Ibraninkooɓe 4:13 - Dewtere Laamɗo Fulfulde Burkina Faso

¹³ Tageefo fuu suuɗanaaki Laamɗo. Huunde fuu na ɓangi yeeso makko, na yi'ee. Wo yeeso makko njaabantoɗen ko'e meeɗen.

Ibraninkooɓe 4:13 ပူးပေါင်းရင်းမြစ်များ

1 Kabaaruuji Laamiiɓe 28:9

Aan Suleymaana, suka am, anndaa Laamɗo am miin baaba maaɗa, de ngolliranaa ɗum e ɓernde ma fuu, e yonki ma fuu sabo Joomiraaɗo na hiinya ɓerɗe fuu, na anndi miilooji fuu. Si a filake o fu, o accan njiitaa o. Si a tottitake o du, o faɗɗete faa abada.

Ayuuba 26:6

Nokkuure ndeen suuɗanaaki Laamɗo, nokku halkere du walaa ko suuɗi ɗum.

Ayuuba 34:21

Sabo gite makko na taykoo laabi neɗɗo, imo ndaara to yahata fuu.

Ayuuba 38:17

Dammbuɗe maayde ina udditii yeeso maaɗa naa? A yi'ii to nimre ɓaleere naarrata naa?

Banndi 15:11

Fay maayde e laakara cuuɗaaki yeeso Joomiraaɗo, sakko ɓernde ɓii-Aadama.

Banndi 15:3

Gite Joomiraaɗo ina nji'a nokku fuu, iɗe taykoo bonɓe e fonnditiiɓe.

Banndi 5:21

Anndu, Joomiraaɗo na yi'a laabi neɗɗo fuu, imo ndaara to neɗɗo yahata fuu.

Tindinoowo 12:14

Sabo Laamɗo saroto gollal fuu fay cuuɗiingal, yalla wo lobbal naa bonngal.

Matta 6:4

Ndeen jakka maa oon laatoto ko suuɗii, de Baabiraaɗo maa ji'oowo ko suuɗii oon yoɓe.

Yuhanna 2:24

Ammaa Iisaa hoolaaki ɓe faa hokkita ɓe hoore muuɗum, sabo imo anndi ɓe fuu.

Yuhanna 21:17

Iisaa wi'i mo katin: — Simon, ɓii Yuhanna, aɗa yiɗi kam naa? Piyeer sunii sabo joonin woni kilol tataɓol ko Iisaa wi'i mo «Aɗa yiɗi kam naa?» Piyeer wi'i mo: — Joomam, aɗa anndi huunde fuu, aɗa anndi miɗo yiɗi ma. Iisaa wi'i mo: — Nyaamnaa baali am ɗiin!

Yuhanna 4:16

Iisaa wi'i mo: — Yahu noddoy gora, ngardon!

Golle Nelaaɓe 17:31

Sabo o waɗii nyannde nde o sarotoo adunaaru ndu e fonnditaare. O sarortoo ɗum e neɗɗo mo o suɓii oon. O hollii yimɓe fuu ɗum wo goonga nde o ummintinnoo neɗɗo oon e maayde.

Romankooɓe 2:16

Ɗum ɓangowan nyannde Laamɗo yamirta Iisaa Almasiihu saroo ko suuɗii ley ɓerɗe ɗuum, no fotirta e Kabaaru Lobbo mo mbaajotoomi oon.

1 Korintunkooɓe 4:5

Ndelle, taa caree fay gooto illa wakkati oon yottaaki, illa Joomiraaɗo waraay. Kam yaltinta ko suuɗinoo e nimre, kam ɓanginta anniyaaji ɓerɗe yimɓe. Nyannde ndeen, mono fuu heɓan to Laamɗo jettooje ɗe foti heɓude.

2 Korintunkooɓe 5:10

Sabo ina tilsi en fuu ndaroɗen yeeso Almasiihu faa careɗen, faa mono fuu heɓa mbarjaari golleeji muuɗum gaɗooji e ɓanndu ndu, nde wo ko wooɗi naa ko boni.

Holleede 2:23

Mi halkan ɓiɓɓe makko du. Ndeen kawrite goonɗinɓe ɗeen fuu anndan miin woni ndaartintooɗo hakkillooji e ɓerɗe. Katin du mi yoɓan gooto mooɗon fuu haddi golle muuɗum.

1 Samuwiila 16:7

Ammaa Joomiraaɗo wi'i Samuwiila: — Taa taykoɗaa alhaali makko naa darnde makko, sabo mi salake mo. Joomiraaɗo ndaarataa kulle ɗe neɗɗo ndaarata. Neɗɗo na ndaara ko nanngata gite, Joomiraaɗo kaa na ndaara ɓernde.