Isira 4:15 - Dewtere Laamɗo Fulfulde Burkina Faso

¹⁵ Sanaa piloɗaa ley ɗereeji ɗi maamiraaɓe maaɗa mbinndunoo, a yi'an ley toon kabaaru huɓeere ndeen; wo nde huɓeere muurtoore. Wooɗi du, inde laatanii laamiiɓe e goforneere'en tooke. Rafi nanɗe mayre mettinii ɓerɗe laamiiɓe heewɓe. Kanjum saabi de nde helanoo.

Isira 4:15 ပူးပေါင်းရင်းမြစ်များ

2 Kaanankooɓe 24:20

Ɗum fuu ɗum hewtake Urusaliima e Yahuuda saabe tikkere Joomiraaɗo. Joomiraaɗo riiwi ɓe yeeso muuɗum. Sedekiya muurtani kaananke Baabiila.

2 Kaanankooɓe 25:4

Konunkooɓe Baabiila ɓeen njuli kokuwol piiliingol Urusaliima ngool. Ndeen konunkooɓe Urusaliima fuu ndoggi ley jemma, mburtorii dammbugal gonngal soɓɓundu sardiŋe kaananke, ɓe adi laawol Araba.

Isira 4:12

Miɗen njiɗi kaananke faama Yahuudiyankooɓe ƴuwɓe to muuɗum ɓeen njottake huɓeere Urusaliima faa puɗɗii nyiɓitaade nde, kayre laatiinde huɓeere bonde, muurtoore. Ɓe ɓadake timminde nyiɓitagol kokuwol piiliingol nde ngool. Ɓe puɗɗii moƴƴinde joƴƴinirɗe maadi mayre.

Isira 4:14

De saabe ko min keɓi nafaa laamu maaɗa ɗuum, haanaa min acce, aan kaananke, njaweɗa. Ɗum saabi, miɗen mbinndane dow majjum. Laamɗo reene!

Isira 4:16

Saabe ɗum de, miɗen mbi'e, aan kaananke, si huɓeere ndeen e kokuwol piiliingol nde ngool nyiɓitaama fu, a waasan ngeɗu kujje Fonngo Maayo Efrat keewɗe.»

Nehemiya 2:19

Ammaa nde Sanbalat Horoonankeejo e Tobiya Amoninkeejo e Gesem Laarabuujo nannoo ko min anniyii waɗude fu, jalnorii min, ɓe kuyfini min. Ɓe mbi'i: — Ɗume anniyiiɗon waɗude? Yalla oɗon anniyii umminande Kaananke muurtere naa?

Nehemiya 6:6

Inan ko winndaa ley ɓataaki kiin: Kabaaru yottake nokku fuu nder leyɗe, Gesem du seedake, wi'aama ko aan e Yahuudiyankooɓe heddiiɓe oɗon kaɓɓi dabare muurtude. Ɗuum waɗi oɗon nyiɓitoo kokuwol piiliingol huɓeere ngool. Katin du, min nanii aɗa yiɗi waɗude hoore maaɗa kaananke maɓɓe.

Ester 2:23

Kabaaru oon ndaaraa faa wooɗi, tawaa wo goonga de gollooɓe ɓeen njorfitoraa ɓoggi faa ɗiɗo fuu maayi. Kabaaru majjum winndaa ley dewtere kabaaruuji laamu yeeso kaananke.