Isira 5:12 - Dewtere Laamɗo Fulfulde Burkina Faso

¹² Ammaa saabe maamiraaɓe amin ngaɗiino ko boni, ɓernde Laamɗo Toowɗo metti, de watti ɓe ley juuɗe Nebukannejar Kaldiyanke, laaminooɗo Baabiila. Oon fusi suudu nduun de nanngi yimɓe ɓeen, yaari maccungaaku ley leydi Baabiila.

Isira 5:12 ပူးပေါင်းရင်းမြစ်များ

2 Kaanankooɓe 24:2

Joomiraaɗo waɗi Baabiilankooɓe e Siiriyankooɓe e Mo'abinkooɓe e Amoninkooɓe koni Yahuuda faa kalka ɗum fodde konngol ngol haalirnoo e kunnduɗe annabaaɓe muuɗum.

2 Kaanankooɓe 25:1

Nyannde sappo lewru sappoɓurdu hitaande jeenayaɓerde laamu Sedekiya, Nebukannejar, kaananke Baabiila, wardi e sordaasiiɓe muuɗum fuu dammbugal galluure Urusaliima, ɓe piilii kokuwol galluure ndeen, ɓe ngaɗi tile leydi ɓe piilni ngol.

Fillitagol 31:17

Nyannde ndeen mi tikkanan ɓe sanne. Mi yoppan ɓe, mi tottitoto ɓe. Ndeen ɓe ceekete, masiibaaji e boneeji feere feere kewtoto ɓe faa ɓe mbi'a: «Wanaa saabe Laamɗo meeɗen waldaa e men de torraaji ɗi fuu na kewtoo en naa?»

Fillitagol 32:30

Si Tefaare maɓɓe yoppaayno ɓe, noy neɗɗo gooto tan waawiri riiwude yimɓe ujunere? Si Joomiraaɗo wattaayno ɓe e juuɗe wayɓe maɓɓe, noy yimɓe ɗiɗo mbaawiri riiwirde yimɓe ujunaaje sappo?

Ardiiɓe 2:14

Saabe majjum, tikkere Joomiraaɗo huɓɓi ɓe. Ndeen o watti ɓe e juuɗe wayɓe maɓɓe, lenyi janani teetooji ɓe jawdi maɓɓe. O watti ɓe e juuɗe wayɓe maɓɓe fiiliiɓe ɓe. Ɓe ngalaa katin semmbe daraade yeeso wayɓe maɓɓe.

Ardiiɓe 4:2

Ndeen Joomiraaɗo ummini kaananke Kanaana haɓi e maɓɓe, jaalii ɓe. Innde makko wo Yabin. Laamorde makko ina woni ley ngalluure Haajor. Mawɗo sordaasiiɓe makko ina wi'ee Sisera. Kam du ina jooɗii to Haroset-Goyim.

Ardiiɓe 6:1

Israa'iilankooɓe puɗɗiti waɗude ko boni yeeso Joomiraaɗo, de o watti ɓe e juuɗe Madiyankooɓe faa waɗi duuɓi jeɗɗi.