Isira 4:2 - Dewtere Laamɗo Fulfulde Burkina Faso

² njehi to Sorobabel e to mawɓe lenyol, mbi'i ɗum'en: — Accee kawten ngollen gollal maadi suudu Dewal Joomiraaɗo ngaal sabo minen du, miɗen ɗowtanoo Laamɗo mooɗon. Wooɗi du, min mbooyidii e sakkande mo kirsamaaji, gilla jamaanu Esara-Hadon kaananke Asuura gaddunooɗo min ɗo.

Isira 4:2 ပူးပေါင်းရင်းမြစ်များ

Fuɗɗoode 10:11

O ƴuwi leydi ndiin, o yehi leydi Asuura. O nyiɓi Niniwe e Rehobot-Ir e Kalak

2 Kaanankooɓe 17:24

Kaananke Asuura waddoy yimɓe Baabiila e Kuta e Awa e Hamat e Sefarwayim, joƴƴini ɗum'en ley galluuje leydi Samariya faa loomta Israa'iila'en. Ɓeen njeyti galluuje ɗeen ngaɗi toon joonnde muɓɓen.

2 Kaanankooɓe 17:41

Noon lenyi ɗiin kulirannoo Joomiraaɗo ammaa na keddii e ɗowtanaade tooruuji muɓɓen. Noon du ɓiɓɓe maɓɓe e taaniraaɓe maɓɓe keddorii faa warde hannden.

2 Kaanankooɓe 19:37

Nyannde gomma imo woni ley suudu alla makko bi'eteeɗo Nisirok, imo teddina ɗum de ɓiɓɓe makko Adiramelek e Sarejer kippii mo, mbardi mo kaafaaje de ndoggiri leydi Ararat. Ɓiyiiko Esara-Hadon loomti mo laamii.

Isira 1:5

Ndeen ardiiɓe lenyol Yahuuda e Benyamin e almaami'en e Lewinkooɓe e ɓe Laamɗo meemii ɓernde muɓɓen fu, ummii faa koota nyiɓitowo suudu Dewal Joomiraaɗo ley huɓeere Urusaliima toon.

Isira 2:2

Mawɓe wartidinɓe e Sorobabel wo Yesuwa e Nehemiya e Saraaya e Re'elaya e Mordakay e Bilsan e Misifa e Bigway e Rehum e Ba'ana. Inan limgal Israa'iilankooɓe yaltuɓe maccungaaku ngarti fodde cuuɗi muɓɓen:

Isira 3:12

Ammaa nayeeɓe heewɓe ley almaami'en e Lewinkooɓe e ardiiɓe cuuɗi feere feere annduɓe no suudu nduun wa'unoo arande, mboyi e semmbe muɓɓen nde njiinoo joƴƴingol maadi mayru. Woɓɓe du njimiri e semmbe saabe seyo.

Isira 3:2

Ndeen Yesuwa ɓii Yoosadak e sakiraaɓe muuɗum almaami'en e Sorobabel ɓii Seyaltiyel e sakiraaɓe muuɗum, ummii nyiɓani Laamɗo Israa'iila hirsirde to sadaka buleteeɗo waɗetee hono no winndiraa ley Tawreeta Muusaa maccuɗo Laamɗo noon.

Nehemiya 9:32

Laamɗo amin, a mawɗo, a jom teddeengal, a kulɓiniiɗo, a tiigoriiɗo amaana maaɗa e hoolaare. Taa yawu torraaji ɓurɗi min semmbe, caamuɗi dow amin, minen e laamiiɓe amin e mawɓe amin e almaami'en amin e annabaaɓe amin e maamiraaɓe amin e yimɓe maaɗa fuu, gilla jamaanu kaananke Asuura faa hewti hannden.

Galaatiyankooɓe 2:4

fay si tawi sakiraaɓe fewreeɓe coorake e kawrital goonɗinɓe ngaal. Ko ɓe pilii dey, wo horude no ngorruɗen e ndimaaku ngu keɓɗen e ley kawtal men e Iisaa Almasiihu, faa ɓe ngartira en e maccungaaku.

2 Timote 3:8

Worɓe naatooɓe cuuɗi ɓeen njeddii goonga hono no Yanes e Yamberes njeddirnoo Muusaa ni. Hakkillooji maɓɓe mbonii, goonɗinal maɓɓe du wanaa goonga.