Isira 1:6 - Dewtere Laamɗo Fulfulde Burkina Faso

⁶ Wondiiɓe maɓɓe kokki ɓe kujje gaɗiraaɗe kaŋŋe e cardi e kujje feere feere e daabaaji e dokke yardaamuye keewɗe korsuɗe.

Isira 1:6 ပူးပေါင်းရင်းမြစ်များ

1 Kabaaruuji Laamiiɓe 29:9

Yimɓe fuu ceyii saabe dokke yardamuye ɗe kokki ɗeen sabo ɓe kokkirii ɗe e ɓerɗe maɓɓe fuu saabe Joomiraaɗo. Kaananke Daawda du, seyii sanne.

Isira 1:4

Katin, hakkunde yimɓe makko heddiiɓe na mbuuri ɓeen, wonduɓe e muɓɓen mballira ɗum'en kaŋŋe e cardi e kujje feere feere e daabaaji e dokke yardaamuye saabe suudu Dewal Laamɗo ley Urusaliima nduun.

Isira 8:33

Ley nyalaande nayaɓerde, cardi ndiin e kaŋŋe oon e le'e ɗeen fuu ponndaa ley suudu Dewal Laamɗo amin, de kokkaa almaami Merimoot ɓii Uriyahu e Eliyajar ɓii Pinehas e Lewinkooɓe ɗiɗo wonduɓe e maɓɓe, ɓeen ngoni Yoojabad ɓii Yesuwa e No'aadiya ɓii Binuuyi.

Nehemiya 6:9

Ɓe fuu, iɓe njiɗi hulɓinde min. Ɓe miilii si ɓe ngaɗii noon kulol nanngan min, de gollal ngaal daroo. Ngaɗumi du'aare, mbiimi: — Yaa Laamɗo, semmbinɗin juuɗe am.

Wurtagol 12:35

Israa'iila'en ngaɗi ko Muusaa yamirnoo ɗum'en: Ɓe ndookii Misirankooɓe gineeji gaɗiraaɗi kaŋŋe e cardi e kaddule.

Wurtagol 12:36

Joomiraaɗo waɗi ɓe keɓi moƴƴere yeeso Misirankooɓe ɓeen. Ɓeen kokki ɓe ko ɓe ndookii fuu. Noon ɓe ɓoliri Misirankooɓe.

2 Korintunkooɓe 9:7

Mono fuu hokka ko anniyii e ɓernde muuɗum, tawa wanaa e mettorgal, wanaa e doole. Sabo Laamɗo ina yiɗi kokkiroowo seyo.