Isira 3:6 - Dewtere Laamɗo Fulfulde Burkina Faso

⁶ Gilla nyannde go'aɓerde lewru jeɗɗaɓurdu ɓe puɗɗi waɗande Joomiraaɗo sadaka buleteeɗo, tawi fay darnugol joƴƴinirɗe suudu Dewal Mawndu nduun fuɗɗaaka tafon.

Isira 3:6 ပူးပေါင်းရင်းမြစ်များ

Isira 3:5

Caggal ɗuum ɓe keddii e waɗude sadaka buleteeɗo nyannde fuu, e sadaka gaɗeteeɗo saabe iidi daragol lewru e iri iidiiji ɗi Joomiraaɗo haani waɗaneede fuu. Katin, ɓe kokki dokke yardaamuye ɗe yimɓe ngaddanta Joomiraaɗo.

Isira 3:7

Wartuɓe ɓeen kokki njobdi mahooɓe e sehooɓe. Katin, ɓe kokki yimɓe Sidon e Tirus neema e cabijam e nebbam jaytun faa ittowa leɗɗe seddere gilla leydi Liban, njokka maayo, de ngadda ɗe huɓeere Joffe, hono no kaananke Koores yamiri noon.

Lewinkooɓe 23:24

Kaaldaa e Israa'iila'en mbi'aa ɗum'en: Nyannde go'o lewru jeɗɗaɓurdu fuu wo Nyalaande fowteteende. Nde laatoo nyannde miccitagol e puufaali luwe ley kawrital ceniingal.

Lewinkooɓe 23:25

Taa ngollon golle tampinooje on. Ngaɗanon Joomiraaɗo sadakaaji.

Limle 29:1

Nyannde go'o lewru jeɗɗaɓurdu fuu, ngaɗon kawrital ceniingal saabe teddingol Joomiraaɗo. Taa ngollon golle tampinooje on. Nde laatanoo on nyalaande iidi Puufaali Luwe.

Limle 29:2

Ngaɗanon Joomiraaɗo sadaka buleteeɗo mo uurngol belngol ɗum. Ɗum woni ngaari e njawdiri e njawkoy njeɗɗoy koy ndunngu ngootu, tawa ɗi fuu ɗi ngalaa malal.