyel e Yesuwa ɓii Yoosadak e sakiraaɓe muɓɓen almaami'en e Lewinkooɓe, e yimɓe heddiiɓe yoofaaɓe ngarti Urusaliima fuu puɗɗi gollude. Ɓe cuɓii Lewinkooɓe, gilla mo duuɓi 20 faa yaade ɓurɓe noon, ɓe ngaɗi ɗum'en ndaaranooɓe gollal nyiɓitagol suudu nduun.

Isira 4:24

Noon gollal suudu Dewal Laamɗo ngaal darorii ley Urusaliima faa hitaande ɗiɗaɓerde laamu Daariyus kaananke Persi.

Isira 4:3

Ndeen Sorobabel e Yesuwa e mawɓe ardiiɓe lenyol Israa'iila ɓeen njaabii ɓe, mbi'i: — Walaa fu ko hawti en dow nyiɓangol Laamɗo amin suudu Dewal Mawndu. Minen tan njeyi nyiɓande Joomiraaɗo, Laamɗo Israa'iila suudu nduun, hono no Koores kaananke Persi wi'iri min noon.

Isira 5:1

Ley balɗe ɗeen, annabi Agay e annabi Jakariya ɓii Iddo, ngaɗi annabaaku e innde Laamɗo Israa'iila dow Yahuudiyankooɓe leydi Yahuuda e wonɓe huɓeere Urusaliima.

Isira 5:13

Ammaa ley hitaande go'aɓerde laamu Koores kaananke Baabiila, o yamiri min nyiɓitoo suudu Dewal Laamɗo nduun.

Isira 5:2

Ndeen Sorobabel ɓii Seyaltiyel e Yesuwa ɓii Yoosadak, ummii naati gollal mahitaade suudu Dewal Laamɗo ley huɓeere Urusaliima. Annabaaɓe ɓeen njokki gaɗa maɓɓe ina mballa ɓe.

Isira 6:3

«Ley hitaande go'aɓerde laamu Koores, o yamiri yimɓe puɗɗita nyiɓitagol suudu Dewal Laamɗo nder Urusaliima. Ɓe nyiɓitoo ndu nokkuure to kirsamaaji ngaɗetee, ndu nyibitee dow darorɗe mayru arandeeje. Tooweefi mayru waɗa piyanɗe 60. Njaajeefi mayru du fota noon.

Isira 6:8

Miɗo yamira on ngaɗon huunde fuu ko mbaawɗon faa mballon mawɓe Yahuudiyankooɓe ɓeen, faa ɓe puɗɗita nyiɓitaade suudu nduun. Katin itton ley ceede leydi ɗe yimɓe Fonngo Maayo Efrat njoɓi ɗeen, njoɓon gollooɓe ɓeen taa gollal ngaal daroo.

Isira 7:1

Duuɓi keewɗi caggal ɗuum, ley laamu Artajerjes kaananke Persi, Isira warti Urusaliima. Inan maamiraaɓe makko: Isira ɓii Seraya, Seraya ɓii Ajariya, Ajariya ɓii Hilkiya,

Isira 9:9

Fay ko min laatii maccuɓe ɗum fu, Laamɗo amin, a seedaay e amin. A waɗii du kaananke Persi waɗanii min ko wooɗi. A semmbiɗinii min faa min nyiɓitoo suudu maaɗa seniindu, min moƴƴintina ndu ɗo ndu fusanoo. A hokkii min to min ɗuwoo nder leydi Yahuuda e huɓeere Urusaliima.

Nehemiya 6:15

Nyannde 25 lewru Eluul, gollal nyiɓitaade kokuwol ngaal timminaa. Ngal golliraa balɗe 52 de ngal timmi.