Isira 10:14 - Dewtere Laamɗo Fulfulde Burkina Faso

¹⁴ Ndelle accu ardiiɓe min ɓeen ndaranoo min, de yimɓe gure amin ɓaŋuɓe rewɓe ɓeen, ngara to mawɓe e hiitotooɓe kuɓeeje muɓɓen, fodde wakkati mo kokkaa. Min ngaɗiran noon faa Laamɗo meeɗen itta tikkere mawnde nde tikkani min saabe bonanda mo min ngaɗi oon.

Isira 10:14 ပူးပေါင်းရင်းမြစ်များ

2 Kaanankooɓe 23:26

Ammaa e ɗuum fuu, Joomiraaɗo na nyangani Yahuuda sanne saabe golle bonɗe ɗe Manasa tikkiniri ɗum ɗeen.

Isira 10:13

Ammaa yimɓe na keewi, wooɗi, inan joonin du, wo wakkati toɓo manngo. Saabe ɗuum min mbaawaa daraade ley njaayri hono ni. Gollal ngaal du wanaa gaɗeteengal ley nyalaande wootere maa ley balɗe ɗiɗi, sabo hakkunde amin yimɓe heewɓe ngaɗii ko boni.

Isira 10:15

Yonatan ɓii Asahel e Yahjiya ɓii Tikuwa tan calii waɗude noon. Meesullam e Sabetaay, Lewinkooɓe njokki gaɗa maɓɓe kamɓen du.

Limle 25:4

Joomiraaɗo wi'i Muusaa: — Njorfa ɓoggi e daaɗe hooreeɓe cuuɗi Israa'iila'en fuu yeeso am iɓe kucciti e naange faa tikkere am ndeen tottitoo Israa'iila.

Fillitagol 13:17

Kawrondinon jawdi maɓɓe fuu hakkunde galluure ndeen de mbulanon nde Joomiraaɗo, Laamɗo mooɗon, kayre e ko woni e mayre fuu. Nde laatoo winnde, wooɗi du nde nyiɓtataake faa abada.

Fillitagol 17:9

Njahon to almaami'en Lewinkooɓe e to carotooɗo ley balɗe ɗeen de ɓeen kolla on no haani cariron haala kaan.

Yoosuwa 7:26

Ɓe ndeki joorde kaaƴe mawnde dow muɓɓen. Joorde ndeen na heddii faa warde hannden. Saabe majjum ɓe inndiri nokkuure ndeen naɗɗol Akor (ɗum woni «bonanda»), noon woni innde mayre faa joonin. Caggal ɗuum Joomiraaɗo itti tikkere muuɗum nyaaɗunde ndeen dow Israa'iila.