Isira 4:12 - Dewtere Laamɗo Fulfulde Burkina Faso

¹² Miɗen njiɗi kaananke faama Yahuudiyankooɓe ƴuwɓe to muuɗum ɓeen njottake huɓeere Urusaliima faa puɗɗii nyiɓitaade nde, kayre laatiinde huɓeere bonde, muurtoore. Ɓe ɓadake timminde nyiɓitagol kokuwol piiliingol nde ngool. Ɓe puɗɗii moƴƴinde joƴƴinirɗe maadi mayre.

Isira 4:12 ပူးပေါင်းရင်းမြစ်များ

2 Kaanankooɓe 18:20

Ndelle aɗa miila haala hunnduko ɓola tan na waawi hokkude ma daliili e jaalorgal ley konu naa? Ndelle moy woni mo kooliɗaa de kaandinɗaa muurtande kam?

2 Kaanankooɓe 24:1

Ley balɗe ɗeen Nebukannejar kaananke Baabiila haɓdi e Yahuuda de dawrani Yehoyakim duuɓi tati. Caggal ɗuum Yehoyakim muurtani mo.

Isira 4:11

Laamɗo reene, aan Artajerjes, kaananke mawɗo! Minen maccuɓe maaɗa wonɓe Fonngo Maayo Efrat, min njowtii ma.

Isira 4:15

Sanaa piloɗaa ley ɗereeji ɗi maamiraaɓe maaɗa mbinndunoo, a yi'an ley toon kabaaru huɓeere ndeen; wo nde huɓeere muurtoore. Wooɗi du, inde laatanii laamiiɓe e goforneere'en tooke. Rafi nanɗe mayre mettinii ɓerɗe laamiiɓe heewɓe. Kanjum saabi de nde helanoo.

Isira 4:19

Mi waɗii yimɓe ndaarii tawii gilla jamaanu paltiiɗo, huɓeere ndeen salake waɗude ko laamiiɓe mbi'i. Wo nde muurtoore, haɓeteende.

Isira 5:3

Wakkati majjum pay Tatenay, goforneer Fonngo Maayo Efrat e Satar-Bojanaay e gollidiiɓe muɓɓen ngari Urusaliima, njottii to mahitotooɓe suudu nduun ɓeen. Ɓe ƴami ɗum'en: — Moy yamiri on nyiɓitaade suudu Dewal Mawndu ndu e moƴƴingol kokuuji mayru?

Isira 5:9

Min ƴamii ardiiɓe lenyol ɓeen moy yamiri ɗum'en nyiɓitaade suudu nduun e moƴƴintinde ndu.

Nehemiya 1:3

Ɓe njaabii kam, ɓe mbi'i: — Yimɓe ɓeen ina ngondi e torra mawɗo, iɓe kollee yawaara. Kokuwol piiliingol huɓeere Urusaliima ngool helaama, ommbirɗe huɓeere ndeen du mbulaama.

Nehemiya 6:6

Inan ko winndaa ley ɓataaki kiin: Kabaaru yottake nokku fuu nder leyɗe, Gesem du seedake, wi'aama ko aan e Yahuudiyankooɓe heddiiɓe oɗon kaɓɓi dabare muurtude. Ɗuum waɗi oɗon nyiɓitoo kokuwol piiliingol huɓeere ngool. Katin du, min nanii aɗa yiɗi waɗude hoore maaɗa kaananke maɓɓe.

Ester 3:8

Haman wi'i kaananke Jerjes: — Na woodi lenyol feerewol ngol yimɓe muuɗum cankiti ley leyɗe laamu maaɗa fuu. Finaatawaa maɓɓe na seedi e heddiiɓe fuu. Wooɗi du, ɓe njaɓataa waɗude ko aan kaananke njamirɗaa. A haanaa accude ɓe ɓe njooɗoo e jam.

Luuka 13:34

Kay Urusaliima, Urusaliima! Aɗa wara annabaaɓe, aɗa warda nulaaɓe to maa kaaƴe! Kile keewɗe njiɗumi hawrundurde ɓiɓɓe maa hono no cofal hawrundurta coppi muuɗum ley bippeele muuɗum ni. De on njaɓaay.

Golle Nelaaɓe 24:5

Min tawii gorko o wo daaɓoowo bone sanne. Wo o gaddoowo fitina hakkunde Alhuudiyankooɓe wonɓe ley adunaaru fuu. O ardiiɗo laawol Nasaraatunkooɓe.

1 Tesaloniyankooɓe 5:22

Mboɗɗoɗon ko boni fuu.