Ibraninkooɓe 7:11 - Dewtere Laamɗo Fulfulde Burkina Faso

¹¹ Laamɗo hokkii Israa'iilankooɓe Tawreeta, joƴƴinii ɗum dow almaamaaku Lewinkooɓe. Joonin le, si tawiino almaamaaku nguun hiɓɓiino fu, ndeen garol almaami goɗɗo hono Malkisedek mo ƴuuraay e Haaruuna, walaa nafaa.

Ibraninkooɓe 7:11 ပူးပေါင်းရင်းမြစ်များ

Galaatiyankooɓe 2:21

Mi huyfintaa moƴƴere Laamɗo. Sabo si tawii jokkude Tawreeta oon waɗata neɗɗo ponnditiiɗo fu, Almasiihu maayii ɓolum.

Galaatiyankooɓe 4:3

Enen du, nde en sukaaɓe ndeen, wo en maccuɓe tindinooje adunaaru ɗeen.

Galaatiyankooɓe 4:9

De joonin kaa ko annduɗon Laamɗo ɗuum, naa miɗo haannoo wiide joonin ko Laamɗo anndi on ɗuum: noy mbaawirton yeccaade e tindinooje adunaaru lokkaaje ɗe ngalaa nafaa ɗeen? Ko waɗi de oɗon njiɗi laataade maccuɓe majje katin?

Ibraninkooɓe 5:10

Laamɗo waɗii mo Almaami Mawɗo hono no Malkisedek.

Ibraninkooɓe 5:6

O wi'i e ley nokku goɗɗo: «Wo a almaami faa abada e sii almaamaaku Malkisedek.»

Ibraninkooɓe 6:20

Iisaa artii en, naati toon saabe meeɗen. O laatanake en Almaami Mawɗo faa abada hono Malkisedek.

Ibraninkooɓe 7:10

Sabo fay si taweede Lewi oon rimaaka tafon, e ɓanndu maammum Ibrahiima wonnoo nde Malkisedek jakkitinoo Ibrahiima ndeen.

Ibraninkooɓe 7:12

Wooɗi du, si almaamaaku waylitake fu, tilay jamirooje du mbaylitoo.

Ibraninkooɓe 7:13

Kulle ɗeen ina kaala haala Joomiraaɗo meeɗen. O jeyaaka e ƴuwdi Lewi. Wo e lenyol gonngol o jeyaa, ngol fay gooto muɓɓen gollaay golle almaami hirsirde abada.

Ibraninkooɓe 7:15

Kabaaru o ɓeydan laaɓude du si almaami goɗɗo ɓanguɗo oon nanndii e Malkisedek.

Ibraninkooɓe 7:21

Ammaa Iisaa laatorake almaami e dow hunayeere. Laamɗo wi'i mo: «Miin Joomiraaɗo hunii, waylitataa ko anniyii du, wi'i: Wo a almaami faa abada.»

Ibraninkooɓe 8:7

Sini amaana arandeejo oon laatakeno kiɓɓuɗo fu, walaa fuu ko ɗiɗaɓo nafata.

Ibraninkooɓe 9:6

Noon kulle ɗeen fuu moƴƴiniraa. Nyannde fuu almaami'en ɓeen ina naata, ina mburtoo to suudu arandeeru toon faa ngolla golle muɓɓen.