Ibraninkooɓe 9:22 - Dewtere Laamɗo Fulfulde Burkina Faso

²² Si goonga, ko ɓuri heewude ley Tawreeta fu, wo ƴiiƴam laaɓinta ɗum. Si wanaa ƴiiƴam rufaa fu, hakke yaafataake.

Ibraninkooɓe 9:22 ပူးပေါင်းရင်းမြစ်များ

Lewinkooɓe 14:14

Almaami itta ƴiiƴam kirsamaari sadaka njoɓdi hakke ndiin de wuja dow mbaggudi nowru laaɓinteeɗo oon nyaamru, e dow honndu muuɗum wordu ndu junngo nyaamo e ndu koyngal nyaamal.

Lewinkooɓe 14:25

O hirsa njawdiri sadaka njoɓdi hakke ndiin. O itta ƴiiƴam mayri, o wuja dow mbaggudi nowru laaɓinteeɗo oon nyaamru e dow honndu muuɗum wordu ndu junngo nyaamo e ndu koyngal nyaamal.

Lewinkooɓe 14:6

Foondu ɗiɗaɓurdu nduun du, o hooƴida ɗum e leggal seddere ngaal e ɓoggol ngool e liccal hisopi ngaal, o suuwa ɗum fuu ley ƴiiƴam foondu hirsaandu dow ndiyam laaɓuɗam ɗaam.

Lewinkooɓe 17:11

Sabo yonki ko woodi teewu fuu e ley ƴiiƴam muuɗum woni. Wo miin watti ɗam dow sakkirde faa ɗam mooyta hakkeeji mooɗon sabo wo ɗam yonki mbaawuki mooytude hakkeeji.

Lewinkooɓe 4:20

O waɗa ngaari ndiin hono no o waɗiri ndi sadaka yaafeede ndiin noon pay. Noon almaami oon waɗirta sadaka yaafeede faa hakkeeji maɓɓe mooytee de ɓe njaafee.

Lewinkooɓe 4:26

Ko laati ɓellere e mayri fuu, o wula ɗum dow sakkirde ndeen hono no sadaka dewral noon. Almaami waɗana o noon faa hakkeeji makko mooytee de o yaafee.

Lewinkooɓe 4:35

O itta ko laatii ɓellere e maggu fuu hono no sadaka dewral noon de o wula ɗum kanjum e sadakaaji Joomiraaɗo ɗiin fuu. Noon Almaami waɗiranta o faa hakkeeji makko mooytee de o yaafee.

Lewinkooɓe 5:10

O waɗa heddiindu nduun sadaka buleteeɗo fodde no yamiraa. Noon Almaami waɗiranta o faa hakkeeji makko mooytee.

Lewinkooɓe 5:11

Si tawii joomum walaa baawɗe waddude buugaali ɗiɗi ɗiin maa nyaabe ɗiɗi ɗeen du, wadda conndi ɗaatundi kilooji tati saabe sadaka yaafeede. Taa o watta ndi nebbam maa ure sabo wo ndi conndi sadaka yaafeede.

Lewinkooɓe 5:12

O yaara ndi to almaami de oon itta ndi tambannde junngo muuɗum hono maande de suurtina dow yiite sakkirde, dow sadakaaji Joomiraaɗo ɗiin. Wo ɗum sadaka yaafeede.

Lewinkooɓe 5:18

Ndelle sey joomum wadda njawdiri ndi walaa malal to almaami saabe njoɓdi hakke oon. Coggu mayri hiisoree buuɗi cardi nokkuure seniinde. Almaami waɗirana o njawdiri ndiin sadaka faa hakke mo o waɗi de o hensaaki oon mooytee.

Lewinkooɓe 6:7

Inan yamiroore dow sadaka conndi: Ɓiɓɓe Haaruuna ngadda ndi ɗakkol sakkirde yeeso Joomiraaɗo.