Ibraninkooɓe 6:18 - Dewtere Laamɗo Fulfulde Burkina Faso

¹⁸ Kulle ɗiɗi ɗe, ɗum woni hunayeere ndeen e amaana oon, mbaylitataako abada, sabo Laamɗo fenataa. Ndelle, ɗum fuu na semmbinɗina ɓerɗe meeɗen, enen doggirɓe to Laamɗo faa njogoɗen jikke mo kokkaɗen oon.

Ibraninkooɓe 6:18 ပူးပေါင်းရင်းမြစ်များ

Fuɗɗoode 19:22

Tinna ndoggaa cuuɗowoɗaa toon sabo mi waawaa waɗude huunde fuu fadde maa yottaade toon. Ɗum waɗi de wuro ngoon inndiraa Sowar (ɗum na fiirta «pamarel»).

1 Kaanankooɓe 2:28

Kabaaru oon yottii Yo'ab. Tawi Yo'ab, waldaano e Absalom ammaa na wondunoo e Adoniya. Ndelle o doggiri hukum Joomiraaɗo, o nanngowi luwe hirsirde, o mooli.

Banndi 3:18

Keɓuɗo ngo heɓii lekki nguurndam, jogiiɗo ngo inndirte jom barke.

Banndi 4:13

Joga tindinoore, taa yoofu nde, nanngu nde faa wooɗa, sabo kayre woni nguurndam maa.

Limle 23:19

Laamɗo wanaa tagaaɗo sakko fena, wanaa ɓii-Aadama sakko mimsita. Yalla o waɗataa ko o wi'i naa? Yalla o tabintintaa ko o haali naa?

Matta 24:35

Kammu e leydi timman, de haalaaji am kaa timmataa abada.

Matta 3:7

Ko o yi'i Farisa'en e Saduki'en heewɓe na ngara faa lootee lootagal batisima ɗuum, o wi'i ɗum'en: — Onon ɓiɓɓe bolle! Moy sappani on ndoggon tikkere Laamɗo waroore?

Luuka 2:25

Gorko gomma ina wonnoo Urusaliima, ina wi'ee Simeyon. Ruuhu Ceniiɗo ina woni e makko. O gorko dartiiɗo, kulɗo Laamɗo, imo heɗii wakkati mo gonɗi Israa'iila mooytetee.

Romankooɓe 15:5

Laamɗo jom munyal, cellinoowo ɓerɗe oon, hokku on laataade jom'en miilo wooto hono no Iisaa Almasiihu anndiniri on ni.

Romankooɓe 3:25

Wo kam Laamɗo waɗi kirsamaari ittoori hakkeeji, faa ittiri hakkeeji goonɗinɓe ɗiin e ƴiiƴam muuɗum. Hono noon Laamɗo holliri fonnditaare muuɗum, fay si jukkaakino luttuɓe arande

Romankooɓe 3:4

Ɗum waawaa koy! Fay si yimɓe fuu wo fewooɓe, tilay Laamɗo kaa annditee wo goongante. Wo hono noon winndiraa: «Fonnditaare maaɗa ina annditee e ko kaalataa ɗuum, si a sardaama du fu, a liɓan.»

Romankooɓe 5:5

Jikke oon du waasataake, sabo Ruuhu Ceniiɗo mo kokkaɗen oon hebbinii en njinngu Laamɗo.

Filipiyankooɓe 2:1

Wanaa Almasiihu na sellina ɓerɗe mon naa? Wanaa njinngu muuɗum na waaltina hakkillo mon naa? Wanaa ko kawtuɗon e Ruuhu Ceniiɗo, on keɓii korsa e yurmeende naa?

Koloosiyankooɓe 1:23

Ammaa sanaa keddoɗon e goonɗinal, laatoɗon dartiiɓe ɓe ndimmbataako. Taa mbosee jikke mo keɓuɗon wakkati mo nanuɗon Kabaaru Lobbo oon. Kabaaru Lobbo oon le, tagoore adunaaru ndu fuu waajaama o. Kanko ngollanammi, miin Pool.

Koloosiyankooɓe 1:27

Sabo Laamɗo anniyake anndinde ɓe sirri muuɗum mo waɗanta lenyi fuu, no sirri oon teddiri e no horsiri ni. Inan sirri oon: Almasiihu ina woni ley mooɗon, ɗuum hokkata on tannyoral wonude ley darja Laamɗo garoowo.

