Ibraninkooɓe 8:5 - Dewtere Laamɗo Fulfulde Burkina Faso

⁵ To almaami'en ɓeen ngollata toon na holla en ko woni dow kammu. Nokku maɓɓe oon wo sifa tan. Nde Muusaa ɓadinoo darnude hukum Seedaaku oon ndeen, Laamɗo sappani mo, wi'i: «Tinnoɗaa, ngaɗiraa huunde fuu dow sifa mo kollumaami dow waamnde oon.»

Ibraninkooɓe 8:5 ပူးပေါင်းရင်းမြစ်များ

1 Kabaaruuji Laamiiɓe 28:12

O holli ɗum no o yiɗiri galleeji suudu Joomiraaɗo nduun ngaɗiree fuu, tawti cuuɗi piiliiɗi ndu e desirɗi jawdi suudu Laamɗo e kujje ceniiɗe ɗeen fuu.

1 Kabaaruuji Laamiiɓe 28:19

Daawda wi'i: — Ɗum fuu wo e binndi junngo Joomiraaɗo hokkiri kam de holli kam no haani waɗiree.

Wurtagol 25:40

Ndaaraa faa wooɗa de ngaɗiraa huunde fuu fodde alhaali mo kollumaami dow waamnde oon.

Wurtagol 25:9

Mi hollete alhaali mayru alhaali kujje mayru fuu. No kolliranmi on noon pay, ngaɗirton ɗum, ɗum fuu.

Wurtagol 26:30

Ndarnaa hukum oon fodde alhaali mo kollumaami dow waamnde oon.

Wurtagol 27:8

Sakkirde ndeen waɗiree leɗɗe ceelaaɗe, tawee du wo nde ɓolde hono luuro nii. Nde waɗiree no kollirmaami dow waamnde ndeen noon.

Limle 8:4

Joƴƴinirde fitillaaji ndeen fuu wo kaŋŋe dimo tafiraa gilla ley faa hewti alhaali pinndiiji ngaɗaaɗi dow mayre. Nde tafiraa hono no Joomiraaɗo yamirnoo Muusaa noon.

Matta 2:12

Caggal ɗuum, Laamɗo gongini ɓe ley koyɗol taa ɓe njeccoo to Hirudus. Ndelle ɓe kootiri leydi maɓɓe laawol gonngol.

Golle Nelaaɓe 7:44

Etiyen ɓeydi katin: — Maamiraaɓe meeɗen ɓeen ina njoginoo hukum Seedaaku ley ladde. Hukum oon moƴƴiniraama hono no Laamɗo tindiniri Muusaa, e sifa mo o holli ɗum.

Koloosiyankooɓe 2:17

Ɗum fuu wo ɗum alhaali kolloowo ko warannoo tan, ammaa goonga oon e Almasiihu woni.

Ibraninkooɓe 10:1

Tawreeta Muusaa oon wo sifa moƴƴereeji garooji ɗiin, wanaa tagaadi majji pay. Jokkuɓe Tawreeta ɓeen na ndewra Laamɗo kirsamaaji wakkatiiji fuu ley hitaande fuu. Ammaa Tawreeta oon waawaa hiɓɓinde ɓattoriiɓe Laamɗo kirsamaaji ɓeen.

Ibraninkooɓe 11:7

Saabe goonɗinal, Nuuhu sehiri laana faa danna koreeji muuɗum. O ɗowtanii Laamɗo cappanɗo mo ko warata, ko yi'aaka tafon ɗuum. Noon o sarorii adunaaru ndu fuu. Laamɗo du hiisorii mo o ponnditiiɗo saabe goonɗinal makko ngaal.

Ibraninkooɓe 12:25

Ndelle tinnee taa calanoɗon Kaaldoowo e mooɗon oon. Sabo salinooɓe cappanɗo ɗum'en dow leydi ga ɓeen ndaɗaay, sakko enen si en calanake cappanoowo en gonɗo dow kammu oon.

Ibraninkooɓe 13:10

Eɗen njogii hirsirde teddinirteende Laamɗo. Almaami'en gollooɓe ley hukum Ceniiɗo ɓeen ngalaa laawol nyaamude ko woni dow mayre.

Ibraninkooɓe 9:9

Ɗum fuu wo ɗum maande ko woni hannden: sadakaaji nyaamri e kirsamaaji fuu mbaawaa laaɓinde gaɗoowo ɗum'en faa tawa ɓernde mum felataa ɗum.

Yoosuwa 22:28

Min mbi'ii: Si ɗuum waɗii fu, ɓiɓɓe amin ina mbaawi wi'ude: Ndaaree, maamiraaɓe amin ngaɗiino hirsirde huccitinnde e hirsirde Joomiraaɗo. Hirsirde ndeen wanaa saabe sadakaaji buleteeɗi maa sadakaaji kirseteeɗi, ammaa faa nde laatoo seedee hakkunde meeɗen.

Holleede 15:5

Caggal ɗuum, nji'umi suudu Laamɗo seniindu dow kammu ina omti. Ɗum woni hukum seedaaku oon.