Ibraninkooɓe 6:10 - Dewtere Laamɗo Fulfulde Burkina Faso

¹⁰ Sabo Laamɗo wanaa oonyiiɗo sakko yeggita golle mooɗon naa njinngu ngu kolluɗon ɗum nde ngollanɗon seniiɓe ɓeen ndeen e no ngaɗoton faa joonin du.

Ibraninkooɓe 6:10 ပူးပေါင်းရင်းမြစ်များ

Nehemiya 13:22

Caggal ɗuum, mbiimi Lewinkooɓe laɓinaa ko'e muɓɓen, de njaha ndoomowa dammbuɗe faa ndeena nyalaande fowteteende ndeen, de heddoo ɗe seniinde. Yaa Laamɗo am, miccitoɗaa kam saabe majjum, fodde hinney ma mawɗo!

Nehemiya 13:31

Njamirmi dokke leɗɗe duppirɗe e dokke ley ko arti ɓenndude ley gese ngaɗee fodde wakkatiiji muɓɓen. Yaa Laamɗo am, miccitoraɗaa kam saabe mbooɗirka maaɗa.

Nehemiya 5:19

Yaa Laamɗo am, miccitoɗaa kam, ngaɗanaa kam mbooɗirka ma fodde huunde fuu ko ngaɗammi yimɓe ɓe.

Wurtagol 1:20

Laamɗo barkini rimtinooɓe ɓeen. Yimɓe Israa'iila ɓeydii heewude, ngaɗi semmbe du.

Banndi 14:31

Tiinnanɗo talkaajo felii Taguɗo ɗum, de jurmiiɗo mo kaa, teddinii Taguɗo mo.

Banndi 19:17

Moƴƴanɗo talkaaɓe wuƴake Joomiraaɗo, Joomiraaɗo du yoɓan joomum.

Tindinoowo 11:1

Neldaa nyaamdu maa dow maayo, sabo si juutii neeɓii fu a hewtowan barke majjum.

Matta 10:42

Goonga kaalanammi on: neɗɗo fuu kokkuɗo ɓurɗo famɗude e taalibaaɓe am fay horde-loonde ndiyam peewɗam saabe wo o taalibaajo am fu, waasataa heɓude mbarjaari muuɗum.

Matta 20:7

Ɓe njaabii mo, ɓe mbi'i: «Fay gooto hooƴaay min golle.» O wi'i ɓe: «Njehee onon du ngollowon to ngesa am cabiije ngaan.»

Matta 25:17

Jom 200 oon du waɗi noon, tinii kam du mutakal 200 goɗɗe.

Marka 9:41

Goonga kaalanammi on: neɗɗo fuu kokkuɗo on horde ndiyam saabe on yimɓe Almasiihu, waasataa heɓude mbarjaari muuɗum.

Yuhanna 13:20

Goonga kaalanammi on: neɗɗo fuu jaɓɓiiɗo mo nulumi, jaɓɓake kam. Neɗɗo fuu jaɓɓiiɗo kam, jaɓɓake Nulɗo kam oon du.

Golle Nelaaɓe 10:31

wi'i: «Korneliyus, Laamɗo jaabanake ma du'aawuuji maa e sadakaaji maa.

Golle Nelaaɓe 10:4

O ndaari ɗum faa wooɗi, o huli, o wi'i ɗum: — Joomam, ɗume? Maleyka oon wi'i mo: — Du'aawuuji maa e sadakaaji ɗi ngaɗanɗaa talkaaɓe ɗiin ina mbeli Laamɗo. Laamɗo yeggitaay ma.

Golle Nelaaɓe 11:29

Taalibaaɓe ɓeen anniyii hawrundurde mballa, mono fuu ko waawi, faa ɓe nelda sakiraaɓe maɓɓe wonɓe Yahuudiya ɓeen.

Romankooɓe 12:13

Mballee seniiɓe Laamɗo e haajuuji muɓɓen, laatee jaɓɓotooɓe weerɓe.

2 Korintunkooɓe 9:1

Walaa ko mi winndana on dow wallugol seniiɓe wonɓe Urusaliima ɓeen.

Galaatiyankooɓe 5:13

Sakiraaɓe, on noddaama faa ndimɗon. Joonin le, taa ngaɗon de ndimaaku mon laatanoo on sabaabu faa njokkon muuyɗe terɗe. Ko kaanɗon waɗude dey, mono fuu gollirana banndum e njinngu.

Galaatiyankooɓe 5:6

Sabo kaɓɓiiɗo e Iisaa Almasiihu, taadagol e rafi taadagol fuu fotu. Ko nafata tan, goonɗinal golliroowal njinngu.

Galaatiyankooɓe 6:10

Ndelle, wakkati keɓɗen laawol fuu, ngaɗanen yimɓe fuu moƴƴere, ɓurɓe fuu haandude wo sakiraaɓe men goonɗinɓe Iisaa Almasiihu ɓeen.

Fillitagol 32:4

Kanko woni tefaare, golle makko wo kiɓɓuɗe, laabi makko fuu wo laaɓuɗi. Wo o Laamɗo koolniiɗo, ko oonyii walaa e makko, wo o dartiiɗo, laaɓuɗo.

Koloosiyankooɓe 3:17

Ko ngaɗoton fuu, nde wo haala nde wo golle, ngaɗiree ɗum fuu e ley innde Joomiraaɗo meeɗen Iisaa, njettiron Laamɗo Baaba meeɗen e innde makko.

1 Tesaloniyankooɓe 1:3

Miɗen miccoo on wakkati fuu yeeso Laamɗo Baaba meeɗen. Miɗen miccitoo golleeji ɗi ngollirɗon saabe goonɗinal, miɗen miccitoo tinnitaare mooɗon saabe njinngu, miɗen miccitoo munyal mooɗon saabe jikke mon e Joomiraaɗo meeɗen Iisaa Almasiihu.

1 Timote 6:18

Sey ɓe ngolla ko wooɗi, ɓe keewa golleeji lobbi no jawdi maɓɓe heewiri noon. Ɓe laatoo moƴƴuɓe, yardiiɓe wallirde woɓɓe e jawdi maɓɓe.

2 Timote 4:8

Gilla joonin miɗo resanaa mbarjaari fonnditaare ndi Joomiraaɗo carotooɗo ponnditiiɗo oon hokkata kam nyannde darngal. Wanaa miin tan hokketee, de wo miin e heppuɓe gartol makko ɓeen fuu.

Ibraninkooɓe 10:32

Miccitee nyalaaɗe mooɗon arane ɗeen, caggal nde Laamɗo yaynunoo hakkillooji mooɗon. On ndurwii ley torraaji keewɗi e munyal.

Ibraninkooɓe 13:16

Ammaa taa njeebee waɗude ko wooɗi. Peccon ko njogiɗon. Sabo sadakaaji ɗiin ina mbela Laamɗo.

1 Yuhanna 1:9

Ammaa si en kaaltanii Laamɗo hakkeeji men, o yaafoto en, o laaɓina en e hakkeeji fuu. Sabo kanko, wo o koolniiɗo, ponnditiiɗo.