Ibraninkooɓe 4:16 - Dewtere Laamɗo Fulfulde Burkina Faso

¹⁶ Ndelle, en kooloo ɓattaade jooɗorgal Jom moƴƴere, faa keɓen yurmeende e moƴƴere, ɗum walla en nde kaajaɗen fuu.

Ibraninkooɓe 4:16 ပူးပေါင်းရင်းမြစ်များ

1 Kabaaruuji Laamiiɓe 28:11

Daawda hokki ɓiyum Suleymaana natal alhaali naarude suudu nduun e cuuɗi piiliiɗi ɗum e cuuɗi desirɗi e cuuɗi dowuuji e cuuɗi leyiiji e suudu keesuwal Amaana.

Lewinkooɓe 16:2

Joomiraaɗo wi'i Muusaa: — Kaaldaa e sakiike maaɗa Haaruuna mbi'a ɗum taa naata wakkati fuu faa ley Nokkuure Ɓurnde fuu Senaade gaɗa ridoo yeeso keruba'en huuruɓe keesuwal Amaana ngaal. Noon waɗta taa o maaya sabo miɗo ɓanga nder ruulde dow ommboode ndeen.

Efeesunkooɓe 2:18

Saabe ko Almasiihu waɗii ɗuum, en fuu keɓirten laawol yottaade Baabiiwo saabe en kawtii Ruuhu Ceniiɗo gooto.

Efeesunkooɓe 3:12

Saabe en ngoonɗinii Almasiihu, en kawtii e muuɗum, eɗen mbaawi ɓadoraade Laamɗo e hoolaare, eɗen anndi o jaɓanan en.

Ibraninkooɓe 13:6

Saabe majjum, eɗen mbaawi haalude ɗum ɗo dow hoolaare: «Joomiraaɗo woni balloowo kam, mi hulataa. Ɗume neɗɗo waawata waɗude kam?»

Ibraninkooɓe 3:6

Ammaa Almasiihu wo ɓiɗɗo koolniiɗo. Kam woni hooreejo dow suudu Laamɗo nduun. Enen ngoni suudu makko nduun, si tawii en tinnake e hoolaare, en keddake e jikke ko mantortoɗen ɗuum.

Ibraninkooɓe 7:19

Si goonga, ley Tawreeta Muusaa oon fay gooto laataaki kiɓɓuɗo. Joonin kaa en njowii jikke men e ko ɓuri Tawreeta Muusaa oon. E jikke oon keɓirten ɓattaade Laamɗo.

Ibraninkooɓe 7:25

Saabe ɗuum, imo waawi hisinde ɓattoriiɓe Laamɗo saabe makko ɓeen kisindam kiɓɓuɗam. Imo waawi hisinde ɓe sabo imo wuuri faa abada, imo surana ɓe to Laamɗo.

Ibraninkooɓe 9:5

To dow keesuwal toon na woodi nate maleyka'en ɗiɗo wi'eteeɓe keruba'en, wo ɓe maande teddeengal Laamɗo. Bippeele maɓɓe ina kuuri nokku ɗo ƴiiƴam ɗaam rufetee faa hakkeeji njaafee ɗoon. Ammaa en mbaawaa sifaade kulle ɗeen faa laaɓa e wakkati o.

1 Piyeer 2:10

Arande on nganaano yimɓe Laamɗo, de joonin wo on yimɓe muuɗum. On keɓaayno yurmeende makko, joonin kaa on keɓii.