Koloosiyankooɓe 1:5

Oɗon ngorri noon saabe jikke mooɗon celluɗo e ko Laamɗo resani on dow kammu ɗuum. On keɓii jikke oon nde nannoɗon konngol goonga ndeen, ɗum woni Kabaaru Lobbo.

1 Tesaloniyankooɓe 1:10

Oɗon keɗii Ɓiyum ƴuuroowo dow kammu. Oon woni Iisaa mo o ummintini hakkunde maayɓe, kisinoowo en e jukkungo waroowo oon.

1 Timote 1:1

Ɓataaki ki to am ƴuuri, miin Pool. Mi laatake nulaaɗo Iisaa Almasiihu saabe yamiroore Laamɗo kisinoowo en e saabe Iisaa Almasiihu mo njowuɗen jikke dow muuɗum oon.

1 Timote 6:12

Ndurwaa ley durwo nafoowo, ndaraniingo goonɗinal ngoon. Tiigoɗaa nguurndam nduumiiɗam ɗam noddiraɗaa. Wo saabe majjam du ceedaniɗaa Almasiihu no wooɗiri yeeso yimɓe heewɓe.

2 Timote 2:13

Si en nganaa hoolniiɓe, kanko kaa o heddoto wo o koolniiɗo, sabo o waawaa yeddude hoore makko.

Titus 1:2

Goonɗinal e anndal ngaal na njowii dow jikke meeɗen heɓude nguurndam nduumiiɗam. Laamɗo, mo fenataa, mo bonnataa amaana oon, aadinoo hokkude nguurndam ɗaam gilla jamaanuuji puɗɗaay.

Ibraninkooɓe 11:7

Saabe goonɗinal, Nuuhu sehiri laana faa danna koreeji muuɗum. O ɗowtanii Laamɗo cappanɗo mo ko warata, ko yi'aaka tafon ɗuum. Noon o sarorii adunaaru ndu fuu. Laamɗo du hiisorii mo o ponnditiiɗo saabe goonɗinal makko ngaal.

Ibraninkooɓe 3:11

Faa kuniimi ley tikkere am, mbiimi: Ɓe naatataa ley fowtere am abada.»

Ibraninkooɓe 3:6

Ammaa Almasiihu wo ɓiɗɗo koolniiɗo. Kam woni hooreejo dow suudu Laamɗo nduun. Enen ngoni suudu makko nduun, si tawii en tinnake e hoolaare, en keddake e jikke ko mantortoɗen ɗuum.

Ibraninkooɓe 6:17

Nde Laamɗo aadinoo ɗum ndeen, na yiɗi heɓooɓe amaana oon paama faa laaɓa anniya muuɗum waylitataako fey. Ɗum waɗi de o ɓeydi hunayeere e dow amaana makko oon.

Ibraninkooɓe 7:19

Si goonga, ley Tawreeta Muusaa oon fay gooto laataaki kiɓɓuɗo. Joonin kaa en njowii jikke men e ko ɓuri Tawreeta Muusaa oon. E jikke oon keɓirten ɓattaade Laamɗo.

Ibraninkooɓe 7:21

Ammaa Iisaa laatorake almaami e dow hunayeere. Laamɗo wi'i mo: «Miin Joomiraaɗo hunii, waylitataa ko anniyii du, wi'i: Wo a almaami faa abada.»

Yoosuwa 20:3

Si won gaɗɗo war-hoore hakkunde mooɗon tawi hensaaki maa tawi muuyaay fu, joomum ina waawi doggirde huɓeere wootere nder kuɓeeje ɗeen. Nde laatanto joomum ɗo moolotoo heɓa taa jeyɗo yomnitaade ƴiiƴam oon hewtoo mo.

1 Yuhanna 1:10

Si en mbi'ii en ngaɗaay hakke, en ngaɗii Laamɗo wo penoowo, konngol makko du naataay e meeɗen.

1 Yuhanna 5:10

Goonɗinɗo Ɓii Laamɗo, heɓii seedaaku nguun e ley ɓernde muuɗum. Mo goonɗinaay Laamɗo waɗii Laamɗo wo penoowo, sabo jaɓaay seedaaku ngu Laamɗo haali haala Ɓiyum.

1 Samuwiila 15:29

Joomiraaɗo Israa'iila Koolniiɗo, o fewataa, o waylitataa anniya makko. Sabo o wanaa neɗɗo sakko o mimsita.