Isira 4:3 - Dewtere Laamɗo Fulfulde Burkina Faso

³ Ndeen Sorobabel e Yesuwa e mawɓe ardiiɓe lenyol Israa'iila ɓeen njaabii ɓe, mbi'i: — Walaa fu ko hawti en dow nyiɓangol Laamɗo amin suudu Dewal Mawndu. Minen tan njeyi nyiɓande Joomiraaɗo, Laamɗo Israa'iila suudu nduun, hono no Koores kaananke Persi wi'iri min noon.

Isira 4:3 ပူးပေါင်းရင်းမြစ်များ

Isira 1:1

Ley hitaande go'aɓerde laamu Koores kaananke Persi, Joomiraaɗo meemi ɓernde makko. Joomiraaɗo waɗii ɗum faa konngol muuɗum ƴuurungol e hunnduko annabi Yeremiya tabita. Ɗum saabi de Koores nelani yimɓe leydi ndi laamii ndiin fuu mbi'ee:

Isira 1:2

Inan ko miin Koores kaananke Persi mbiimi: Laamɗo Joomiraaɗo Toowɗo, hokkii kam laamuuji adunaaru fuu. O halfinii kam mi nyiɓitanoo mo suudu Dewal Mawndu nder Urusaliima nder leydi Yahuuda.

Isira 1:3

Neɗɗo fu jeyaaɗo e yimɓe makko hakkunde mooɗon, o barkina ɗum, o wonda e muuɗum. Joonin sanaa joomum yaha huɓeere Urusaliima ley leydi Yahuuda saabe nyiɓitagol suudu Dewal Joomiraaɗo, Laamɗo Israa'iila nduun, kanko woni Laamɗo gonɗo ley huɓeere Urusaliima.

Isira 3:8

Ley ndunngu ɗiɗaɓu caggal ko ɓe ngarti suudu Dewal Laamɗo nder Urusaliima, ɗiɗi lewru, Sorobabel ɓii Seyaltiyel e Yesuwa ɓii Yoosadak e sakiraaɓe muɓɓen almaami'en e Lewinkooɓe, e yimɓe heddiiɓe yoofaaɓe ngarti Urusaliima fuu puɗɗi gollude. Ɓe cuɓii Lewinkooɓe, gilla mo duuɓi 20 faa yaade ɓurɓe noon, ɓe ngaɗi ɗum'en ndaaranooɓe gollal nyiɓitagol suudu nduun.

Nehemiya 2:20

Njaabiimi ɓe, mbiimi: — Laamɗo Toowɗo hokkan min jaalorgal, minen maccuɓe muuɗum, de min puɗɗa gollal ngaal, mi nyiɓitoo kokuwol ngol. De onon le, on ngala ngeɗu, on ngalaano dabare on ngatta ɗum katin faa abada ley huɓeere Urusaliima ɗo.

Matta 10:16

— Kettindee! Miɗo nula on hono wo on baali hakkunde pobbi ni. Ndelle, ƴoƴiron hono bolle, wooɗi newroɗon hono buugaali du.

Yuhanna 4:9

Debbo oon wi'i Iisaa: — Noy waɗi de aan, Alhuudiyanke, aɗa ŋaaroo kam miin, Samariyanke, ndiyam faa njaraa? Sabo Alhuudiyankooɓe e Samariyankooɓe wo harmundurɓe.

Golle Nelaaɓe 8:21

A walaa ngeɗu ley golle amin, ɗum walanaa ma, sabo ɓernde maa fonnditaaki to Laamɗo.